Kris la, bonjan rèn Estè pa nou anEgzanp

Idantifikasyon Kris la avèk nou

Istwa Estè a raple nou, tout moun ki fèt nan mond sa a, ap charye dèyè tèt yo yon gwo eritaj lanmò espirityèlkote pèsòn pa kapab fè anyen pou chanje sa . Istwa Estè a fè nou sonje tou Jezi ki te vini sou latè nan fòm yon moun tankou nou, nan tout sans, pou l te fè nou wè kijan li sanble ak nou epi viv anba fado konsekans peche kote li pa t kapab fè anyen pou sove tèt li.

Nou rejwenn menm istwa sa a nan liv Estè a kote Juif yo nan tout peyi Pès la t ap kriye epi jene ak rad sak ak sann pou montre dezespwa yo devan konplo jenosid Aman an (Estè 4:1–3). Madoche fè menm bagay la tou, jis devan palè wa a kote li konnen yo te kapab l remake li. Yo te enfòme Estè sou sa k ap pase a, ki li menm an retou voye yon asistan li pou al konnen ki sa Madoche ap fè . Li te vin aprann ki plan mechan Aman te genyen pou l touye epi derasinen pèp li a. Apre sa, Madoche voye yon mesaj bay Estè pou l mande l pou l aji nan non pèp la, pou l al plede koz la devan wa a. Estè reponn, mezanmi ! , ‘Èske w fou?’ Yon moun ki apwoche wa a san envitasyon se yon krim ki ap mennen a yon santans lanmò. Men, Madoche te ensiste. Li raple Estè enpòtans pozisyon ak pouvwa sèl li menm genyen nan palè a, epi Madoche te ankouraje Estèlè li di, 'Petèt se pou yon tan konsa ou te fèt 3.'

Bondye te mete Estè sou twòn nananvan Juif yo te fè fas ak menas destriksyon total sa a pou l te ka ede yo nan sikonstans danjere sa a. Nan moman sa a, Estè te larenn depi kat ane, men , pèsonn nan lakou wa a pa t konnen li se Juif. Li te pran yon gwo risk pou l te fè konnen se juif li ye, men li te konprann se sèl fason li te ka ede yo tou. Estè voye yon mesaj bay Madoche, li mande l pou l fè tout Juif ki nan vil Souzfè jèn pou li pandan l ap prepare l pou l pwoche bò kote wa a.

Ankò, nou kapab wè Jezi nan istwa sa a. Menm jan ak Estè, nankòmansman, yo pa t rekonèt li pou moun li te ye reyèlman vre (Jan 1:10–11). Menm jan ak Estè, ki te bese tèt li lè l te fè konnen se juif li ye a , Jezi te vini pou viv menm jan ak nou nan tout fason atravè enkanasyon li a, pou l te kapab mete l nan plas nou epi plede koz nou devan Wa a (Ebre 2:14–18).

Petèt, nan sikonstans ou ye kounye a, ou santi se tankou Bondye pa wè sa w ap travèse, oswa li pa pran swen ou. Tanpri konnen kèlkeswa sa w ap fè fas ak li kounye a, Jezi te totalman menm jan ak ou nan tout fason posib. Li wè ou, li renmen ou, li ka sove ou.