Pran aplikasyon anEstrèsEgzanp
Chay Estrès la
Lè estrès peze anpil nan lavi nou, li tounen yon chay twò lou pou nou pote pou kont nou. Chak pwoblèm, presyon, ak enkyetid frape kè nou tankou yon mato. Nan moman sa yo, nou ka santi nou izole, fatige, epi dekouraje. Menm lè nou eseye kontwole tout bagay, fòs nou finalman febli, epi chay estrès la sèlman vin pi lou. Bondye, ki konnen feblès nou yo, envite nou pote tout chay sa yo nan men li.
Jezi, Gran Sèvitè ki gen lanmou ak konpasyon, ofri nou refij nan mitan tout batay sa yo. Lè nou chwazi mache avèk Li, n ap jwenn repo pou nanm nou. Nanm nou ap repoze nan lapè ak sekirite paske Li pran estrès nou. Menm lè lavi ban nou kou ak doulè, menm lè presyon an ogmante, Jezi garanti ke Li p ap janm kite nou pote chay sa yo pou kont nou. Li envite nou depoze tout chay ak enkyetid nou nan pye li, epi Li pral ban nou repo.
Bondye gen yon plan pou lavi nou, yon plan ki plen espwa ak lavi. Ann chwazi mete konfyans nou nan Bondye epi lage tout estrès nou sou Li, paske Li kapab ban nou repo nanm nou bezwen. Ann sispann goumen pou kont nou epi repoze nan pwomès Li kote Li di. Li sèl kapab retire chay estrès la epi ranplase l ak yon lapè ki depase tout konprann.
Ekriti
Konsènan Plan sa a
Estrès se yon reyalite nan lavi nou, men Bondye ba nou mwayen pou nou jere l. Nan lekti sa a, n ap chèche konprann kijan estrès ka afekte nou ak kijan nou ka jwenn repo nan Bondye. Avèk egzanp biblik, n ap aprann fè fas ak estrès pandan nou kenbe kè nou nan lapè nan men Bondye.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
