Cakacaka 7
7
Na Vosa i Sitiveni
1Sa qai kaya na bete levu, “Sa vaka ko ya na veika oqo, se segai?” 2#Vteki 12.1Sa qai kaya ko Sitiveni:
“Oi kemudou na mataveiwekani, kei na qase, dou vakarorogo mada. A Kalou vakaiukuuku sa rairai taumada vua na noda qase ko Eparaama, ni sa tiko mai Mesopotemia, ka qai tiko e muri mai Karana, 3a sa kaya vua, ‘Biuta na nomu vanua kei ira na wekamu, ka lako ki na vanua ka’u na vakatakila vei iko.’ 4#Vteki 11.31; 12.4Sa qai lako tani ko koya mai na vanua ko Kalitia, a sa laki tiko ki Karana. Ni sa mate oti ko tamana, a sa tuberi koya tani mai kina na Kalou ka sa vakatikora e na vanua oqo dou sa qai tiko kina. 5#Vteki 12.7; 13.15; 15.18; 17.8A sa sega ni solia kina vua ko koya e dua na tikina me taukena, e segai mada ga ni dua na tikina lailai, ia sa yalataka ga vua me qai solia vei koya me taukena kei ira talega na nona kawa mai muri, ka dina ga ni se sega ni dua na luvena. 6#Vteki 15.13,14A sa kaya vakaoqo na Kalou, ni ra na tiko vulagi na nona kawa e na vanua sa sega ni nodra, ka ra na vakabobulataki ira ka vakararawataki ira me va na drau na yabaki. 7#Lako 3.12Ia sa kaya na Kalou, ‘Na matanitu era na bobula kina, au na lewa; ka oti, era na qai lako tani mai, ka qaravi au e na vanua oqo.’ 8#Vteki 17.10-14; 21.2-4; 25.26; 29.31—35.18A sa solia vei koya na veiyalayalati ni veicili. A sa yaco me tama i Aisake ko koya, a sa bogi walu sa qai ciliva ko koya; a sa tama i Jekope ko Aisake; a sa tamadra na qase e le tinikarua ko Jekope.
9 #
Vteki 37.11,28; 39.2,21 “Ni ra sa vuvutaki Josefa ko ira na pateriaki [qase], era sa volitaki koya ki Ijipita; ia sa tiko vata kei koya na Kalou, 10#Vteki 41.39-41ka sa vakabulai koya mai na nona rarawa kecega, ka solia vua me vinaka ka vuku e na mata i Fero na tui Ijipita, ka sa lesia ko koya me kovana me lewai Ijipita kei ira kecega na nona lewe ni vuvale. 11#Vteki 42.1,2Sa qai yaco na dausiga kei na rarawa levu ki na vanua taucoko ko Ijipita kei Kenani, a ra sa sega ni kune kakana ko ira na noda qase. 12Ia ni sa rogoca ko Jekope sa tu mai Ijipita na sila, sa qai talai ira vakadua kina na noda qase. 13#Vteki 45.1,16Ia e na kena lako vakarua, sa vakatakilai koya ko Josefa vei ira na tuakana, ka sa vakatakilai na yavusa i Josefa kivei Fero. 14#Vteki 45.9-10,17-18; 46.27Sa qai talaki ko Josefa me lakovi ko Jekope na tamana, kei ira kece talega na wekana, era sa lewe vitusagavulu ka lima. 15#Vteki 46.1-7; 49.33A sa lako sobu ki Ijipita ko Jekope, a sa mate ko koya mai kea kei ira na noda qase, 16#Vteki 23.3-16; 33.19; 50.7-13; Josua 24.32ka ra sa kau ki Sikemi, a ra sa buluti e nai bulubulu ka volia ko Eparaama e na tiki ni siliva eso vei ira na luve i Emori mai Sikemi.
17 #
Lako 1.7,8 “Ia ni sa voleka na gauna me vakayacori kina na vosa ni yalayala ka bubului kina na Kalou vei Eparaama, era sa qai tubu ko ira na tamata me ra lewe levu mai Ijipita 18ka yacova na gauna sa buli kina e dua tale na tui, sa sega ni kilai Josefa. 19#Lako 1.10-11,22Sa lawakitaki ira na wekada ko koya oqo, ka sa vakacacani ira na noda qase, me ra sa biuti ira kina na nodra gone ki tautuba, me ra kakua ni bula. 20#Lako 2.2A sa sucu ko Mosese e na gauna ko ya, a sa mata vinaka sara, ka sa susugi vula tolu e na vale nei tamana; 21#Lako 2.3-10ia ni sa biu ki tautuba ko koya, sa keveta mai na luve i Fero ka yalewa, a sa susuga me luvena. 22A sa vakavulici ko Mosese e na nodra vuku kecega na kai Ijipita, a sa kaukauwa e na nona vosa kei na cakacaka.
23 #
Lako 2.11-15
“Ia ni sa vasagavulu na nona yabaki, sa qai tubu e na lomana me via laki raici ira na wekana na luve i Isireli. 24Ia ni sa raica e dua vei ira sa vakacacani, sa totaka, a sa cudruvaki koya sa vakararawataki, ka sa yavita na kai Ijipita. 25Ka sa nanuma ko koya era na kila na wekana ni sa ligana ena vakabulai ira kina na Kalou, ia era sa sega ga ni kila. 26E na mataka ka tarava sa rairai ko koya ki na lewe rua erau sa veivala, a sa via vakaduavatataki rau tale, a sa kaya, ‘Oi kemudrau na turaga, drau sa veiwekani ga; a cava drau sa veivakacacani vakataki kemudrau kina? 27Ia sa biligi koya tani ko koya sa vakacacana na wekana, ka kaya, Ko cei sa lesi iko mo turaga mo mai lewai keimami? 28Ko sa via vakamatei au beka, me vaka ko a vakamatea na kai Ijipita e na noa?’ 29#Lako 18.3,4Sa qai dro ko Mosese e na vuku ni vosa ko ya, a sa laki tiko vulagi e na vanua ko Mitiani, a sa mani sucu kina e le rua na luvena-tagane.
30 #
Lako 3.1-10
“Ia ni sa oti e vasagavulu na yabaki, sa qai rairai vei koya mai na vanua dravuisiga e dua na agilosi ni Turaga, e na ulunivanua ko Saineai, e na yameyame ni buka e na dua na vunikau. 31Ia ni sa raica ko Mosese, sa kidacalataka na ka sa raica; ia ni sa torova me vakaraica, sa yaco mai vua na vosa ni Turaga, 32‘Oi au na nodra Kalou na nomu qase, na Kalou i Eparaama, kei na Kalou i Aisake, kei na Kalou i Jekope.’ A sa sautaninini ko Mosese, ka sa rere ni vakaraica. 33Sa qai kaya vei koya na Turaga, ‘Luvata tani na nomu i vava mai na yavamu, ni sa qele tabu na tikina ko sa tu kina. 34Au a raica dina sara na nodra rarawa na noqu tamata era sa tiko mai Ijipita, ia ka’u a rogoca na nodra vutugu; ia ka’u sa lako sobu mai me’u vakabulai ira. Ia oqo, mo ia, au na talai iko ki Ijipita.’
35 #
Lako 2.14
“Ko Mosese ga oqo ko koya era sa cata, ka kaya, Ko cei sa lesi iko mo turaga ka mo lewa? Ko koya ga oqo ka tala na Kalou me turaga kai vakabula e na ligana na agilosi sa rairai mai vua e na kau. 36#Lako 7.3; 14.21; Tiko 14.33Sa kauti ira yani ko koya, ni sa kitaka oti eso na ka e veivakurabuitaki kei nai vakatakilakila e na vanua ko Ijipita, kei na Wasa Damudamu, kei na vanua lala, ka yabaki vasagavulu. 37#Vrua 18.15,18Ko Mosese oqo sai koya ka kaya vei ira na luve i Isireli, ‘Ena vakatubura kivei kemudou ko Jiova na nomudou Kalou, mai vei ira na wekamudou, e dua na parofita me vakataki au.’ 38#Lako 19.1—20.17; Vrua 5.1-33Ko koya oqo, sa tiko kei ira nai soqosoqo lotu e na vanua lala, kei na agilosi sa vosa vua e na Ulunivanua ko Saineai, kei ira na noda qase; a sa rawata ko koya na vunau bula me solia vei keda. 39Era sa bese ni talairawarawa vua ko ira na noda qase; ia, era sa biligi koya tani vei ira, ka sa suka tale na yalodra ki Ijipita, 40#Lako 32.1a ra sa kaya vei Eroni, ‘Cakava eso na noda kalou me ra liutaki keda. Ko Mosese oqo, ko koya ka kauti keda mai na vanua ko Ijipita, eda sa sega ni kila se cava beka sa yaco vua.’ 41#Lako 32.2-6A ra cakava e dua na luve ni bulumakau e na gauna ko ya, a ra sa vakacabora nai soro ki na matakau, a ra sa rekitaka na cakacaka ni ligadra. 42#Emo 5.25-27Sa qai vuki tani na Kalou, ka sa biuti ira tu me ra qarava na veikalokalo ni lomalagi, me vaka na ka sa volai e na nodra i vola na parofita:
‘Oi kemudou na vale i Isireli, dou a vakacabora vei au na manumanu sa vakamatei,
kei nai madrali e na vanua lala ka yabaki vasagavulu, se segai?
43Ia, dou a colata na vale nei Moloke,
kei na kalokalo ni nomudou kalou ko Remifani,
a matakau dou a cakava mo dou soro kina;
ia ka’u na kauti kemudou tani me sivi ko Papiloni.’
44 #
Lako 25.9,40 “Sa tu ga vei ira na noda qase e na loma ni vanua lala na vale ni Kalou sa tu kina na vunau, me vaka sa vosa kina ko koya, ni sa kaya vei Mosese, me cakava me vaka na kenai vakatakarakara sa raica. 45#Josua 3.14-17O koya talega era sa taura e muri na noda qase, era sa qai kauta mai ko ira kei Josua ki na nodra vanua na veimatanitu, ko ira sa vakaseva tani na Kalou e na matadra na noda qase. Ka sa tiko e kea ka yacova na gauna i Tevita, 46#2Samu 7.1-16; 1Vei 17.1-14ko koya sa kune loloma mai vua na Kalou, ka sa kerea me nona i tavi e dua na vale me nei koya na Kalou i Jekope. 47#1Tui 6.1-38; 2Vei 3.1-17Ia ko Solomoni ga sa tara na vale me nona. 48Ia sa sega ni tiko ko Koya sa Cecere Sara e na vale sa caka e na liga; me vaka na vosa ni parofita,
49 #
Aisea 66.1,2 ‘A noqu i tikotiko-vakaturaga ko lomalagi,
kei nai tutu-ni-yavaqu ko vuravura.
A vale cava dou na tara me noqu, sa taroga ko Jiova,
se na tikina cava me na noqu i vakavakacegu?
50Sa sega li ni cakava na ka kecega oqori na ligaqu?’
51 #
Aisea 63.10
“Oi kemudou na tamata yalokaukauwa, sa sega ni cili na yalomudou kei na daligamudou, dou sa dauvorata tikoga na Yalo Tabu. Ia koi kemudou, dou sa kitaka ga me vakataki ira na nomudou qase. 52Ko cei vei ira na parofita sa ra sega ni vakacacana ko ira na nomudou qase? A ra sa vakamatei ira era a tukuna eliu ni na lako mai ko koya na Yalododonu, ko koya dou sa qai solia yani ka vakamatea. 53Ia sa soli vei kemudou na vunau ni sa tukuna eso na agilosi, ia dou a sega ga ni vakabauta.”
Sa Vakaviriki e na Vatu ko Sitiveni
54Ia ni ra sa rogoca na veika oqo, sa rarawa vakalevu na yalodra, ka ra sa vakasequruquru bati vua. 55Ia ko koya ni sa sinai e na Yalo Tabu, sa rai matua ki lomalagi, a sa raica nai ukuuku ni Kalou, kei Jisu ni sa tu e na liga i matau ni Kalou, 56a sa kaya, “Raica, au sa qai kunea sa wase rua na lomalagi, ka sa wavu tu na Luve ni Tamata e na liga i matau ni Kalou!” 57Ia era sa qai qoqolou e na domo levu, ka tabonaka na qara ni daligadra, ka cicivi koya kece yani. 58A ra sa yarataki koya ki nai bili ni koro, ka vakavirika e na vatu. Ia ko ira era sa beitaka, era sa vakotora sobu na nodra i sulu ki na yavana e dua na cauravou, a yacana ko Saula. 59Ni ra sa vakaviriki Sitiveni tiko e na vatu, a sa masu, ka kaya, “Kemuni na Turaga Jisu, ni taura na yaloqu.” 60A sa qai tekiduru sobu ko koya ka kaci e na domo levu, “Kemuni na Turaga, ni kakua ni cudruvi ira e nai valavala ca oqo.” Ia ni sa vosa oti vakaoqo, sa qai moce.
Trenutno odabrano:
Cakacaka 7: FRV21
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj