Popularni biblijski stihovi od Vakatekivu 22

Podijeli

A sa vakatoka kina na yaca ni vanua ko ya ko Eparaama ko “Jiova-jaire”; me vaka sa kainaki ka yacova na siga oqo, “Mai na ulunivanua ena vakarautaka ko Jiova.”

A sa kaya ko koya, “Mo kauta mada na luvemu, na luvemu e dua bauga, ko Aisake ko sa lomana, ka lako ki na vanua mai Moraia, ka vakacabori koya kina mei soro kama e na dua na ulunivanua ka'u na vakatakila vei iko.”

Sa qai kaya ko koya, “Mo kakua ni dodoka na ligamu vua na gone, ia mo kakua ni kitaka vua e dua na ka; ni'u sa qai kila oqo ni ko sa rerevaka na Kalou, ni ko sa sega ni bureitaka vei au na luvemu, na luvemu e dua bauga.”

A sa kaya ko Eparaama, “Na luvequ, ena vakarautaka na Kalou na lami mei soro kama.” A rau sa qai lako ruarua vata yani.

au na vakalougatataki iko vakalevu, ka vakavuqataka vakalevu na nomu kawa me ra vaka na kalokalo ni lomalagi kei na nuku mai matasawa. Ia ena taukena na matamata-ni-koro ni nodra meca ko ira na nomu kawa, ena kalougata talega na veimatanitu kecega e vuravura mai vei ira na nomu kawa, ni ko a vakarorogo ki na domoqu.”

Sa oti na veika oqori, sa qai vakatovolei Eparaama na Kalou, a sa kaya vua, “I Eparaama!” A sa kaya ko koya, “Koi au saka oqo, noqu Turaga.”

Ia sa qai kacivi koya mai lomalagi ko koya na agilosi i Jiova, ka sa kaya, “I Eparaama, i Eparaama!” A sa kaya ko koya, “Koi au ga oqo.”

A sa kaci vakarua vei Eparaama mai lomalagi ko koya na agilosi i Jiova, ka kaya, “Sa vaka ko Jiova, Au sa bubului ki na yacaqu: Ni ko sa cakava na ka oqo, ka sa sega ni bureitaka na luvemu, na luvemu e dua bauga

Ia ni rau sa yaco ki na vanua ka vosa kina vua na Kalou, a sa tara e kea nai cabocabo-ni-soro ko Eparaama ka sa tuva na buka. A sa vesuki Aisake na luvena, ka vakotora ki nai cabocabo-ni-soro e na dela ni buka.