Sòm 69

69
SÒM 69 (68)
Lapriyè yon inonsan
(1) Pou #Sòm 32.6 chèf sanba yo. Se pou yo chante l sou menm lè ak chante ki di: Bèl flè savann blan yo. Se yon sòm David.
1(2) Delivre m #Sòm 40.2; 124.4 non, Bondye.
Dlo prèt pou neye mwen.
2(3) M'ap #Sòm 6.6; 119.123; Eza 38.14 desann nan fon yon m'a labou.
Mwen pa ka pran pye.
Mwen nan yon gwo basen byen fon.
Dlo prèt pou kouvri tèt mwen.
3(4) Mwen #Sòm 38.19; 40.12; Jan 15.25 bouke rele, mwen pa kapab ankò.
Gòj mwen ap fè mwen mal.
Je m yo ap boule m sitèlman m'ap veye tann sekou Bondye mwen an.
4(5) Gen yon bann moun ki rayi m san m pa fè yo anyen.
Yo pi plis pase cheve nan tèt mwen.
Gen yon seri moun ki rete konsa yo fè m lènmi,
yo pi fò pase m, y'ap chache touye mwen.
Yo fè m renmèt sa m pa pran.
5(6) Bondye, mwen pa kapab kache peche m yo devan ou.
Ou konnen jan m te aji tankou moun fou.
6(7) Senyè, #Jer 15.15 Bondye ki gen tout pouvwa a,
pa kite m tounen yon wont pou moun ki mete konfyans yo nan ou.
Ou menm ki Bondye pèp Izrayèl la,
pa kite m fè moun k'ap sèvi ou yo wont.
7(8) Se #Jòb 19.13; Eza 53.3; Jan 1.11 poutèt ou y'ap joure m konsa.
Wi, se poutèt ou lawont fè m kache figi m.
8(9) Mwen #Sòm 89.41,50; 119.139; Jan 2.17; Wòm 15.3 tounen yon etranje pou pwòp frè m yo,
yon moun deyò pou pwòp pitit manman m yo.
9(10) Mwen #Jòb 17.6; Sòm 35.13 sitèlman renmen kay ou a,
sa fè m santi se tankou yon dife k'ap boule tout anndan mwen.
Tout joure y'ap joure ou yo,
se tankou si se mwen menm menm yo t'ap joure.
10(11) Mwen nan gwo lapenn, mwen rete san manje.
Se poutèt sa wi y'ap joure m konsa.
11(12) Si m #Rit 4.1; Jòb 30.9; Lam 3.14 mete yon rad sak sou mwen pou m mande ou padon,
y'ap pase m nan rizib.
12(13) Yo #Eza 49.8 chita bò pòtay lavil la, y'ap pale sou mwen,
bwèsonyè yo ap fè chante sou mwen.
13(14) Men #Sòm 69.1,2; 144.7 mwen menm, se ou menm m'ap toujou lapriyè.
Reponn mwen, Bondye, lè w'a wè l nesesè,
paske ou gen bon kè,
paske w'ap toujou pote m sekou.
14(15) Wete m nan m'a labou sa a. Pa kite m desann pi fon ladan li.
Delivre m anba lènmi m yo.
Wete m nan gwo basen byen fon an.
15(16) Pa #Sòm 63.3; 106.45 kite dlo yo kouvri tèt mwen ankò.
Pa kite m neye nan gwo lantonwa a.
Pa kite bouch twou a fèmen sou mwen.
16(17) Reponn #Sòm 27.9; 102.2 mwen, Senyè, paske ou p'ap janm sispann renmen m.
Voye je ou gade mwen, paske ou gen kè sansib.
17(18) Pa vire do ou bay sèvitè ou.
Prese vin reponn mwen, paske mwen nan gwo traka.
18(19) Vin #Sòm 22.6; Eb 12.2 jwenn mwen, vin delivre mwen.
Wete m nan men lènmi mwen yo.
19(20) Ou #Eza 63.5; Jer 15.5 konnen jan y'ap joure mwen,
jan y'ap fè m wont,
jan y'ap trennen m nan labou.
Ou wè tout moun k'ap pèsekite m yo.
20(21) Yo #Mat 27.34,48; Mak 15.36; Lik 23.36; Jan 19.29 di m gwomo jouk yo kraze kouray mwen.
Mwen santi se mouri m'ap mouri.
Mwen te kwè ta gen moun ki ta gen pitye pou mwen,
men pèsonn pa vini.
Mwen te kwè ta gen moun ki ta vin konsole m,
pèsonn pa parèt.
21(22) Yo #Sòm 35.4-8; 109.6-15 mete #Wòm 11.9,10 pwazon nan manje mwen.
Lè m mande dlo pou m bwè, se vinèg yo ban mwen.
22(23) Se #2 Wa 6.18; Eza 6.10; Da 5.6 pou resèpsyon y'ap fè yo tounen yon pèlen pou yo.
Lè yo konprann zafè yo pi bon, se lè sa a pou malè tonbe sou yo. #69.22: Lè yo konprann zafè yo pi bon, se lè sa a pou malè tonbe sou yo. Se sa nou jwenn nan yon ansyen vèsyon. Men tèks ebre a bay: Se pou manje y'ap fè pou bondye yo lakòz malè tonbe sou yo.
23(24) Se pou je yo bouche pou yo pa wè menm!
Kase ren yo pou yo pa ka kanpe dwat ankò!
24(25) Mete #Tra 1.20 ou an kòlè sou yo!
Fè yo santi jan ou fache sou yo!
25(26) Se #Jòb 19.21,22; Eza 53.4 pou kay yo rete san moun.
Se pou pa gen yon moun lakay yo ki rete vivan ankò.
26(27) Paske #Ney 4.5 yo te pèsekite moun ou t'ap pini an.
Y'ap pwonmennen rakonte soufrans moun ou blese a.
27(28) Kite #Egz 32.32; Eza 4.3; Eze 13.9; Lik 10.20; Fil 4.3; Eb 12.23; Rev 3.5; 13.8 yo mete sou sa yo fè deja.
Se pou ou san pitye pou yo.
28(29) Efase #Sòm 20.1 non yo nan liv ki gen non moun ki gen lavi a.
Pa mete non yo ak non moun k'ap sèvi ou yo.
29(30) Mwen #Lik 1.46 nan gwo lapenn, m'ap soufri.
Bondye, pote m sekou. Mete m sou de pye m ankò.
30(31) M'a #Sòm 50.13,14 chante pou Bondye, m'a fè lwanj li.
M'a di l mèsi, m'a fè konnen jan li gen pouvwa.
31(32) Sa #Sòm 22.26 va fè Senyè a plezi pi plis
pase si m ta ofri l yon bèf,
pase si m ta ba li yon jenn towo bèf
ki fin fè kòn.
32(33) Lè #Sòm 68.6 malere yo va wè sa, y'a kontan.
Se va yon gwo ankourajman pou moun k'ap sèvi Bondye yo.
33(34) Senyè a #Sòm 96.11 koute lè pòv yo ap lapriyè nan pye l.
Li pa bliye moun pa l yo lè yo nan prizon.
34(35) Se #Eza 44.26 pou syèl la ansanm ak latè a,
lanmè a ansanm ak tout sa ki ladan li fè lwanj Bondye.
35(36) L'a #Eza 65.9 delivre peyi Siyon.
L'a rebati lavil peyi Jida yo.
Pèp li va bati kay yo la ankò.
Y'a pran tè a pou yo.
36(37) Pitit pitit sèvitè l yo va eritye peyi a.
Se la moun ki renmen l yo va viv.

Chwazi Kounye ya:

Sòm 69: HAT98

Pati Souliye

Pataje

Kopye

None

Ou vle gen souliye ou yo sere sou tout aparèy ou yo? Enskri oswa konekte

YouVersion sèvi ak cookies pou pèsonalize eksperyans ou. Lè w sèvi ak sit entènèt nou an, ou aksepte itilizasyon cookies yo jan sa dekri nan Règleman sou enfòmasyon privenou an