Pran aplikasyon anOnore Paran nou (Manman ak Papa)Egzanp
Onore Paran Nou Atravè Obeyisans Nou
Obeyisans se youn nan premye fòm onè nou ka eksprime pou paran nou. Pawòl Bondye di nou nan liv Efezyen an pou nou obeyi paran nou nan Seyè a, paske sa kòrèk. Obeyisans sa a se pa sèlman yon devwa, men li se yon ekspresyon lanmou ak respè anvè moun ki te pran swen nou depi nan nesans nou. Lè nou onore paran nou atravè obeyisans, nou mete nou ann akò ak volonte Bondye, ki konsidere aksyon sa a kòm jis e apwopriye.
Obeyi paran nou pa vle di swiv enstriksyon yo san reflechi, men olye de sa, se konprann sajès yo ak eksperyans yo. Pafwa konsèy yo ka parèt demode oswa difisil pou aksepte, men li enpòtan pou nou sonje ke paran nou vle pi bon bagay yo pou nou. Bondye te konfye nou nan men yo, e atravè konsèy yo, Li anseye nou disiplin ak sajès ki nesesè pou nou grandi nan lafwa ak nan karaktè.
Se poutèt sa, obeyisans anvè paran nou se yon fason pou demontre angajman nou pou nou onore Bondye. Lè nou koute epi swiv konsèy paran nou, nou montre rekonesans nou pou tout sakrifis yo te fè pou nou. Aksyon sa a pa sèlman ranfòse relasyon nou ak yo, men li glorifye Bondye tou, paske lè nou onore paran nou, nou onore plan diven Li gen pou fanmi yo.
Konsènan Plan sa a
Devosyon sa a mete aksan sou enpòtans sa genyen lè nou onore paran nou dapre sa pawòl Bondye a rekòmande nou. Atravè obeyisans nou, respè nou pou yo, ak jan nou koute yo. Nou pral eseye konprann tout diferan fason pou nou eksprime lanmou ak rekonesans nou pou moun ki te ban nou lavi yo.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
