Gwo Pwoblèm Ki Sou Wout Nou yoEgzanp

Rezoud Gwo Pwoblèm ou yo avèk Bondye

Anpil moun renmen jere pwoblèm yo oubyen difikilte yo pou kont yo san yo pa mande pèsòn èd, paske pou yo, s aka rabese yo si yo al mande moun pou ede yo. Eske nou konnen Bondye se pa yon moun tankounnou Li ye, sa nou konfye L yo, Li pap mete yo nan lari, epi Li pap lage w lè L di L ap kenbe w. Lè nou fè fas ak gwo pwoblèm sa yo ak Bondye bò kote nou, nou gen pouvwa pou ranpòte viktwa sou yo. Jeremi 32:27 raple nou pawòl sa yo, pa gen anyen ki twò difisil pou Bondye. Lè w Jere Pwoblèm ou yo avèk Bondye sa plis pase jis rekonèt prezans Li; sa vle di ou depann de Li nan chak sitiyasyon. Chache li nan lapriyè, nan jèn epi nan devosyon ou yo, pa kite w distrè, nonplus pa kite lavi a fè w bliye se Bondye k ap veye sou ou.

Anplis, lè w ap jere gwo pwoblèm ou yo avèk Bondye sa mande lafwa. Sa mande pou nou fè yon pa ann avan nan konfyans nou nan Bondye, nou dwe kwè ke Bondye se sa Li di Li ye a, se sa li ye vre epi Li ap fè sa Li pwomèt. Lafwa sa a pa pasif; li aktif epi li dinamik, sa pouse nou pou nou avanse menm lè laperèz ap eseye rale nou tounen. Pandan nou ap fè fas ak gwo pwoblèm nan lavi nou, ann fè sa ak yon konfyans total nan Bondye, tout bagay posib, epi viktwa se nan men nou li ye.