Popularni biblijski stihovi od Vakatekivu 21

Podijeli

A sa talevi Sera ko Jiova me vaka ka kaya eliu, a sa cakacaka vei Sera ko Jiova me vaka na nona vosa.

A sa rogoca na domo ni gone na Kalou; a sa kaci vei Eka na agilosi ni Kalou mai lomalagi, ka sa kaya vua, “A cava ko lomaleqa kina, Eka? Kakua ni rere; ni sa rogoca na Kalou na domo ni gone e na tikina sa koto kina. Mo tu cake, mo keveta cake na gone, ka taura e ligamu; ni'u na vakayacori koya me dua na matanitu levu.”

A sa kunekune ko Sera, ka vakasucuma vei Eparaama e dua na luvena tagane ni sa qase mai ko koya, e na gauna sa lokuci, ka sa vosa kina vua na Kalou.

A sa kaya ko Sera, “Sa vakadredrei au na Kalou; era na dredre vata kei au ko ira kecega era na rogoca.”

A sa kaya vei Eparaama na Kalou, “Me kakua ni ka ni rarawa vei iko e na vuku ni gone, kei na vuku talega ni nomu yalewa bobula. Na ka kecega sa kaya vei iko ko Sera, mo vakayacora, ni na vakatokai me nomu na kawa mai vei Aisake.

Ia ko koya na luvena na yalewa bobula, ka'u na vakatuburi koya talega me dua na matanitu, ni sa nomu kawa.”