SajèsEgzanp

Byen Konprann Lavi

Pandan syèk yo, anpil ansyen filozòf ak pèsonalite relijye te chèche sajès kòm kle pou konprann mistè lavi a. Anpil Filozof pale de Sajès sa a, se sa k fè lè yon timoun ap fè klas filo lekòl, yo souvan di se klas Sajès. Gwo filozof tankou Sokrat, Platon elatriye, yo pale anpil sou sajès. Yo poze kesyon pou yo jwenn repons sou mistè, sa vle di bagay moun pako rive konprann ou poko ka konprann sou lavi a. Men moun sa yo san Jezi, yo te genyen yon sajès ki limite sèlman ak sa moun ka wè e ka konprann men, nou menm Kretyen sajès pa nou soti anwo nan limyè Lespri Bondye mete nan nou. Bib la di nan liv Ebre chapit 11 vèsè 1 “ Lè yon moun di li gen konfyans nan Bondye, sa vle di li sèten li gen pou l resevwa sa l ap tann lan. Li gen konviksyon bagay nou pa ka wè ak je nou egziste tout bon vre.’’ Pi lwen ankò Bondye di nan liv Ezayi a nan chapit 55 vèsè 8: ‘’Lide pa m pa menm ak lide pa nou. Chemen pa nou pa menm ak chemen pa m'. Se Seyè a menm ki di sa.’’

Donk byen konprann lavi se byen konprann Bondye, moun ki gen sajès tout vre a se moun ki chita sou sa Bondye vle. Kelkeswa nivo entèlektyèl yon moun, si li pa gen Espri Bondye nan li se tankou yon dwoum ki vid, k ap bri nan tèt moun.