Kenese 15
15
O mea ‘ua toe Folafolaina e le Atua ‘iā Aperamo
1‘Ua ‘ava‘e ia mea, ‘ona tulei mai lea o le afioga a le ALI‘I ‘iā Aperamo i le fa‘aaliga ‘ua fa‘apea mai, “Aperamo e, ‘aua ‘e te fefe o a‘u nei o lou talitā, o lou taui e matuā tele lava.”
2‘Ona tali atu lea o Aperamo, “Le Ali‘i e, le ATUA, se a se mea ‘e te foa‘i mai ‘iā te a‘u, auā e leai sa‘u fānau, o lē e ona le tofi i lo‘u ‘āiga o Elisara lea le Tamaseko?” 3‘Ua fa‘apea fo‘i Aperamo, “Fa‘auta ‘ua e lē foa‘i mai ‘iā te a‘u sa‘u fānau; Fa‘auta fo‘i e fai mo‘u suli le tagata ‘ua fānau i lo‘u ‘āiga.”
4Fa‘auta fo‘i, ‘ua tulei mai le afioga a le ALI‘I ‘iā te ia, ‘ua fa‘apea mai, “E lē fai lea tagata mou suli; a o lē e fānaua e oe lava e fai o ia mou suli.” 5‘Ua ia ‘aumaia fo‘i o ia i fafo, ma fa‘apea atu, “‘Inā e va‘ava‘ai a‘e ia i le lagi, ma ē faitauina fetū, pe ‘āfai e mafaia ‘ona e faitauina.” ‘Ua ia fa‘apea atu fo‘i ‘iā te ia, “E fa‘apea lava lau fānau.”#Roma 4.18; Epe 11.12
6‘Ua fa‘atuatua fo‘i o ia i le ALI‘I, ‘ona ia ta‘uamiotonuina mai ai lea ‘iā te ia.#Roma 4.3; Kala 3.6; Iako 2.23
7‘Ua ia fetalai mai fo‘i ‘iā te ia, “O a‘u o le ALI‘I, o lē na ‘aumaia oe mai Uro i Kaletaia, ‘ina ‘ia foa‘iina atu ai ‘iā te oe lenei lava nu‘u e fai mou tofi.”
8‘Ona tali atu lea o ia, “Le Ali‘i e, le ATUA, se a se mea ‘ou te iloa ai e fai mo‘u tofi lenei nu‘u?”
9‘Ona fetalai mai ai lea o le ALI‘I ‘iā te ia, “‘Aumai ‘iā te a‘u se povi fafine ‘ua tolu ona tausaga, ma se ‘oti fafine ‘ua tolu ona tausaga ma se mamoe po‘a ‘ua tolu ona tausaga, ma se manutagi, ma se tama‘i lupe.” 10‘Ona avane lea, e ia o ia mea uma, ‘ua ia ta‘iisiluaina i latou, ma tu‘u fa‘afesaga‘i ta‘itasi le itū ma le tasi ona itū a o manu felelei ‘ua ia lē isiluaina. 11‘Ua felelei ifo fo‘i manu fe‘ai i tino o manu mamate, ‘ona tutuli lea e Aperamo ‘iā te i latou.
12‘Ua tāli goto le lā, ‘ona o‘o lea ‘iā Aperamo o le moe gase; Fa‘auta fo‘i, o le mata‘u o le pouliuli tele lava ‘ua o‘o ‘iā te ia.#Iopu 4.13-14 13‘Ona fetalai mai lea o ia ‘iā Aperamo, “‘ia e iloa lelei e Aumau lau fānau i le nu‘u ‘ese, e nofo pologa fo‘i i latou ‘iā te i latou, e fa‘atigāina fo‘i i latou e i latou, o tausaga ia e fa selau.#Eso 1.1-14; Galu 7.6 14O le nu‘u fo‘i latou te nofo pologa ai ‘ou te fa‘asalaina; mulimuli ane latou te ō mai ai ma le ‘oloa tele.#Eso 12.40-41; Galu 7.7 15A o oe, ‘e te alu atu ma le filemū i ou tamā, e tanumia oe pe a e matuā toeaina lava. 16A o lona fa o tupulaga latou te toe fo‘i mai ai ‘i‘inei auā ‘ua lē ‘ato‘atoa le agasala a sa Amorī i nei ona po.”
17‘Ua o‘o fo‘i ‘ina goto o le lā, ma ‘ua pouliuli, fa‘auta fo‘i, o le ‘ogāumu ‘ua alu a‘e ai le asu, ma le lamepa ‘ua mū ‘ua ui i le vā o nā mea sa vaeluaina. 18O le aso lava lea na osi ai le feagaiga a le ALI‘I ma Aperamo, na fa‘apea ane, “‘Ua ‘ou foa‘iina mo lau fānau lenei lau‘ele‘ele, e āfua i le vaitafe o Aikupito e o‘o atu i le vaitafe tele, o le vaitafe o Eufirate lea.#Galu 7.5 19O sa Kenī, ma sa Kinasā, ma sa Katemonī, 20ma sa Hetī, ma sa Perisē, ma sa Rafā, 21o sa Amorī fo‘i, ma sa Kananā, ma sa Kirekasē, ma sa Iepusē.”
Trenutno odabrano:
Kenese 15: RSCB
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Revised Samoan Catholic Bible © Bible Society of the South Pacific, 2010.