Kris la, bonjan rèn Estè pa nou anEgzanp

Enpotans nou an

Fanmi mwen ak mwen yon fwa te pase yon jou konje nan yon lotèl bò plaj nan Mombasa, peyi Kenya. Lotèl la te genyen yon bèl pisin e timoun mwen yo te pran plezi ladan l. Mwen pa konn naje, men pou yon rezon mwen pa konnen,yon maten mwen te deside voye kò m nan pisin nan. Travay bouki nèt! Mwen annik plonje m kòmanse neye. Youn nan pitit gason m yo te remake mwen an difikilte epi erezman li fè yon jès ewoyik, li te plonje nan pisin nan pou l te ka vin sove m.

Yon moun ki ap neye nan dlo , menm jan mwen te ye a, pa bezwen yon moun ki kanpe an sekirite bò pisin nan pou vin ba li yon leson sou kijan pou li naje . Moun ki nan dlo a k ap koule a bezwen yon moun ki wè enpòtans li pandan lap neye a, ki mete tèt pa li nan plas moun k ap neye a epi li voye kò l nan dlo a epi rale l mete l deyò.

Se sa istwa liv Estè a rakonte. Istwa Estè a sanble de kou de gout dlo ak levanjil la epi li se yon bèl imajsou redanmsyon espirityèl nou atravè Jezi.

Premyèman, liv la dekri kijan nou pa genyen ankenn mwayen pou nou sove pwòp tèt nou - enkapasite nou pou sove tèt nou anba peche ak lanmò. Dezyèmman, li fè nou sonje kijan Kris la mete pwòp tèt pa li nan plas nou atravè enkanasyon[1] li a. Twazyèmman, li montre kijan Kris la aji pou nou atravè lanmò li ak rezirèksyon li, pou l kapab ban nou lavi etènèl .

Jodi a nou pral reflechi sou premye verite a : Nou fèt nan yon mond ki ap charye yon gwo eritaj lanmò espirityèl e pa kapab fè anyen pou chanje oswa devye sa.

Evènman sa yo nou jwenn nan liv Estè a te rive nan kapital peyi Anpi Pès la - se te peyi ki te grann-pisans nan epòk la - pandan rèy wa Asyeris la. Nan epòk sa a, jwif ki te ann egzil yo te gaye toupatou nan Anpi Pès la. Sa ki enteresan, Estè se sèl liv nan Bib la kote yo pa site non Bondyenonplis pale de lapriyè. Men, nou wè a je klè kijan Bondye t ap manifeste pouvwa li atravè jan li t ap travay anba anba nan tout sa ki t ap pase nan peyi a, konsa pou li te bay listwa fòm epi pwoteje pèp li a.

Depi nan kòmansman rive nan fen , liv Estè a se yon liv ki tèlman enteresan, li pa fasil pou moun mete l atè. . Nan chapit 1 an, Rèn Vachti te detwone ki vle di, li te pèdi pouvwa rèn li paske li te refize parèt nan fèt wa a t ap òganize pou zanmi ak gwo potanta gason nan wayom nan. Nan chapit 2 a, yo rankontre kijan Estè, te yon òfelin , istwa a kontinye pou esplike nou kijan se Madoche,gran kouzen li ki te leve l. Yo se desandan jwif sa yo, moun peyi Pès yo te depòte nan peyi Lapès 100 ane anvan. Yo te chwazi Estè kòm youn nan jenn fi ki ta pral pase konkoupou l vin rèn nan plas Vachti a. Wa a te renmen Estè epi li fè l favèkouwone li rèn. Apre sa, Aman vin vis-prezidan epi li fè tout moun bese tèt devan li. Eksepte, Madoche ki pa t fè sa. Aman te vin an kòlè. Li deside pa senpleman touye Madoche, men touelimine tout Juif ki nan anpi a.

Nan fen twazyèm chapit Estè a, Juif yo te pa t gen anyen yo te ka fè pou sove tèt yo. Nan fen twazyèm chapit Jenèz la, “Tout moun fè peche; yo tout vire do bay Bondye ki gen pouvwa a.‘’ (Women 3:23, 6:23), nou pa kapab fè anyen pou nou soti anba fado lanmò espirityèl nou an . Aktivite legliz nou yo p ap sove nou. Ni edikasyon nou oswa gwo diplòm nan nenpòt domèn . Menm jan ak Juif yo nan epòk Estè a, nou bezwen yon Sovè ki pou plonje nan dlo n ap neye a, pou kapab vin sove nou, epi rekonsilye nou ak Bondye. Mèsi Bondye: Sovè a te vini!