Աստվածաշնչի հայտնի հատվածներ Mateo 18-ից

Կիսվել

Ma pa kimolom wi kib' keb' oxib' pa ri nub'i', chiri' in k'o wi ri'in chikinik'ajal rike —xcha'.

Kamb'i'ij k'u chiwe: We e k'o ka'ib'oq chiwe wara che ruwachulew ku'an junam kik'u'x chwi ri kakitz'onoj pa oración, ri Nuqaw k'o chila' chikaj kuya na chike.

Ek'uchiri', ri Jesús xusik'ij jun ralko k'o'm y xuya chikinik'ajal rike. Xub'i'ij k'u chike: —Paqatzij wi kamb'i'ij chiwe: We na kijalk'atij ta rib'inik isilab'ik cha' kixu'an pacha' raltaq ko ak'alab', na kixok ta ri' chupa rutaqanik ri Dios petinaq chila' chikaj.

Jek'ula', china ri ku'an ch'uti'n che rib' pacha' wa ralko k'o'm, e lik k'o uwach ri' pa rutaqanik ri Dios.

Yey china ri kuk'ul chupa ri nub'i' junoq na jinta uwach pacha' wa ralko k'o'm, e junam ruk' e in ri kinuk'ulu.

Paqatzij wi kamb'i'ij chiwe: Janipa ri kixim ri'ix wara che ruwachulew, kaximitaj chila' chikaj. Janipa ri kikir ri'ix wara che ruwachulew, kakiritaj chila' chikaj.

»Jek'ula' ku'an ri Nuqaw k'o chila' chikaj iwuk' ri'ix we k'o junoq chiwe na kukuy ta umak ri ratz-uchaq' ruk' ronoje ranima' —xcha'.

»China ri kaminow pa mak junoq chike wa ch'uti'q kub'ul kik'u'x wuk', e ne más utz katzayab'ax b'i puqul juna nimalaj ka' re ke'em y kak'aq k'u b'i pa ri mar cha' kamuqutaj k'a chuxe'.

¿Sa' kich'ob' ri'ix ku'an juna achi we k'o jun ciento ub'exex yey kasach k'u junoq chike? ¿Na keb'uk'ol ta neb'a kan ri' ri noventa y nueve y ke'ek chwa ri juyub' che utzukuxik ri jun xsach kanoq?