Pran aplikasyon anOu Pa KondaneEgzanp
Soti nan Kondanasyon pou rive nan Delivrans
Kounye a pa gen okenn kondanasyon pou moun ki nan Kris. Verite pwofon sa a pwoklame liberasyon nou anba pinisyon peche. Depi moman nou aksepte Kris la, idantite nou chanje. Nou pa menm moun nan ankò, nonpliskondanasyon pou soufrans peche nou yo koupe. Olye de sa, atravè sakrifis Kris la, nou jwenn yon nouvo vi, yon lòt demaraj kote nou jwenn padon peche nou yo, epi nou rantre nan fanmi Bondye a.
Lè nou reflechi sou tan nou pèdi, lè nou gade chay peche nou yo, si pa t lanmou Bondye atravè Kris la nou te peri nèt ale. Lanmou Kris la kouvri tout mal nou yo. Malgre nou te mouri nan peche nou yo, nou te merite lanmò, kado Bondye atravè Jezi Kris la ofri nou lavi etènèl. Lanmou Li te jwenn nou, retire nou nan fènwa epi antre nan nou gran limyè. Se pa pase nou ki defini nou ankò; men nouvo idantite nou genyen kounye a anba gras Bondye papa nou an atravè sakrifis Kris la sou Kwa a.
Jezi ban nou asirans sou kijan nou pase soti nan lanmò pou rive nan lavi. Asirans sa a pa sèlman yon espwa pou lavni nou men yon reyalite nan prezan nou. Kite verite sa a antre nan kè nou epi gide nou pandan nou ap avanse sou chimen an jiskaske Kris la tounen vin chache nou.
Konsènan Plan sa a
Nan Kris pa gen okenn kondanasyon. Verite sa a siyifi nou libere anba pinisyon peche. Depi moman nou aksepte Kris, idantite nou chanje soti de moun ki kondane a moun ki delivre. Nou pa nan chenn nan ankò, erè pase nou yo oswa kondanasyon nou yo tout tonbe sou Kris la. Atravè 5 jou devosyon sa yo, nou pral founi je gade ansanm kisa pawòl Bondye di sou libète sa a nou jwenn nan Kris la.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
