Pran aplikasyon anEstrèsEgzanp
Lapriyè Ka Ban Nou Repo
Nan moman kote estrès anvayi lavi nou, lapriyè se yon zam pwisan ki ka ede nou jere difikilte yo. Lè nou pote tout bezwen, pè ak enkyetid nou devan Bondye nan lapriyè, Li transfòme chay nou an lapè. Bondye ap travay avèk fidelite nan lavi nou, epi lapè Li depase tout konprann. Nou pa bezwen rete fikse sou pwoblèm yo; olye de sa, ann mete tout bagay nan men Bondye ki toujou pare pou koute ak reponn.
Lapriyè pa ta dwe dènye rekou nou, men li ta dwe tounen premye repons nou lè estrès frape. Nan chak sitiyasyon, menm lè bagay yo sanble konplike, Bondye mande nou pote tout sa k nan kè nou devan Li. Lè nou chèche Li nan lapriyè avèk yon kè senp, Li plen nou ak fòs Li epi Li ban nou direksyon. Nou jwenn rekonfò lè nou konnen ke Li gen kontwòl sou tout bagay epi Li gen yon solisyon pou chak defi. Lapriyè pa sèlman chanje sikonstans yo, men li transfòme atitid ak vizyon nou pandan moman estrès yo.
Bondye pwomèt ke Li p ap janm abandone nou, menm nan pi gwo batay yo. Ann fè efò pou chèche Li chak fwa kè nou lou paske Li renmen nou anpil epi Li vle pote chay nou yo. Pawòl la di nou pou pa enkyete nou pou anyen; nan tout bagay, pote demann nou bay Bondye nan lapriyè. Ann fè lapriyè tounen yon abitid ki ranfòse konfyans nou nan Bondye pandan n ap navige tout moman difisil yo.
Ekriti
Konsènan Plan sa a
Estrès se yon reyalite nan lavi nou, men Bondye ba nou mwayen pou nou jere l. Nan lekti sa a, n ap chèche konprann kijan estrès ka afekte nou ak kijan nou ka jwenn repo nan Bondye. Avèk egzanp biblik, n ap aprann fè fas ak estrès pandan nou kenbe kè nou nan lapè nan men Bondye.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
