Pran aplikasyon anSajèsEgzanp
Moun ki mete Konfyans yo nan Jezi, se Moun ki gen Sajès.
Lè mwen te asepte Kris nan lane 2004, mwen te genyen anpil zanmi m ki pat kapab konprann poukisa mwen te bay Jezi lavi mwen. Yo t ap pase m nan jwèt, yo t ap rele m pastè. Nan tèt pa yo, yo panse se yo menm ki gen bon konprann. Se yo menm ki gen sajès. Men mwen te konnen mwen te fè yon bon chwa, anpil nan yo jodi a lè yo wè m, yo toujou kontan paske lavi m diferan de lavi pa yo.
Lè mwen konsidere eksperyans mwen avèk Jezi, e lè mwen gade lavi lòt moun ki te fè menm bagay avèk mwen, mwen konprann se moun ki gen sajès ki remèt lavi yo bay Jezi. Paske lè w remèt lavi w bay Jezi, Li menm Li ap aplike plan Li nan lavi w, se Li menm k ap mennen destine w. Li padone peche w, Li restore w, ou vin tounen yon lòt moun.
Se pou sa ou pa bezwen pè anyen ki ka vini sou wout lavi w paske lavi ou pa pou ou ankò se pou Bondye li ye. Se pou Bondye ba ou bon konpreyansyon sa a ki soti nan Sentespri a, pou kapab rive mete konfyans ou nan Jezi. Paske se moun ki gen sajès ki konnen pou li pa ranmase sou tè richès k ap peri men ki pran desizyon pou kite Jezi prepare yon plas pou li nan wayòm Li a.
Konsènan Plan sa a
Anpil moun toujou konfonn jantiyès ak sajès, sa vle di moun ki gen bonjan ak moun ki gen Sajès-konesans, sa konn fè kèk fwa menm nan predikasyon yo, moun souvan twouble. Jodi a nou pral pale de Sajès- Bon konprann pou pran desizyon, bon konprann pou viv nan sosyete, bon konprann pou viv yon lavi kretyèn san fay. Gid lekti biblik pou senk jou sa a ap ede nou reflechi sou sajès, sou kijan nou kapab pran bon direksyon epi viv nan konesans Bib la.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
