9 Manti komen kretyen yo kwè: Pati 3 nan 3 Egzanp

Natirèlman nou vle "kwè nan nou menm". 

An reyalite, depi nou tou piti, yo anseye nou ke li bon pou nou kwè nan pwòp tèt nou. Sepandan, nou kreye pou kwè nan yon moun ki pi gran pase tèt nou. 

Andan konfyans nan tèt nou se dezi nou genyen pou nou an kontwòl. Sepandan, si ou eseye viv lavi ou ak konfyans nan tèt ou, w'ap bloke nan wout akoz dekourajman, laperèz, kè sere ak enkyetid. Presyon pou w''ap eseye an kontwòl tout sitiyasyon yo ap fini pa frape w' atè akoz difikilte lavi a. Viv nan monn sa a ka baw yon kout pyen ki ka frape w atè, men li pa ka sekwe Bondye sou twòn li a. 

Ou pa te fèt pou kwè nan tèt ou, paske ou pa te fèt pou w' an kontwòl. Ou te fèt pou w' kwè nan yon lòt moun. Ou te fèt pou w' fè konfyans a yon lòt moun ki an kontwòl. Se sa lafwa ye finalman: mete konfyans nan Sila ki chita sou fotèy la kòm Wa. 

Gen bèl libète nan viv konsa. Li retire tout presyon sou ou epi li mete l' sou Moun ki ka jere li. Yon gwo verite sou kwè ak mete konfyans nan Bondye ak lavi ou se ke Li pa lite ak menm bagay ou menm ak mwen lite. Li pa janm estrese, gen kè sere, oswa enkyete. Li gen kontwòl tout bagay, Li gen yon plan ak yon objektif, epi Li gen ase fòs pou Li wè sa. Nou pral echwe. Li pa janm echwe. Nou pral fè erè. Li pa janm fè sa. Nou pral fè yon dezòd nan bagay sa yo. Li pa janm fè sa. Nou pral fè erè. Li pa janm fè sa. Ou ka fè L' konfyans. Tan ale tan vini ankò Li fè pwèv tèt Li. Men, kwè nan Li vle di nou dwe lage tout bagay nan men L'. Lage tout bagay vle di nou pa kenbe anyen ankò. Kèlkeswa sa "li" ye pou ou, li lè pou w mete l' nan men Bondye epi kite lage l'. 

W'ap mache pa lafwa lè w' lage tout bagay nan menm L'. 

Kesyon Refleksyon: 

Ki domèn nan lavi w w ap eseye kontwole?

Verite: 

Ou pa te kreye pou "kwè nan tèt ou". Ou te kreye pou kwè nan yon Moun ki pi gran pase ou.