മത്തായി 12
12
ഏസുത്തെ ഒയിവു ണാള്‌ക്ക് ആണ്ടവാ്
1അയ്യി ഗള്യേലി ഒരു ഒയിവു ണാള് ഏസു അന്ന കാഡ്‌മേലെ പോഗാട്ടി തന്ന് സൊല്ലുപഡി ണഡാക്കവാര് പജിക്ക് അന്ന കദ്‌റ്‌ണ ഉരുദ് പെജേന്ത് മൊക്ക്യ പ്‌ഡിത്താര്. 2ആന പരിസല ഇദ്‌ണ കണ്ട്: <<ഇദാ ണോഡ്, ഒയിവു ണാള് മോസെ ബെത്ത സാമി സട്ടപഡി സെയ്യ പാങ്കില്ലാത്ത കാര്യണ ണിന്ന് സൊല്ലുപഡി ണഡാക്കവാര് സെയ്‌രാര്>> എന്ത് ഏസുക്കെ സൊന്നാര്.
3അക്കുളെ ഏസു അവാര്‌ക്കെ ഇച്ചെ സൊന്നാ്: <<ദാവീദ് തനാക്ക്‌മ് തന്ന്‌ദ് ഒപ്പ ഇര്‌ന്തവാര്‌ക്ക്‌മ് പജിപ്‌ഡിക്കാട്ടി എന്ത സെയ്‌ദാ് എന്ത് ണിമ്മ പഡിക്കാഗെ ഇല്ലേഗ? 4ദാവീദ് സാമിദ് ഗുഡുസ്‌ക്കെ പുക്കി മോസെ ബെത്ത സാമി സട്ടപഡി എഗുദ പൂസാരിഗ മാട്ട് തിങ്ക മേല്‌സ ബെത്ത അഡേന എ്ഡ്‌ത്ത് താന്‌മ് തന്ന്‌ദ് ഒപ്പ ഇര്‌ന്തവാര്‌മ് തിന്താര്. 5അദ്‌താനെമല്ല, ഒയിവു ണാള് എഗുദ പൂസാരിഗ സാമികൂരേലി ഒയിവു ണാള്‌ക്ക് ബേ്ഡുമാന കാര്യഗണ സെയ്‌ഗാട്ടി അവാര് ഒയിവു ണാള്‌ക്ക് മീ്റി സെയ്‌രാര്. എന്താല്‌മ് അവാര് കുറ്റക്കാറാരല്ല എന്ത് മോസെ ബെത്ത സാമി സട്ടാത്തിലി സൊല്ലിര്‌ക്കാദ്‌ണ ണിമ്മ പഡിത്ത് ണോഡാലേഗ? 6ആന സാമികൂരേന ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് ണിമാക്കെ സൊല്ലുറെ. 7<ണിമ്മ ബേ്ണ്ട്‌ഗണ പലി കൊഡുക്കാദിലി അല്ല, അഡ്‌ത്തവാര്‌ണ ഗവപഡ്‌റാദിലിത്തെ ണാന് പിര്യപഡ്‌റാദ്>#ജോസയ്യാ് 6:6 എന്ത് സാമി സൊല്ലുസുലാക്കാത്തിലി സൊല്ലിര്‌ക്ക അര്‌ത്ത എന്തായെന്റ് തെരിന്തിര്‌ന്തിര്‌ന്ത കുറ്റ സെയ്യാത്തവാര്‌ണ ണിമ്മ കുറ്റക്കാറാര് എന്ത് സൊല്ലമാട്ടേര്. 8എന്ത്‌ക്കെന്റ മന്‌സാനായി പ്‌റാന്തവാ്ത്തെ ഒയിവു ണാള്‌ക്ക് ആണ്ടവാ്.>>
ഒരുത്താന്‌ദ് സപ്പെ ബ്‌ന്ത കയ്യിന ഏസു തെ്ള്‌സ്‌റാ്
9ഏസു അദിലിര്‌ന്ത് എഗുദാര് പരേസ്‌റ കൂരേക്കെ പോനാ്. 10അദിലി കയ്യി സപ്പെ ബ്‌ന്തിര്‌ന്ത ഒരുത്താ് ഇര്‌ന്താ്. ഏസുണ കുറ്റക്കാറാ് ആക്ക്യ ഒരു കുറ്റ കെ്ഡേക്ക്യ ബേ്ണ്ടി: <<ഒയിവു ണാള് ണോയി തെ്ള്‌സ്‌റാദ് ണമ്മ് സട്ടപഡി സെര്യ?>> എന്ത് അവാന ലേസ ആള്‌ഗ കേ്ട്ടാര്.
11അക്കുളെ ഏസു അവാര്‌ക്കെ: <<ണിമ്മ് കൂട്ടാത്തിലി ഒരുത്താന്‌ക്ക് ഒരു കൊറ്യാഡ് ഇര്‌ക്ക്‌ദ് എന്ത് ബെയ്യിരി, അയ്യി കൊറ്യാഡ് ഒയിവു ണാള് കുയ്യിക്കെ ബ്‌ന്താക്കി അദ്‌ണ കുയ്യിലിര്‌ന്ത് ഏ്റ്‌സാദെ ഇര്‌ക്കുവേര? 12ആന മന്‌സാ് കൊറ്യാഡ്‌ണ ബ്‌ഡ എത്തറാഗൊ ബെലെപെറ്റവാനല്ല? അദ്‌ണാലെ ഒയിവു ണാള് ണല്ലാദ് സെയ്‌രാദ് ണമ്മ് സട്ടപഡി ണായമാന കാര്യാത്തെ>> എന്ത് സൊന്നാ്.
13അദ്‌ക്ക് പ്‌റ ഏസു കയ്യി സപ്പെ ബ്‌ന്തവാന: <<ണിന്ന് കയ്യിന ണീ്ട്ട്>> എന്ത് സൊന്നാ്. അവാ് കയ്യിന ണീ്ട്ടിനാ്. അപ്പ്‌താനെ അയ്യി കയ്യി പിന്നെ ഒരു കയ്യിന പാസെ ണലമായാറ്റ്. 14ആന പരിസല അദിലിര്‌ന്ത് പോയി, ഏസുണ എച്ചെ കൊല്ലില എന്ത് ഓസണെ എ്ഡ്‌ത്താര്.
സാമി തെരിന്തെ്ഡ്‌ത്ത ബേലെക്കാറാ്
15ഏസുക്ക് ഇദ് തെരിന്ത് അദ്‌ണ ബ്‌ട്ട് പോനാ്. അക്കുളെ എത്തിന്യൊ ആള്‌ഗ ഏസു പിന്ന്‌ക്ക് പോനാര്. അയ്യി കൂട്ടാത്തിലി ണോയി ആയിര്‌ന്തവാര്‌ണ മുച്ചുഡ ഏസു തെ്ള്‌സിനാ്. 16ആന താന് ആര് എങ്കാദ്‌ണ പറ്റി ആള്‌ഗാക്കൊട്ടുക്ക് സൊല്ല ബേ്ഡ എന്ത് അവാര്‌ക്കെ സൊന്നാ്. 17അച്ചെ എസയ്യാ് സാമിദാസ് മേലെ സാമി സൊന്ന കാര്യഗ അദേപഡി ണഡാന്ത്‌ദ്. ഈ സാമിദാസ് മേലെ സൊന്നാദ് ഇച്ചെത്തെ:
18<<ഇദാ, ണാന് തെരിന്തെ്ഡ്‌ത്ത എന്ന് ബേലെക്കാറാ്,
ഇവാ്ത്തെ എനാക്ക് പ്‌ഡിത്തവാന്‌മ് ണാന് പിര്യപഡ്‌റവാന്‌മ്.
ണാന് എന്ന്‌ദ് ണിഗാല്‌ണ ഇവാന്‌ക്ക് ഏ്റ്‌സുവെ,
ണായ ബിദിക്കാദ്‌ണ പറ്റി ഇവാ് ജാദിഗാക്കേമ് സൊല്ലുവാ്.
19അവാ് തറ്‌ക്ക്യാഗൊ, അഗാറ്യാഗൊ ണില്ലമാട്ടാ്,
ആര്‌മ് തെരുവുക്ക്‌റാഗ അവാന്‌ദ് ജദ്ദണ കേ്ക്കമാട്ടാര്.
20അവാ് സദേന്ത ഓഡേന മുറുത്തെക്ക മാട്ടാ്,
പൊഗേന്ത് കൊണ്ടിര്‌ക്ക തിരിന കെ്ഡ്‌സി എക്കമാട്ടാ്.
ണേര്‌മെ ഉള്ള കാര്യ സെയ്‌ദ് ഗെല്‌സമാട്ട്‌ക്ക് അവാ് ഈ കാര്യ സെയ്‌ദ് കൊണ്ടെ ഇര്‌ക്കുവാ്.
21അദ്‌ണാലെ ജാദിഗാമ് അയാള് പേരിലി ണെഞ്ചഡെ ബെക്കുവാര്.>>#എസയ്യാ് 42:1–4
ഏസുമ് ബെല്‌സവൂലുമ്
22അദ്‌ക്ക് പ്‌റ ലേസ ആള്‌ഗ കെ്ട്ടജാദി തട്ടി ഊമേമ് കുറുഡുമ് ബീ്ത്തി ബെത്തിര്‌ന്ത ഒരുത്താന ഏസു പട്ട്‌ക്ക് എ്ഡ്‌ത്ത് ബന്താര്. ഏസു അവാന തെ്ള്‌സിനാ്. അക്കുളെ അവാന്‌ക്ക് പാര്‌വേമ് കെ്ഡേത്ത്‌ദ്, ണായ പേസ്യാമ് മുഡിന്ത്‌ദ്. 23ഇദ്‌ണ കണ്ട് എല്ല ആള്‌ഗാമ് അദിസ്യപട്ട് കൊണ്ട്: <<ഇയാള്‌ത്തേഗ ദാവീദ്‌ദ് കാല്‌ക്ക് പട്ടവാ്?>> എന്ത് സൊന്നാര്.
24ഇദ്‌ണ കേ്ട്ട് പരിസല: <<ഇവാ് കെ്ട്ടജാദിഗാദ് തലെവനാന ബെല്‌സവൂലുണ ബെത്ത്‌ത്തെ കെ്ട്ടജാദിന ഒയിപ്പിസ്‌റാദ്>> എന്ത് സൊന്നാര്.
25ഏസു അവാര്‌ദ് മനേസ്സിലിര്‌ക്ക ണെനേപ്പ്‌ണ തെരിന്ത് അവാര്‌ക്ക് ഇച്ചെ സൊന്നാ്: <<ഒരു ണാഡില്യവാര് താനെ പല കച്ചിഗ ആയി ആങ്കീങ്ക് പോട്ടിക്ക് ണില്ല്‌റദാനാക്കി അയ്യി ണാഡ് കെ്ട്ട് തള്ളു. അദേപാസെ ഒരു പട്ടണാത്തില്യവാരൊ, ഒരു കൂരേല്യവാരൊ ആങ്കീങ്ക് പോട്ടിക്ക് ണില്ല്‌റദാനാക്കി അവാര്‌മ് കെ്ട്ട് തള്ളുവാര്. 26അദേപാസെ സെയിത്ത്യാ് താനെ സെയിത്ത്യാന മുഡിക്കി ബ്‌ഡ്‌റദാനാക്കി അവാര്‌മ് റണ്ടായി പ്‌റ്‌ന്താര് എന്ത്‌ത്തെ അര്‌ത്ത. അച്ചെ അവാ് ആള്‌റ ണാഡ് അദിഗ കാല ണെലേത്തിര്‌ക്കമാട്ട. 27കെ്ട്ടജാദിഗാദ് തലെവാ് ബെല്‌സവൂലുത്തെ എനാക്ക് കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി തരദാനാക്കി ണിമ്മ് കൂട്ടാത്തില്യ ആള്‌ഗാക്ക്‌മ് ബെല്‌സവൂലുത്തെ കെ്ട്ടജാദിഗണ ഒയിപ്പിസ്‌റാദ്‌ക്കുള്ള സക്‌ദി തരാദെന്ത് അര്‌ത്ത ബര്‌ദല്ല? അച്ചെ ണിമ്മ കുറ്റക്കാറാര് എന്ത് ണിമ്മ് കൂട്ടാത്തില്യ ആള്‌ഗ താനെ കാട്ടി തരാര്. 28ആന ണാന് സാമിണിഗാല്‌ദ് സക്‌ദ്യാലെത്തെ കെ്ട്ടജാദിഗണ ഒയിപ്പിസി ബ്‌ഡ്‌റദാനാക്കി സാമി ആള്‌റാദ് ണിമ്മ് പട്ട്‌ക്ക് ബന്ത് എജ്ജിറ്റ് എന്ത് കാട്ട്‌ദ്.
29മുജുവുക്കാറാന പ്‌ഡിത്ത് കെ്ട്ടാദെ പോന എച്ചെ അയാള് കൂരേക്കെ പുക്കി അയാള്‌ക്ക് ഇര്‌ക്കാദ്‌ണ എ്ഡ്‌ക്ക്യ മുഡ്യു? പ്‌ഡിത്ത് കെ്ട്ടിന പിന്നെ അയാള് കൂരേല്യാദ്‌ണ മുച്ചുഡ എ്ഡ്‌ക്കില.
30എന്ന്‌ദ് ഒപ്പ ഇര്‌ക്കാത്തവാ് എനാക്ക് പോട്ടിക്കാറാ്ത്തെ. എന്ന് പിന്ന്‌മേലെ ണഡാക്കവാര്‌ണ എന്ന് പട്ട്‌ക്ക് കൂട്ട്യ കയ്യിതാങ്കാത്തവാര് എന്ന് പിന്ന്‌മേലെ ണഡാക്കവാര്‌ണ ജില്ലമ്പുല്ലാത്ത് ആക്ക്യെക്ക്‌റാ്. 31അദ്‌ണാലെ ണാന് ണിമാക്കെ സൊല്ലുറെ, മന്‌സാര് സെയ്‌ര എല്ല പാവഗാക്ക്‌മ് സൊല്ലുറ എല്ല കുറ്റഗാക്ക്‌മ് പൊറിമെ കെ്ഡേക്കു. ആന സാമിണിഗാല്‌ക്ക് ണേരെ കുറ്റ സൊന്നാക്കി പൊറിമെ കെ്ഡേക്കാഗെ മാട്ട. 32മന്‌സാനായി പ്‌റാന്തവാന പറ്റി ആരാറ്റ് എന്താറ്റൊരു ണായ സൊന്ന അദ്‌ക്ക് പൊറിമെ കെ്ഡേക്കു. ആന സാമിണിഗാല്‌ക്ക് ണേരെ എന്താറ്റൊരു ണായ സൊന്ന ഈ ഉലഗാത്തിലിമ് ബര്യ പോര ഉലഗാത്തിലിമ് അവാന പൊറുക്കമാട്ടാ്.>>
മരാമ് അയ്യി മര ബ്‌ഡ്‌റ കായിമ്
33<<ണല്ല മര ആയിര്‌ന്ത ണല്ല കായിമ് ബ്‌ഡു. സായി പ്‌ഡിത്ത മരായിര്‌ന്ത കുറുഡു കായിമ് ബ്‌ഡു. കായിന ണോഡിത്തെ മര ഏദ് എന്ത് കണ്ട്‌പ്‌ഡിക്കാദ്. 34പാമ്പ്‌ണ പാസെ ണഞ്ച് ഇര്‌ക്കവാരെ, കെ്ട്ടവാരായി ഇര്‌ക്ക ണിമാക്ക് എച്ചെ ണല്ലാദ് സൊല്ല്യ മുഡ്യു? ണിമ്മ് മനേസ്സിലിര്‌ന്ത് തുമ്പി മറ്‌റാദ്‌ത്തെ ബായിലിര്‌ന്ത് ബെ്ള്യെ ബരാദ്. 35ണല്ല മന്‌സാ് തന്ന് മനേസ്സിലി തുമ്പിസി ബെത്തിര്‌ക്ക ണല്ല എ്ണ്ണാത്തിലിര്‌ന്ത് ണല്ല കാര്യഗണ സെയ്‌രാ്. കെ്ട്ട മന്‌സാ് തന്ന് മനേസ്സിലി തുമ്പിസി ബെത്തിര്‌ക്ക കെ്ട്ട എ്ണ്ണാത്തിലിര്‌ന്ത് കെ്ട്ട കാര്യഗണ സെയ്‌രാ്. 36ആന മന്‌സാ് ണെനേക്കാദെ പ്‌ഡിക്കാദെ സൊല്ലുറ ണായ ബീസാക്ക് ബിദി സൊല്ലുറ ണാളിലി കണാക്ക് കൊഡുക്ക്യ ബേ്ണ്ടി ബരു എന്ത് ണാന് ണിമാക്കെ സൊല്ലുറെ. 37ണീ സൊല്ലുറ ണായഗ താനെ ണിനാണ ണേര്‌മെക്കാറാന്‌മ്, ണീ സൊല്ലുറ ണായഗ താനെ ണിനാണ കുറ്റക്കാറാന്‌മ് ആക്കു.>>
എഗുദാര് അഡ്യാള കേ്ക്കാര്
38അക്കുളെ ബേദ ബാത്ത്യലാദിമ് പരിസലാദിമ് ലേസ ആള്‌ഗ ഏസു പട്ട്‌ക്കെ ബന്ത്: <<ഗുരുവെ, ണീ ഒരു അഡ്യാള കാട്ട്‌റാദ്‌ണ കാണ്യ എമ്മ ആസെപഡ്‌റേര്>> എന്ത് സൊന്നാര്.
39അദ്‌ക്ക് ഏസു അവാര്‌ക്കെ ഇച്ചെ സൊന്നാ്: <<കേ്ഡ്‌ഗെ്ട്ടവാര്‌മ് സാമി സൊല്ലുപഡി ണഡാക്കാത്തവാര്‌മാന ഇപ്പേത്ത കാലാത്തില്യ ആള്‌ഗ അഡ്യാള പരാക്കാര്. സാമിദാസാന ജോനാന്‌ക്ക് ണഡാന്ത അഡ്യാള അല്ലാദെ ബേ്റെ ഒരു അഡ്യാള ണിമാക്ക് കെ്ഡേക്കമാട്ട. 40കഡാലിലി ബെല്ല്യ മീന് ബേ്റ് കുള്ളുക്ക് ഇ്റ്‌ട്ട്‌പഗാല് മൂണ് ണാള് ജോനാ് ഇര്‌ന്താദ്‌ണ പാസെ മന്‌സാനായി പ്‌റാന്തവാന്‌മ് ഇ്റ്‌ട്ട്‌പഗാല് മൂണ് ണാള് മണ്ണ്‌ക്കുള്ളുക്ക് ഇര്‌ക്കുവാ്. 41എത്തിന്യൊ ബര്‌സ മുന്തുക്ക് ണിനവെക്കാറാര് ജോനാ് സൊന്ന ണായ കേ്ട്ട് സാമി സാരി തിലിമ്പിനാര്. ജോനാന ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് ണിമാക്കെ സൊല്ലുറെ. ആന ഇപ്പെത്തവാര് അയാള് സൊല്ലുറ ണായണ കേ്ക്കാദ്‌മില്ലെ. അദ്‌ണാലെ സാമി ബിദിക്ക ണാളിലി ഇപ്പേത്ത കാലാത്തില്യ ആള്‌ഗാദൊപ്പ ണിനവെക്കാറാര് ഉജുറെ്ന്ത് അവാര്‌ണ കുറ്റക്കാറാര് എന്ത് ബിദിക്കുവാര്. 42എത്തിന്യൊ ബര്‌സ മുന്തുക്ക് എമ്മാട്ടൊ ദൂര ഇര്‌ക്ക തെക്കേത്ത ണാഡ് റാണി സലോമോന്‌ദ് ബുദ്ദിണായ കേ്ക്ക്യ ബന്ത. സലോമോന്‌ണ ബ്‌ഡ ബെല്ല്യവാ് ഇദിലി ഇര്‌ക്കാ് എന്ത് ണാന് സൊല്ലുറെ. ആന ഇപ്പേത്ത ആള്‌ഗ അയാള് സൊല്ലുറ ണായ കേ്ക്കാദില്ലെ. അദ്‌ണാലെ സാമി ബിദിക്ക ണാള് ഇപ്പേത്ത കാലാത്തില്യ ആള്‌ഗാദൊപ്പ അവാമ് ഉജുറെ്ന്ത് അവാര്‌ണ കുറ്റക്കാറാര് എന്ത് ബിദിക്കുവ.>>
കെ്ട്ടജാദി തിലിമ്പി ബരാദ്‌ണ പറ്റി
43<<ഒരു മന്‌സാനോഡിര്‌ന്ത് കെ്ട്ടജാദി ബ്‌ട്ട് പോയി എ്ളേക്ക്യ എ്ഡെ പരാന്ത് തണ്ണില്ലാത്ത എ്ഡെ മേലെ പോദ്. ആന ഒരു എ്ഡേമ് കെ്ഡേക്കാദില്ലെ. 44അക്കുളെ അയ്യി കെ്ട്ടജാദി <ണാന് ബ്‌ട്ട് ബന്ത എ്ഡേക്ക് താനെ തിലിമ്പി പോവെ> എന്ത് സൊല്ലുദ്. അച്ചെ അയ്യി കെ്ട്ടജാദി താനിര്‌ന്ത മന്‌സാന്‌ദ് കുള്ളുക്ക് താനെ തിലിമ്പി ബന്ത് ണോഡുഗാട്ടി ഒഡിക്കിപഡിക്കി സാമാനഗണ ഒദിക്കി ബെ്റ്‌ക്കി ബെത്തിര്‌ക്ക കൂരേന പാസെ അയാള് ഇര്‌ക്കാദ്‌ണ കാണ്‌ദ്. 45അക്കുളെ അയ്യി കെ്ട്ടജാദി പോയി തനാണ ബ്‌ഡ റമ്പ കെ്ട്ടാദ് സെയ്‌ര ഏ്ള് കെ്ട്ടജാദിഗണ ഗൂഡി കൂട്ടി ബന്ത് അദ്‌ഗ ഒന്റായി അയാളിലി തങ്ക്‌ദ്. അച്ചെ അയാള്‌ദ് കഡേസില്യ പെ്ളേപ്പ് മുദ ഇര്‌ന്താദ്‌ണ ബ്‌ഡ ഒരേപെ്ട്ട് കെ്ട്ട് കെ്ഡ്‌ണാറി എക്ക്‌ദ്. ഇപ്പേത്ത കാലാത്തില്യ ആള്‌ഗാമ് അദേപാസെത്തെ ആവാര്.>>
ഏസു അവ്വാസിമ് അയാള് പെറ്റ്‌പ്‌റാപ്പ്‌ഗാമ്
46ഏസു ആള്‌ഗോഡെ പേസികൊണ്ടിര്‌ക്കാട്ടി, ഏസുദ് അവ്വേമ് തമ്പിലാമ് ഏസോഡെ ണായ പേസ്യ ആസെപട്ട് ബെ്ള്യെ ണിന്റിര്‌ന്താര്. 47അദിലിര്‌ന്ത ആള്‌ഗാദിലി ഒരുത്താ് പോയി: <<ണിന്ന് അവ്വേമ് തമ്പിലാമ് ണിന്നോഡെ ണായ പേസ്യ ആസെപട്ട് ബെ്ള്യെ ണിന്റിര്‌ക്കാര്>> എന്ത് സൊന്നാ്.#12:47 മുദ എ്ള്‌ദിന കായിദണ ണോഡി എ്ള്‌ദിന ലേസ കായിദാത്തിലി ണാപ്പത്തി ഏ്ളാവദ് സുലാക്ക ഇല്ലെ.
48അച്ചെ സൊന്നവാന്‌ക്കെ ഏസു: <<എന്ന് അവ്വെ ആര്? എന്ന് തമ്പില ആര്?>> എന്ത് കേ്ട്ടാ്. 49പ്‌റ ഏസു തന്ന് സൊല്ലുപഡി ണഡാക്കവാര്‌ക്ക് ണേരെ കയ്യിന ണീ്ട്ടി: <<ഇദാ ണോഡ്, ഇവാര്‌ഗാത്തെ എന്ന് അവ്വേമ് പെറ്റ്‌പ്‌റാപ്പ്‌ഗാമ്. 50മേലോഗാത്തിലിര്‌ക്ക എന്ന് അപ്പാന്‌ദ് ആസെപഡി സെയ്‌രവാര്‌ത്തെ എന്ന് തമ്പിമ്, തങ്കേമ്, എന്ന് അവ്വേമ്>> എന്ത് സൊന്നാ്.
Trenutno odabrano:
മത്തായി 12: സാമിദ് സേദി
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
New Life Literature
