1 Abakor 2
2
Paulo naarangirra Kristo ayabambirwe ha musaraba
1Bagenzi bange, obu naizire owanyu, ntaije nimbarangirra ensita za Ruhanga omu bigambo ebi mutasobora kwetegereza. 2Habwokuba nkamalirra kutamanya kindi kyona omuli inywe, kwihaho Yesu Kristo, ogu ayambambirwe ha musaraba. 3#Ebik 18:9.Obu nahikire owanyu nkazooka ndi muceke, ninkyatiina, kandi nintukumira. 4Orubazo rwange n'okwegeza kwange bikaba bitali by'amagezi ag'okusoonasoona abantu; baitu byayolekaga amaani ga Mwoyo Ahikiriire. 5Nukwo okwikiriza kwanyu kuleke kusigikira ha magezi g'abantu, baitu kusigikire ha maani ga Ruhanga.
Amagezi ga Ruhanga
6Inywe abagumire omu kwikiriza, twina amagezi ag'okubacwera, noobu garaaba gatali g'obusinge bunu rundi g'abalemi ab'obusinge bunu abali b'okuhwaho. 7Baitu itwe tumanyisa ensita ya Ruhanga kandi amagezi ge agaserekerwe, niyo ntegeka Ruhanga ei yataireho kutuhaisa ekitiinisa amahanga goona gatakahangirwe. 8#Baru 3:14-17.Busaho mulemi n'omu ow'obusinge bunu aragyetegeriize. Kakuba baagyetegeriize, tibaakubambire ha musaraba MUKAMA ow'ekitiinisa. 9#Is 64:4; Sir 1:9,10.Baitu kikahandiikwa kiti:
“Eriiso ebi litakaroraga, n'okutu ebi kutakahurraga,
kandi n'ebitakataahaga omu mutima gw'omuntu,
nibyo Ruhanga yateekaniriize abarukumugonza.”
10Ebi, Ruhanga akabitusuukururra omu Mwoyo Ahikiriire, Habwokuba Mwoyo atindura buli kintu kyona noobu ziraaba ziri nsita za Ruhanga. 11Muntu ki arukumanya ebiteekerezo by'ondi, kwihaho omutima gwa mukama wabyo? Nukwo kiti, busaho arukumanya ebiteekerezo bya Ruhanga kwihaho Mwoyo wa Ruhanga. 12Itwe, tutaheebwe mwoyo w'ensi enu, baitu tukaheebwa Mwoyo anyakuruga hali Ruhanga, nukwo twetegereze ebisembo Ruhanga ebi yatugabiire.
13Ebi nibyo tusoborra omu bigambo ebitaruga omu magezi g'abantu, baitu ebi twegesibwa Mwoyo. Abo abaina Mwoyo, tubasoborra amagezi ga Mwoyo. 14Baitu omuntu ataina Mwoyo tatunga bisembo bya mwoyo wa Ruhanga. Abyeeta by'obudoma kandi tasobora kubyetegereza, habwokuba byetegerezibwa abaina mwoyo. 15Anyakwina Mwoyo ayetegereza byona, baitu uwe tayetegerezibwa muntu weena. 16#Is 40:13.“Nooha aramanyire ebiteekerezo bya MUKAMA, nooha si aramuhanuliire?” Baitu itwe tuteekereza ebiteekerezo bya Kristo.
Trenutno odabrano:
1 Abakor 2: BRR2008
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bible in Runyoro/Rutooro Interconfessional Translation © Bible Society of Uganda, 2008.