Pran aplikasyon anOnore Paran nou (Manman ak Papa)Egzanp
Lòt Fason Pou Onore Paran ou
Gen plizyè lòt fason pou nou onore paran nou anplis de obeyisans, respè, epi koute yo. Youn nan fason ki trè enpòtan ankò, se pran swen yo, ba yo sa yo bezwen, epi montre yo rekonesans nou. Pawòl Bondye kontinye pou ankouraje nou pou nou fè kè papa ak manman nou kontan, pou fè moun ki te pote nou an kontan. Sa vle di nou dwe atantif a byennèt yo, kit li se materyèlman oswa emosyonèlman.
Pou kèk moun, onore paran yo ka vle di ede yo finansyèman oswa ba yo kado kòm yon siy de rekonesans. Pou lòt moun, li ka se jès ki senp tankou pase tan ak yo, koute yo, epi sipòte yo nan moman difikilte yo. Kèlkeswa sikonstans yo, sa ki enpòtan an se montre paran nou ke nou renmen yo epi ke yo gen valè nan lavi nou.
An rezime, pi bon fason pou onore paran nou se rete an kontak avèk yo. Lè nou prezan nan lavi yo epi nou montre yo ke yo gen enpòtans pou nou, nou ofri yo pi gwo respè a. Pran semèn sa a kòm yon opòtinite pou nou reflechi sou fason nou ka onore paran nou epi mete an pratik aksyon ki eksprime lanmou ak rekonesans nou.
Konsènan Plan sa a
Devosyon sa a mete aksan sou enpòtans sa genyen lè nou onore paran nou dapre sa pawòl Bondye a rekòmande nou. Atravè obeyisans nou, respè nou pou yo, ak jan nou koute yo. Nou pral eseye konprann tout diferan fason pou nou eksprime lanmou ak rekonesans nou pou moun ki te ban nou lavi yo.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
