Genesis 16
16
Hagara ni Ishmaele
1Sarai mwaara Abramu, khaamuyarelle Abramooyo anamwani. Koma Sarai aakhalla ni kaporo o Iguputo nnddina naye Hagara. 2Sika Sarai aamulleella Abramu wi, “Apwiya khekivahille anamwani. Apaalle mukone ni kaporoolla wi akiyarelle mwaana.” Abramu ahaakhullella ddennddo. 3Sika Sarai aamuvelleella Hagaroolle wa Abramu wi akhalle mwaariye mung'onong'ono. (Nndda ddeereyille Abramu akhanlle o Kanani miyakha khumi). 4Abramu akonille ni Hagara, Hagarooyo aakhalla ni erukullu. Nave enthawi yeeyo Hagara ahaambeella wiitukhulla ni omunyaambusa adonaaye Sarai.
5Vano Sarai aallota ni Abramu wi, “Dda va muru vanyu ddenndda wi Hagara akinyaambuseke ddiidda.#16.5 Dda…ddiidda: apaalle Oollakiwa okhalle weyaano va ddoonanara keerelliweemi. Miyaano kahuuvahani kaporoolla nave waambeella valle akusalleeye erukullu, anakhallella okinyaambusave. Apwiya sika eneeruze wi nimuphwanye oolakwa ttaani variyari vahu.”
6Abramu ahaakhulla wi, “Olliyoolla tti kaporwaawo nave ari m'mattani mwawo sika ttuumweerella erive ello eyo onapaalleewe.” Sika Sarai ahaamba omuhoosa Hagara, ophiyera Hagarooyo aathawa.
7Mungelo a Apwiya aakumana ni Hagara va neetuutu a mu echipululu va musewu wooyeella o Shuri. 8Nave aallota wi, “Hagara, kaporo a Sarai, ethiyo onavenyera wuuwi navettho onaya wuuwi?”
Hagara ahaakhulla wi, “Kinaathawa adonaaka Sarai.”
9Mungelooyo aallota wi, “Iyaayi, hokollweella wa adonaawo Sarai, wamugonjelle.” 10Mungelo a Apwiyooyo aallotattho wi, “Kineerewoonjerera wunchichi edduullu ddawo vawi khaavo oyo anaawore oddeerenga. 11Vano oneerokhalla ni mwaana aamullopwana nave onaamuvahe nnddina nawi Ishmaele#16.11 Ishmaele: Nnddina nenna niniiweya wonanko na Eheberi nno ninattaphullella Mulluku anniiwa. vawi Apwiya ahiiwa winlla wawo va ddookatamiha ddawo. 12Koma mwanawooyo aneerokhalla ni murima wa enama, eneerewiitana ni arive muthu nave athu attheene eneerewiitanana. Aneerewiitana ni abalaaye attheene.”
13Sika Hagara ahaaromolla Apwiya yallotille ni olliye wi, “Nyuwaano tti Mulluku Awoona,” vawi aallota wi, “Vano koomoona oyo anakoona nave kookhallave ni okumi.”#16.13: Mawu ookayikella awi kookhallave ni okumi. Mawu yaalla mu Eheberi kheniiweya phaama. 14Ella sika ekaambiiwa athu enamuromolla neetuutu a variyari va Kadeshi ni Beredi wi, “Neetuutu a Ookumi Anakoona Miyaano.”
15 #
Aga 4.22
Sika vano Hagara aamuyarella Abramu mwaana aamullopwana, aamuvaha nnddina nawi Ishmaele. 16Abramu aari ni miyakha 86 va enthawi yeeyo.
Trenutno odabrano:
Genesis 16: MW2019
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
The Bible in Elhomwe © The Bible Society of Malawi, 2019.