LUQAASI BITIMA
BITIMA
Luqaasihu Danchu Duduwi kunni albaanni daanno yine, himanaanote widoonni qolle kulloonnihure Yesuusire duduwanno; qoleno, lowo yannara albaanni hexxo uyinoonninsa garinni, Israeelete manni agadhannoha Buuramino Moote, manna baalahono Gatisaancho ikkinota xawisanno. Luqaasi, Yesuusi buxanete Dancha Duduwo kulara, Annisiwiinni soqqame dayinoha ikkinotanna kuni Danchu Duduwino mannunniha addi addi qarra tirate dhagge amadinoha ikkinota kulanno. Luqaasihu Danchu Duduwi, roorenka Yesuusi daa kultannotera umi fooliishshuwaranna Yesuusi gordo ha'rannota kultannotera goofimarchu fooliishshuwara luphi assine kulloonniha hagiirru coye amadino. Yesuusi gordo fulihu gedensaanni, Kiristaanu amma'na layinkimeeshsho hiitto ikkite hala'litinoro kultanno dhagge Soqqamaasinete Loosi Maxaafi giddono kuni borreessaanchi xawisino.
Sokkaasinete faarsore, Yesuusi ilami waro allaalaasine marte la'inosita kultanno dhagge, Yesuusi anjenni hee're Qullaawu Minira ha'rasi, shooshaqu Samaarichirenna bae leelli beetti dhagge anfannihu kunni Luqaasihu Danchu Duduwi giddo callaati. Kunni Danchu Duduwi giddo qara ikkino coyi huuccattonnireeti, Qullaawu Ayyaanireeti, Yesuusi soqqansho giddo meentoho noonsa dargaatinna Maganu mannu cubbo asse agurino garaati.
Maxaafu Amado:
Eote hedo 1:1-4
Cuuaanchu Yohaannisitanna Yesuusi ilama 1:5—2:52
Cuuaanchu Yohaannisi soqqansho 3:1-20
Yesuusi cuuamanna jifamasi 3:21—4:13
Yesuusi soqqanshosi Galiilaho hanafi 4:14—9:50
Galiilunni Yerusaalame ha'rasi 9:51—19:27
Jeefote lamalara Yerusaalametenna gaangaawisera 19:28—23:56
Yesuusita reyotenni ka"asinna gordo ha'rasi 24:1-53
Jelenleg kiválasztva:
LUQAASI BITIMA: QulMax
Kiemelés
Megosztás
Másolás
Szeretnéd, hogy a kiemeléseid minden eszközödön megjelenjenek? Regisztrálj vagy jelentkezz be
© The Bible Society of Ethiopia; Sidama Holy Bible BSE-UBS 262 P 2014