Pran aplikasyon anOu Pa KondaneEgzanp
Kris la Konplè
Libète Kris la se pa yon bagay pasyèl; li konplè. Lè Jezi deklare pou L di si Li menm ki pitit la libere ou, ou pral vrèman lib tout bon vre a, Li vle di libète sa a se pa sèlman sou kèk aspè nan lavi nou, men nou libere de tout chenn ki te yon fwa anchennen nou sou wout lavi a. Se pa yon a mwatye Li te fè sou kwa a; men se te yon travay fini ki ban nou liberasyon total. Sa vle di nan chak pati nan lavi nou, kit se espirityèl, ki se emosyonèl, ki se mantal, nou genyen libète total nan Kris la.
Pandan nou sou wout lavi a, li enpòtan pou nou sonje libète sa a genyen ladan l tout bagay. Jezi, kòm Gran sakrifikatè a, ofri yon sakrifis ki pafè devan Bondye, yon sakrifis ki retire tach peche nou yo pou tout tan. Apre sakrifis Kris la, nanpwen lòt sakrifis ki efikas ankò, sa vle di tout dèt nou yo peye.
Men deklarasyon Jan Batis te fè lè li Jezi ap vini : ‘’ Gade, ti mouton Bondye a, ki va retire peche nou yo nan mond lan,’’. Lè sa a se Sentespri a menm ki te kapte Jan Batis, ki te pouse li fè bèl deklarasyon sa a. Ala bèl sa bèl lè yon moun mete konfyans li nan Kris la, lè yon moun rete kouvri anba san Anyo a.
Konsènan Plan sa a
Nan Kris pa gen okenn kondanasyon. Verite sa a siyifi nou libere anba pinisyon peche. Depi moman nou aksepte Kris, idantite nou chanje soti de moun ki kondane a moun ki delivre. Nou pa nan chenn nan ankò, erè pase nou yo oswa kondanasyon nou yo tout tonbe sou Kris la. Atravè 5 jou devosyon sa yo, nou pral founi je gade ansanm kisa pawòl Bondye di sou libète sa a nou jwenn nan Kris la.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
