Kenese 16
16
O le Tala ‘iā Akara
1A o Sarai le avā a Aperamo, ‘ua lē fānau o ia ‘iā te ia; sa ‘iā te ia fo‘i le ‘au‘auna fafine, o le Aikupito, o Akara lona igoa. 2Na fai atu fo‘i Sarai ‘iā Aperamo, “Fa‘auta mai ‘ea, ‘ua finagalo le ALI‘I ‘ia ‘ou lē fānau; se‘i e alu ane i la‘u ‘au‘auna fafine; atonu ‘ou te maua ai ni tama ‘iā te ia.” ‘Ua usiusita‘i fo‘i Aperamo i le ‘upu a Sarai.#Kene 30.3 3O Sarai fo‘i le avā a Aperamo, na ia ‘ave ‘iā Akara o le Aikupito, o lana ‘au‘auna fafine, ma tu‘uina atu ‘iā Aperamo lana tane, e fai māna avā, ‘ina ‘ua mavae o tausaga e sefulu sa nofo ai Aperamo i le nu‘u o Kanana. 4‘Ona alu ane lea o ia ‘iā Akara ‘ona tō ai lea o ia; ‘ua iloa e ia ‘ua tō o ia, ‘ona fa‘alēaogāina lea e ia lona matai fafine.
5‘Ona fai alu lea o Sarai ‘iā Aperamo, “‘Ia i luga ‘iā te oe lo‘u agaleagaina; o a‘u nei fo‘i, na ‘ou tu‘uina atu la‘u ‘au‘auna fafine ‘iā te oe; ‘ua iloa fo‘i e ia ‘ua tō o ia, ‘ona fa‘alēaogāina ai lea o a‘u e ia; ‘ia fa‘amasino mai le ALI‘I ‘iā te i tā‘ua.”#Kene 31.53; 1 Samu 24.12
6‘Ona tali mai lea o Aperamo ‘iā Sarai, “Fa‘auta, o ‘iā te oe le pule i lau ‘au‘auna fafine, faitalia lava oe se mea ‘e te faia ‘iā te ia.” ‘Ua agaleaga fo‘i Sarai ‘iā te ia ‘ona sola ‘ese ai lea o ia i ona luma.
7‘Ua maua fo‘i o ia e le agelu a le ALI‘I i le vaipuna i le vao, o le vaipuna i le ala i Sura. 8‘Ona fa‘apea atu lea o ia, “Akara e, le ‘au‘auna a Sarai, maifea oe? O fea ‘ea a e alu i ai?”
‘Ona tali mai lea o ia, “‘Ua ‘ou sola mai ‘iā Sarai o lo‘u matai.”
9‘Ona fa‘apea atu lea o le agelu a le ALI‘I ‘iā te ia, “‘Ia e fo‘i atu i lou matai ma e fa‘amaulalo atu ‘iā te ia.” 10‘Ua fetalai atu fo‘i le agelu a le ALI‘I ‘iā te ia, “‘Ou te matuā fa‘ato‘ateleina lava lau fānau, e lē mafai lava ‘ona faitau ‘ina ‘ua to‘atele.”#Kene 17.20; 25.12-16 11‘Ua fetalai atu fo‘i le agelu a le ALI‘I ‘iā te ia, “Fa‘auta, ‘ua e tō, o le a e fānau mai se tama tane, ‘e te fa‘aigoa fo‘i ‘iā te ia o Isamaeli;#16.11 Isamaeli: mai le gagana Eperu “fa‘afofogaina e le Atua.” auā ‘ua fa‘afofogaina e le ALI‘I lou tigā. 12E fai o ia ma tagata e tusa ma le asini o le vao; e fai tagata uma mōna fili, e fai fo‘i o ia ma fili o tagata uma; e mau fo‘i o ia i luma o ona uso uma.”
13‘Ona fa‘aigoaina lea e ia le suafa o le ALI‘I o lē na fetalai mai ‘iā te ia, “O oe le Atua lē ‘ua fa‘aali mai ‘iā te a‘u.” Auā ‘ua fa‘apea ane, “‘Ua ‘ou va‘ai atu ‘ea ‘i‘inei i tua o lē o lo‘o silasila mai ‘iā te a‘u?” 14O le mea lea ‘ua fa‘aigoaina ai le vai‘eli, “O Perelaaroi,” fa‘auta, o lo‘o i le vā o Katesa ma Pareta.
15‘Ua fānau mai fo‘i Akara le atali‘i ‘iā Aperamo; ‘ua fa‘aigoaina fo‘i e Aperamo lona atali‘i na fānau mai ‘iā Akara, o Isamaeli.#Kala 4.22 16O le valu sefulu ma le ono o tausaga o Aperamo na fānau mai ai Akara o Isamaeli le atali‘i o Aperamo.
Trenutno odabrano:
Kenese 16: RSCB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Revised Samoan Catholic Bible © Bible Society of the South Pacific, 2010.