Popularni biblijski stihovi od 1 Abakor 2

Podijeli

Baitu kikahandiikwa kiti: “Eriiso ebi litakaroraga, n'okutu ebi kutakahurraga, kandi n'ebitakataahaga omu mutima gw'omuntu, nibyo Ruhanga yateekaniriize abarukumugonza.”

Baitu omuntu ataina Mwoyo tatunga bisembo bya mwoyo wa Ruhanga. Abyeeta by'obudoma kandi tasobora kubyetegereza, habwokuba byetegerezibwa abaina mwoyo.

Ebi, Ruhanga akabitusuukururra omu Mwoyo Ahikiriire, Habwokuba Mwoyo atindura buli kintu kyona noobu ziraaba ziri nsita za Ruhanga.

Itwe, tutaheebwe mwoyo w'ensi enu, baitu tukaheebwa Mwoyo anyakuruga hali Ruhanga, nukwo twetegereze ebisembo Ruhanga ebi yatugabiire.

Orubazo rwange n'okwegeza kwange bikaba bitali by'amagezi ag'okusoonasoona abantu; baitu byayolekaga amaani ga Mwoyo Ahikiriire. Nukwo okwikiriza kwanyu kuleke kusigikira ha magezi g'abantu, baitu kusigikire ha maani ga Ruhanga.