kurinṯuuz al awal 2
2
aza 2
ṯeḏinayeyna ṯeḏi lizigwunaŋ na ṯiruwenelu ṯeḏi Ṯigɽim ṯirlinelu ter
1nenyi ta, lieŋgeri linyi, ki lomur linḏi nyi li daŋgal-na kwilŋiiḏinaŋazi ŋiɽaŋali ŋir rerem ŋeḏi Allah, nenyere ila kandiza gi kupa beṯen mac, ya ṯeḏina ṯi yeyna ṯupa tɔk mac. 2kaka kitaḏinyi gwu beṯen eḏere elŋe kwɔmne kwere mac daŋgal-na illi Yecuŋw Kwruztu, kwunderṯa kwuṯigreḏir ki ŋwuɽi la eḏay. 3nenyi nani daŋgal-na kwajila, kwunḏuḏi nana ŋiḏeny ŋi; 4na kandiza kinyi ŋiɽaŋal ŋi ŋizaw ŋir injiil ner ere orɔ ŋiɽaŋal ŋeḏi ṯeḏinayeyna ṯeḏi ŋizigwunaŋ mac, lakin ner orɔ ŋeḏi ṯibaŋica ṯeḏi Ṯigɽim ṯirlinelu ter, na ŋuma ŋuŋun. 5mindaŋ ma ṯəmna ṯalu ere rilli ki ṯedinayeyna ṯeḏi ŋizigwunaŋ mac, lakin eḏi rilli ki ŋuma-na ŋeḏi Allah.
6lakin leṯi ṯa andazi ŋiɽaŋali ŋeḏi yeyna ki lizi-na limuɽeni ŋoru dedep eḏi Kwruztu-na, lakin ner ere orɔ ŋeḏi ṯeḏinayeyna ṯeḏi ṯurmun kḏu mac, ya eḏorɔ ṯeḏi leleny leḏi ṯurmun kḏu tɔk mac, kla linḏi eḏernine. 7lakin ŋeṯinyjandazi ŋulucina ŋeḏi ṯeḏinayeyna ṯeḏi Allah, ṯir ŋejmeṯ ki ṯugwor-na ṯuŋwun kwɔnkwɔn tuk, mindaŋ muŋw mulḏaḏa nyuŋwuzi ki ŋiniṯ-na. 8kwiti kwere mac ki leleny-na leḏi ṯurmun kḏu kwilŋiicazi ŋu; eŋgir zi elŋe derder, eŋgir ere eɽenye Kwelenyi kweḏi ŋiniṯ mac. 9lakin kaka luḏinar gwu, ŋaruŋw:
kwɔmne kwiti kwumɔ ley lere eze, ya kəni kere eḏi neŋnaci,
ya ṯugwor ṯeḏi kwizigwunaŋ eḏelŋece,
kwunderṯa kwumɔ zi Allah daɽmaci kla lamɽa ŋunduŋwu,
10nenyji Allah ruwenicelu Ṯigɽim ṯi ṯirlinelu ter. kaka eṯi gwu Ṯigɽim ecice kwɔmne tatap, ŋgwa keni kwulucina lac ki ṯugwor-na ṯeḏi Allah. 11eya kwiri kwere kweḏi ŋuma eḏelŋe fikra kweḏi kwizi illi ṯigɽim ṯuŋwun oɽeny ṯeṯi gwu nani-na? ṯaŋwu nuŋw ere kwere mac kweḏi ŋuma eḏelŋe fikra kwedi Allah illi Ṯigɽim ṯutuput ṯuɽuk ṯeḏi Allah. 12a kwiti kwumer afi ṯigɽima ṯeḏi ṯurmun mac, lakin timer afi kḏa ṯinḏi nani gwu Allah, mindaŋ mer elŋece Allah haḏiya wumɔŋw inḏeḏa nyuŋwuzi beyin. 13na ŋiɽaŋal ŋu tatap eṯir zi ŋi anandaci ŋiti ŋir ṯeḏina ṯi yeyna ṯeḏi ŋizigwunaŋ mac, lakin ŋiɽaŋal ŋi ŋeṯinyji Ṯigɽim ilŋiiḏini, na eṯinyjilŋiiḏini kla leḏi Ṯigɽim-na ṯirlinelu ter ŋiɽaŋali ŋir rerem ŋeḏi Ṯigɽim. 14lakin kwizi kweṯamɽi kwɔmne kweḏi ṯurmun domony kweṯiderne haḏiya weḏi Ṯigɽim ṯeḏi Allah kaka enir gwu ta ŋiḏyaki duŋgwun, nuŋw ere eḏi ŋuma mac eḏizelŋe, kaka eṯir zi gwu elŋe Ṯigɽim ṯi. 15ŋgwa kweḏi Tigɽhn-na tirlinelu ter, eṯuŋw eḏi ŋuma eḏi ṯeci kwɔmne tatap; lakin ŋundu ta wuɽe-wuɽeny, a liḏaḏu ere eḏi ŋuma mac eḏi ṯeci. 16eya kwere kwilŋiiḏi ŋiɽaŋali ŋeḏi ṯugwor ṯeḏi Kweleny mindaŋ eḏi zi ilŋiiḏini ŋunduŋwu ŋere? lakin a kweḏiri ŋiɽaŋali ŋeḏi tugwor ṯeḏi Kwruztu.
Trenutno odabrano:
kurinṯuuz al awal 2: KIB1967
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Nuba, Koalib Ngirere New Testament © First published by the British and Foreign Bible Society in Khartoum in 1967.