Vakatekivu 23
23
Na Mate nei Sera
1Ia ko Sera, sa dua na drau ka ruasagavulu ka vitu na nona yabaki; oqo na veiyabaki ni bula i Sera. 2Sa ciba ko Sera mai Kiriaci-aripa, (ko ya ko Epironi,) e na vanua ko Kenani; a sa lako mai ko Eparaama me vakalolokutaki Sera, ka tagicaki koya. 3A sa tucake ko Eparaama mai na yasa ni yago ni mate, ka vosa vei ira na ltaiti, ka kaya, 4#Ipe 11.9,13; Caka 7.16“Koi au na kai tani ka sa tiko vakavulagi vei kemudou; dou solia mai me noqu e dua na tiki ni vanua vei kemudou mei bulubulu, me'u buluta kina na noqu mate me yali kina e mataqu.” 5A ra sa vosa vei Eparaama na Itaiti, ka kaya vua, 6“Mo ni rogoci keitou mada, noqu turaga; koi kemuni na turaga sa vaka na kalou e na keimami maliwa. E na neimami bulubulu digitaki mo ni buluta kina na nomuni mate; sa sega e dua na tamata me bureitaka vei kemuni na nona i bulubulu, ka mo ni buluta ga na nomuni mate.” 7A sa tucake ko Eparaama, ka cuva vei ira na lewe-ni-vanua, io vei ira na Itaiti. 8A sa veivosaki kei ira, ka kaya, “Kevaka sa lomamudou me'u buluta na noqu mate me yali e mataqu, dou rogoci au mada, ka vakamasuti Efironi na luve i Soari e na vukuqu, 9me solia vei au na nona qara-vatu mai Makipila, sa tu yani mai nai yalayala ni nona veiwere. Ia me solia mada me noqu, ka me'u solia vua na kenai voli dodonu e nai lavo, ka me noqu tiki ni vanua mei bulubulu e na kemudou maliwa.”
10A sa tiko e na kedra maliwa na Itaiti ko Efironi. A sa vosa vei Eparaama ko Efironi na Itaiti, ni ra rogoca tiko na Itaiti kecega, io ko ira kecega era curu ki na matamata ni nona koro a sa kaya, 11“Me kakua mada noqu turaga, mo ni rogoci au ga. A tiki ni vanua ko ya, ka'u sa solia vei kemuni, kei na qara-vatu sa tiko kina, ka'u sa solia vei kemuni, e na mata ni luvedra na noqu tamata, ka'u sa solia vei kemuni; ni buluta kina na nomuni mate.” 12A sa cuva sobu e matadra na lewe-ni-vanua ko Eparaama. 13A sa vosa vei Efironi ni ra rogoca tiko na lewe-ni-vanua, ka kaya, “Kevaka sa vinaka vei kemuni, mo ni rogoci au mada! Au na solia nai lavo mei voli ni tiki ni vanua; mo ni taura mada, ka'u na qai buluta kina na noqu mate.” 14A sa vosa vei Eparaama ko Efironi, ka kaya vua, 15“Mo ni rogoci au mada, noqu turaga; a tiki ni vanua ko ya ka sa kenai sau e va na drau na sikeli siliva—ka cava oqo vei kedaru? Ni buluta ga kina na nomuni mate.” 16A sa vakarorogo vei Efironi ko Eparaama; a sa vakarautaka na siliva ko Eparaama me nei Efironi, ka cavuta ko koya ni ra rogoca na Itaiti, e va na drau na sikeli siliva, nai lavo sa taurivaki vei ira na tamata dauveivoli.
17Ia na tiki ni vanua nei Efironi mai Makipila, sa donui Mamire, na tiki ni vanua, kei na qara-vatu sa tiko kina, kei na kau kecega e na tiki ni vanua ko ya, sa volita na kena veiyasana kecega, sa vakataudeitaki 18vei Eparaama me nona, e matadra na Itaiti, e na kedra maliwa kecega era curuma na nona matamata ni koro. 19Sa oti na ka oqo, sa qai buluti Sera na watina ko Eparaama e na qara-vatu e na tiki ni vanua mai Makipila, sa donui Mamire (ko ya ko Epironi) mai na vanua ko Kenani. 20Ia na tiki ni vanua, kei na qara-vatu sa tiko kina, sa vakataudeitaki vei Eparaama, me nona vanua ni bulubulu mai vei ira na Itaiti.
Trenutno odabrano:
Vakatekivu 23: FRV21
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj