Vèsè popilè nan Bib la ki soti nan Yohanes 12

Pataje

Ware nesala do yuma, ne amutara bukra, ne upu gekepmengedi, ne pel tep dopnengopda, ne kunetopu adipapu kunkamenge. Ne ban bisipu adipapu domyankamnenge. Tonda, ne kune mutu yuma, ne nyapu kunkamenge. Ne amutara bukra, ne upu gekepneredi, ne pel tep donere ngebo tep nengeda, ne nai bo Allahdi, angebo erepra telep kupra deipkamre.” Yesusdi pepu.

Ware ngebo do, ware ner do, sun pe gam kuna tep, ‘Ne mawa’ tenepra, kupmengopda, amenda taru depmengepa, tek sisi gam pio men kunkamenge. Dinino, ware nesala do yuma, tuai mutu kunge taru yumadi, ‘Ne gam kunada mambul gum dinin, Yesus er kecada mambul weike,’ tenepmengedi, ne keca tepapu tupa tenenapu kupmengopda, depmenga peda, amenda taru gam pio kunkamenge.

Domon upu pepkusenada, pio tek sisi kurure. Yakung du tenpu, tuai deiki saka dorberedi, men lyupyopda, tenpu dupu pio kunkamre. Dinino, lyuprepa dakuamreanen, amenda taru pakredi, bolokyopda, du pio weike moupkamre.

Neda dirin utopu kupsidi, tuai mutu neitamai yasi. Dirin utopu yana kununada, ‘Ne tep teka tenenge nesala yumada, kunungnaipu tupa men kunkameng’ tenen, tuai yasidi, kunune.” Yesusdi pepu.

Upepudi, aupu ton pepu. “Ne upu peterepmengepa, amul deikipu gekerur dinin, aupu talepra men dombare ngeboda, nedi angebo tep upu bokra men wenepne. Deiyoda, nedi, ‘Tuai mutu nesala yuma tep, upu bokeipnedi wenepra poptapkamne’ tenen, men yasi. Ange gum dinin, ‘Nesala yuma tep lyepkamne’ tenen, tuai mutu yasi. Adeiyo tep aupu pepsene.

Sun jen jenmai taruda, Mariadi nintong telep me, er sida narwastu, kunumna pio weiknge dopra, Yesus er gispal dona tep, er yan deiki diku. Dikudi, Maria er giso potong lyom ner cadi, er potong talepra, Yesus er yan deiki kilipu. Ayuma ukupupa, akati pumbon yuma nintong telep ngeda, weika di embanmaupa, sun yuma gekepi.

Kange deipidi, ‘Yesus antapmepedi, er yakanmar bisai yakra deipmepedi, er tep gispal dopkup’ tenen, amutu nesala kuramitopu, co bata gakrapidi doupidi, Yesus yakanmau bisi sepdaro bei. Bisi banmai taruda, aupu ila di penmai. Sun penmai upuda ake. ‘Hosana, Angebodi lyepkamsere. Nun nai bo Allahdi wepra deipupa, Allah er si deiki di yanmar ngeboda, Allah ila di makurepa, teleppu kunkamre. Nun Israel nesala yuma, nun Ila Nimi Deiyo Ngebo, nun Raja adano. Allahdi angebo tep ila di makurepa, teleppu kunkamre.’ Yesus yakanmau bisi kunmaidi, kikiman banmai nesaladi aupu yuma penmai.

Perbereipa, Yesusdi upepu. “Neda Nimi Mi Sisa Utopu Ngebo tep, Allahdi pio telep kupra deipkamner taru konum yanmasere.