Pataje Jezi vèk KonfyansEgzanp

Konfyans pou Kòmanse

Imitasyon se pa sèlman yon fòm flatri, men se fason tou anpil gwo lide rive reyalize. Lè nou wè lòt moun ap fè yon bagay ki gran, nou eseye fè menm bagay la. Lè nou ap aplet ou de relasyon ak Jezi, li pa diferan. An reyalite, Bib la di nou, nou ta dwe gen menm mantalite ak Jezi. Swiv Jezi vin plis pase pawòl, se fason nou viv lavi nou.

Si nou ta dwe viv tankou Jezi te viv la, alò kijan li te viv egzakteman?

Li pa t sèlman yon moun ki janti epi yon bon pwochen ki te eseye ale nan sèvis legliz osi souvanLi te kapab. Sa ki parèt nan Li se fason li te fè papa L plezi e Li te pran swen moun anpil anpil. Li te patikilyèman konsantre sou moun ki te pèdi e ki pa t kwè nan anyen ki ale pi lwen pase sa yo te kapab wè sou tè sa a.

Jezi gen yon kè pou moun ki pèdi yo, kidonk pou nou viv tankou Li nou dwe gen menm kè sa a.

Chèche ak sove moun ki pèdi yo - se sa Jezi te vin fè epi se sa Bondye rele nou pou nou fè tou – Rantre aktivman nan chache moun ki pèdi yo. Li fasil pou nou wè moun ki ap pèdi bò kote nou; se pliske yon defi pou chèche yo menm jan Jezi te fè a. Eseye panse sou lè w ap chèche kle machin ou, bous oswa valiz ou lè yo pèdi. Lè konsa rechèch la vin tounen pi gwo priyorite nou genyen. Nou kanpe tout lòt bagay jiskaske nou rive jwenn bagay sa yo paske, pou pifò nan nou, lavi kanpe pou nou lè nou pa genyen yo. Mwen te souvan pa sonje kote m mete bous mwen epi kèk fwa mwen konn konplètman pèdi bous mwen ak kle machin mwen. San lajan kach oswa kat kredi, ou paka achte anyen.

Sèjousi, chèche yon telefòn ou pèdi vin tounen yon veritab misyon! Ou gen yon sans ijans ki otomatikman devlope paske ou pa ka imajine pase jounen ou san telefòn. Ou al repanse chak mouvman ou te fè, ak tout detay. Pifò nan zouti ki ede w jwenn li yo te tou sou telefòn la.An jeneral ou oblije chèche moun pou ede w jwenn li, men ou pa ka rele yo. Epi pwobableman ou pa janm memorize nimewo telefòn yo. Se konsa, ou literalman ou dwe chache nimewo yo tou.

Jodi a, espwa mwen se pou nou kòm Legliz angaje ankò nan pawòl Jezi a epi pran misyon Li an pou chèche epi sove sa ki pèdi yo pandan nou ap viv nan mission Li te ban nou lòd pou nou fè a. Nou pa ka fè sa an san sousi, tankou nou t ap jis achte yon bagay konsa, men nou dwe fè sa avèk entansyon, plis tankou lè n ap chèche yon telefòn ki pèdi.

Lapriyè mwen se pou ou vin gen konfyans nan pataje lafwa ou apre ou fin li defi mwen ba ou a. Espwa mwen apre sa se pou pataje Jezi bay lòt yo vin tounen misyon ki defini ou kòm moun. Gen anpil moun ki pèdi deyò a, kidonk ann ale! Ann kòmanse chèche yo epi rakonte yo istwa Jezikri, Sèl Moun ki ka sove yo!