Pran aplikasyon anEstrèsEgzanp
Lapè Bondye Depase Estrès
Bondye gen yon kalite lapè ki depase tout sa nou ka imajine, yon lapè ke mond lan pa ka bay. Lè estrès ak enkyetid anvayi lavi nou, li difisil pou jwenn repo. Men Bondye ofri nou yon lapè ki depase chak sitiyasyon nou fè fas. Jezi di nou Li kite lapè ak nou; Li ban nou lapè, men pa menm jan ak mond lan. Lapè sa a pa depann de sikonstans nou wè, men li soti nan yon gwo konfyans kote Bondye kenbe lavi nou nan men Li. Lè nou repoze nan lapè sa a, estrès pa gen pouvwa pou kontwole nou ankò.
Lavi ka chaje ak presyon ak enkyetid ki boulvèse kè nou. Men lè nou chwazi lage tout estrès nou nan men Bondye, Li ranplase kè sote ak enkyetid nou ak yon lapè ki pèmèt nou kouche epi dòmi anpè. Bondye pa sèlman pwomèt pou retire estrès nou, men Li vle ranplase l ak yon lapè ki dirije nanm nou.
Ann fè yon efò chak jou pou pote tout chay estrès nou devan Bondye. Li se vrè sous lapè ak repo pou nanm nou. Lè nou chwazi mete tout chay nou yo nan men Li, Li ban nou yon lapè ki pèmèt nou viv anpè, menm lè lavi pa fasil.
Konsènan Plan sa a
Estrès se yon reyalite nan lavi nou, men Bondye ba nou mwayen pou nou jere l. Nan lekti sa a, n ap chèche konprann kijan estrès ka afekte nou ak kijan nou ka jwenn repo nan Bondye. Avèk egzanp biblik, n ap aprann fè fas ak estrès pandan nou kenbe kè nou nan lapè nan men Bondye.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
