Vèsè popilè nan Bib la ki soti nan Juan 12

Pataje

Quebata ja ema mebajaja yata su, ema tije paata. Beju quepia ema yani su dapia da ema neje quema emebajaji cuana paanitita. Quebata ja ema emebajatani, quema Tata Diusu ja tueda saida echuje etiatayu.

Quebata ja Diusu jei aja mahue yata su, aimue tueda Diusu neje cielo su eid'e epueniti mahue. Quebata ja mu emanu teje Diusu jei yata su, tueda saida Diusu neje cielo su eid'e epueniti.

Yama micuana butsepi equisainia, quema manu da piada trigo ejaja yahua su papaicha cua nime. Ahua ejaja yahua su mue dajaja su, ahua med'i neje mue biapapa su, da su piada hue yaniti. Beju ahua yahua su papajiji su, jucuada ejaja cuana ehuiruti.

Ema da hueda nime. Quebata ema peje su jei epu, aimue apuda su epuniunetitani cuana nime epu mahue.

Mue ema ye mundo su pue cristiano cuana ematse puji mahue. Beju yama pueana cristiano cuana d'eji su ya puji. Ahua aiya quema quisa cuana mue aja mahue yata su, Diusu ja tueda ematsetayu.

Da su beju mesa edue María ja litro edusete chujeneda saida puida dusetana. Tueda puida nardo banime puina. Duse putsu, Jesús sa ehuatsi bia su d'uichatana. Da su muriatana mesa echuaina neje. Ehuani neje ete sejeatana.

Da su beju tumi ina nime eina cuana dheutana huecuana. Da neje ejude tsahua su putitana huecuana Jesús etsu puji. Jesús ba putsu, tsiatsiapirutana huecuana uja: —¡Gloria, Tata Diusu sa Jabeituti Deja epusiu! ¡Diusu sa ebani su tueda epusiu! ¡Diusu ja tueda paibunebata! ¡Tueda da israelita cuana sa Echua Puji! ¡Gloria Tata Diusu!

Da su Jesús ja id'aba putsu, uja atana: —Beju quema manu hora enariatiani. Manu putsu, ema neicha eid'eyu. Cristiano cuana ema ba putsu, ema pamapa pia cuana ebia su tucheda eni eshanapata huecuana.