Pran aplikasyon anSajèsEgzanp
Fè Bon Chwa
Si gen yon bagay ki pi difisil nan lavi se lè w dwe fè yon chwa, chwazi metye, ki kote ou dwe rete, chwazi madanm oubyen mari, chwazi ki moun w ap vote lè eleksyon, se pa yon bagay ki fasil ditou. Chak aksyon ou poze nan lavi kapab genyen gwo enpak sou lavi ou, enpak sa a kapab negatif, li kapab pozitif tou. Se pou sa genyen anpil enkyetid nan chwa n ap fè nan lavi a. Men kijan yon moun kapab fè bon chwa a? Kijan ou ka konnen lè ou fè yon chwa men se pa lèt kondanasyon ou ap pote ale?
Sa vle di yon Kretyen dwe toujou chache konnen volonte Bondye atravè pawòl Li lè l ap fè yon chwa kelkonk nan lavi a. Fòk ou konnen pawòl la, se pou pawòl la kapab gide ou. Jezi Sovè nou an te nan yon sitiyasyon konsa, kote li te gen pou li fè yon chwa, Jezi te al Jene pou 40 jou ak 40 nuit nan dezè a, satan te vini tante li, li te mande l pou li fè Woch tounen pen, li te mande Jezi pou l kapab mete ajenou adore li, l ap ba li tout wayom sou tè a, men se avèk pawòl la Jezi te chase li e konsa Jezi te fè bon chwa. Ou menm tou kek fwa w ap devan gwo defi kote w ap genyen pou fè chwa, lè sa a se pawòl Bondye a ki ap ka klere wout ou, louvri je ou sou kijan ak ki chwa pou fè. Sa a se li menm ki sajès la!
Konsènan Plan sa a
Anpil moun toujou konfonn jantiyès ak sajès, sa vle di moun ki gen bonjan ak moun ki gen Sajès-konesans, sa konn fè kèk fwa menm nan predikasyon yo, moun souvan twouble. Jodi a nou pral pale de Sajès- Bon konprann pou pran desizyon, bon konprann pou viv nan sosyete, bon konprann pou viv yon lavi kretyèn san fay. Gid lekti biblik pou senk jou sa a ap ede nou reflechi sou sajès, sou kijan nou kapab pran bon direksyon epi viv nan konesans Bib la.
More
Nou ta renmen remèsye Joseph Vassa paske li bay plan sa a. Pou plis enfòmasyon, tanpri vizite: https://www.instagram.com/josephjeanmarcvassa/
