Vèsè popilè nan Bib la ki soti nan Yowano 12

Pataje

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Woshe uje azema mwonyo wendi auzimbalesa, co woshe uje azinda mwonyo wendi mu kaye kano nautulikila ku mwonyo wa myaka yoshe.

Mwa vushunga njimileka ngwange, kuvanga nona ya tiliku iwile mu livu na kutsa. Nga itsa, asinoni ima vinona vyavingi.

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Woshe aziva muzimbu wange, co kawononoka, yange kunjikamusompo, omwo kunjezile mukusompa vaka-kaye embwe, oloni mukuvovola.

Maliya wambatele mazi a ndando yakama akunika lwengo lwaluvwa avalingile na vyuma vya seo, wavwavesele mendi a Yesu, nakuwasikumuna na vin̄ambu vyendi. Co njuvo yoshe yashulile na lwengo lwaluvwa.

Ngecivene, vatetele minango ya mashakavale vaile nakuliwana nendi, vatambekele ngwavo, “Shangazaleni Njambi! Njambi amuvezikise ou aija mu lizina lya Mwene! Njambi avezikise Mwene ya Isalele!”

Co Yesu wavakumbulwile ngwendi, “Simbu inete omwo Muna Munu atambule vumpau.