Pran aplikasyon anOnore Paran nou (Manman ak Papa)Egzanp
Onore Paran Nou Atravè Respè Nou Pou Yo
Respè se yon lòt mannyè fondamantal pou onore paran nou. Nan liv Levitik, Bondye mande nou respekte manman ak papa nou, sa ki mete aksan sou enpòtans pou nou ba yo konsiderasyon yo merite. Respekte paran nou pa vle di nou inyore feblès yo oswa erè yo, men pito, se rekonèt valè yo. Tout paran se moun, yo ka fè erè, men yo rete paran nou e yo merite pou yo jwenn respè.
Respekte paran nou tou vle di sipòte yo nan moman feblès yo, konsole yo lè sa nesesè, epi ankouraje yo nan efò yo. Sa vle di nou dwe pasyan epi konprann yo, menm lè sitiyasyon yo difisil. Nou dwe montre respè nan pawòl ak aksyon nou, asire nou toujou pale ak jantiyès epi aji avèk lanmou ak yo.
Anfen, respekte paran nou vle di wè yo kòm enstriman Bondye te itilize pou ban nou lavi. Se rekonèt wòl esansyèl yo jwe nan devlopman nou epi onore plas Bondye te ba yo nan lavi nou. Respè se yon fòm lanmou san kondisyon, yon lanmou ki depase enpèfeksyon yo epi ki konsantre sou diyite chak paran nou.
Konsènan Plan sa a
Devosyon sa a mete aksan sou enpòtans sa genyen lè nou onore paran nou dapre sa pawòl Bondye a rekòmande nou. Atravè obeyisans nou, respè nou pou yo, ak jan nou koute yo. Nou pral eseye konprann tout diferan fason pou nou eksprime lanmou ak rekonesans nou pou moun ki te ban nou lavi yo.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
