IOANE Fakatomuaga
Fakatomuaga
Te Evagelia a Ioane e fakamatala ne ia a Iesu ko te Muna ola a te Atua, tela ne “liu tino tagata kae ne ola fakatasi mo tatou.” E pela eiloa mo muna a te Evagelia tenei, ne tusi ko te mea ko tino faitau ke talitonu me i a Iesu ko te Fakaola ne faifeagaigagina, te Tama a te Atua, kae mai te olotou fakatuanaki ki a ia, ka maua ei ne latou a te ola. (20.31).
Mai tua o te fakatomuaga tela e fakaasi i ei a te Muna ola a te Atua mo Iesu, te vaega muamua o te Evagelia e fakamatala ei a vavega kesekese kola e fakaasi ei me i a Iesu ko te Fakaola se Feagaiga, te Tama a te Atua. Ka tafa mai, ko fakamatalaga toetoe kola e fakaasi mai i vavega. Te vaega o te tusi tenei, e tala mai ei me ne pefea, a naai tino o talitonu ki a Iesu, kae ne fai foki mo ana soko, kae ko nisi tino, ne se talia ne latou a ia, kae ne se talitonu foki. Te mataupu 13-17 e fakamau ei te leva o te mautakitaki, te mafutaga a Iesu mo ana soko i te po tela o tena pukega fakapagota, mo ana muna e fakatokatoka kae e fakamalosi ki ana soko i te afiafi mai mua o tena fakasatauloga. Te mataupu fakaoti, e fakamatala ei te pukega fakapagota a Iesu mo tena fakamasinoga, tena fakasatauloga, tena toetuga, mo ana fakaasiasiga ki ana soko mai tua o tena toetuga.
Te tala o te fafine tela ne maua atu me ne mulilua (8.1-11) e fakatu i loto i puipui aua me i te lasiga o tusitusiga mo lomiga e fakaseai ne latou, kae ko isi lomiga e faulu ne latou ki loto i nisi koga.
A Ioane e fakamatala ne ia te meaalofa ko te ola se gata mai e alatu i a Keliso, se meaalofa tela e kamata nei, kae ka oko atu ki a latou fua kola e talia ne latou Iesu pela me ko te auala, te munatonu, mo te ola. Te vaega fakaofoofogina i te tusi o Ioane ko te fakatusaga ne i a o mea masani o te olaga i aso takitasi ke taku pela me ne mea 'tonu fakateagaga, pela mo vai, falaoa, mainaga, te tausi mamoe mo ana mamoe, te vine mo ana fuataga.
Ko Fakasologa o Mataupu
Fakatomuaga (1.1-18)
Ioane te Papatiso mo soko muamua o Iesu (1.19-51)
Galuega talai a Iesu (2.1—12.50)
Aso fakaoti i loto mo tafatafa o Ielusalema (13.1—19.42)
Toetu mo fakaasiasiga o te Aliki (20.1-31)
Fakaotiga: Te sua fakasiga i Kalilaia (21.1-25)
Trenutno odabrano:
IOANE Fakatomuaga: Tusi Tapu
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Tuvalu Revised Bible © Bible Society in the South Pacific