Pataje Jezi vèk KonfyansEgzanp

Mete konfyans nou nan kris la

Nou pa ka pale sou lafwa nan Bondye san Jezi. Li te vin sou tè a anviwon de mil ane de sa e Li te deklare se Li ki se koneksyon an ant nou menm ak Bondye. Se poutèt s, relasyon ak li esansyèl.

Jezi se tou de imen ak Bondye, oswa Bondye nan fòm imen. Jezi refere a Bondye kòm Papa a, lè L ap pale de Li, fè moun konnen ke vini sou tè a se te toujou plan Bondye pou limanite. Plan sila a te mande pou se pi gwo sakrifis la ki te dwe fèt, paske Jezi te gen pou bay lavi L pou fot nou yo, sa Bib la rele peche a. Sakrifis Li a se sous espwa nou, ki lanse yon nouvo fason pou nou viv, yon fason sakrifisyèl pou moun ki ta deside swiv Li.

Sonje byen, Jezi te vini sou tèt a pou chèche nou epi sove nou. Li vin sove nou anba peche ki separe nou ak Bondye. Sa pa yon ide relijye ki dwòl menm paske chak jou gen moun sosyete a mete deyò akoz aksyon yo, krim yo, oswa peche yo. Gen anpil move aksyon ki ka lakòz nou separe ak sosyete a, men nenpòt peche ki vyole lalwa Bondye separe nou ak wayòm Li, se yon bagay ki ale pi lwen pase sa nou wè sou tè sa a.

Nou tout tonbe nan kategori moun pechè yo; se sa ki move nouvèl la, men bon nouvèl la se, Jezi te vini pou sove nou tout. Li vin chèche epi sove nenpòt moun ki chwazi Li. Fason li te chache moun sa yo se te nan ti chita pale ak yo. Li t ap chèche moun ki te dispoze kite Li jwenn yo: moun ki gen lafwa epi ki pare pou obeyi.

Premye pati nan Levanjil la, Jezi mouri pou peche nou yo. Nou konnen lè yon moun fè yon erè grav, gen yon pri ki dwe peye. Sa pa yon ide ki etranje pou nou. Nou tout fè erè. Nou tout vyole lalwa. Nou tout trayi konfyans. Nou tout di bagay ki terib. Nou tout echwe.

Sistèm nan jeneralman baze sou korije erè nou yo – lapolis, tribinal yo, moun k ap kolekte dèt, konsèy pou maryaj, reyinyon ak patwon travay la, randevou ak direktè lekòl la, yon lis ki long. Nou peye yon pri pou erè nou yo. Pafwa lòt moun oblije peye tou. Men toujou, rezilta final la ta dwe padon.

San padon, li t ap enposib pou nou gen yon relasyon ki gen sans ak nenpòt moun. San padon, maryaj yo t ap kraze, reyinyon fanmi yo t ap anile, epi zanmitay t ap fasilman kraze. Ak padon, mari ak madanm rete ansanm, eritaj fanmi yo kontinye, epi zanmi renmen epi ankouraje youn lòt nan bon moman tankou nan move moman.

Jezi ofri padon bay moun ki chwazi gen yon relasyon avèk Li. Nou pa sove sèlman paske Li egziste. Nou dwe deside antre nan yon relasyon ak Li.

Lè ou chwazi antre nan relasyon sa a ak Jezi, ou vin fè youn avèk Li.