Matai 5
5
Ubulumbilili bwa pakyamba
(Luk. 6,20-49)
1Umwene bo afibwene ifilundilo, alinkufyuka pakyamba; lelo bo atugesye pasi, abafundigwa bake balinkwisa kumya-
2ke. Popapo alinkwinula imilomo, alinkubamanyisya alinkuti:
3Basangalufu abalondo mumbepo iya nkati; buno bo ubutwa
4bwa kumwanya bwabo. Basangalufu aba bikusulumania;
5buno bo bisakusubisigwaga. Basangalufu abatengamoyo;
6buno bo bisakukingilangapo ikisu. Basangalufu aba bali ninjala nikyumilwa kya bugolofu; buno bo bisakwikutaga.
7Basangalufu abakibabilisi; buno bo bisakukyagaga ikiba-
8bilisi. Basangalufu abelu mundumbula; buno bo bisa-
9kunketaga Kyala. Basangalufu abapelalutengano; buno bo
10bisakubilikiligwaga ukuya bana ba Kyala. Basangalufu aba bikufwimigwa panongwa ya bugolofu; buno bo ubutwa bwa
11kumwanya bwabo. Muli basangalufu linga bikubatuka nukubafwima, nukubatungulupila imbibi syosa panongwa yangu.
12Amusekelege mululutilege, buno ifya kubahomba umwe fingi kumwanya; namanga mo mumo babafwimilaga abakunguluka, aba baliko bo mukali nanumwe.
Ulumanyisyo ulu lukufuma mmunyu na munyale
(Mar. 9,50; 4,21; Luk. 14,34-35; 8,16; 11,33)
13Umwe muli munyu gwa kisu; loli linga umunyu gusukile, fiyepo fiki ifya kugupelela ubukali? Bo gukaya nimbombo nayimo, loli kwene kukutagigwa panja ukuti gukanyigwege
14nabandu. Umwe muli lumuli lwa kisu. Akaya aka kali
15pamwanya pakyamba kakabagila ukwibilila; kangi nayumo atikukolesya inyale nukuyibika kusi kukitundu, loli pamwanya pakikolelanyale; lelo po yikubamulika bosa aba balimo
16nnyumba. Bo lwakege bunobuno ulumuli lwinu nkyeni mbandu, ukuti basibonege imbombo syinu inunu, po bende nukuntufya uGwisemwe uyu ali kumwanya.
Ululagilo ulukulu nululagilo lwa Yesu
17Munginogonaga ukuti nisile nkomola ululagila pamo abakunguluka; himma, ngisa nkomola, loli nisile nkumalisya.
18Naloli nikubabula une nikuti: Ukufika papo ikya kumwanya nikya pasi fikuyongaga, nakamo na ka-i, nakamo nakanyusuli katisakuyonga ndulagilo, ukufika papo syosa sikumalikilaga.
19Buno uyu linga ikukapela ka itolo kamo ntukomelesyo utunandi utu nukubamanyisya abandu, isakubilikiligwaga ukuya yo nnandi kuli bosa mbutwa bwa kumwanya. Loli uyu linga ikusibomba nukumanyisya, yo isakubilikiligwaga ukuya
20nkulumba mbutwa bwa kumwanya. Buno nikubabula nikuti: Linga ubugolofu bwinu butikubukinda ubwa bamanyakalata nubwa baFarisai, mutisakwingilamo siku mbutwa bwa kumwanya.
Ubukalale nubugogi
(Luk. 12,57-59)
21Mupilike ukuti, abambukulu babuligwe ukuti: Ungago-
22gaga; uyu linga ikugoga, yo gwa kulongigwa. Une loli nikubabula nikuti: Gwesa uyu linga ikunkalalila ugwamyabo, yo gwa kulongigwa; uyu linga ikunjoba ugwamyabo ikuti: Raka,#Raka, lyo ihelu ili likunjwelula umundu. yo gwa kulongigwa pabulongelo; uyu linga ikuntuka ugwamyabo ikuti: Gwe ikonyofu ugwe, yo gwa kusopigwa
23mu-Gehena ya moto. Bunobuno linga kutwala ifyabupe fyako pabwikemekesyo, lelo palapala gwage kukumbuka ukuti
24ugwamyinu ali nasyo simo isi akindene nanungwe, po ufilekege papo ifyabupe fyako nkyeni mbwikemekesyo, ubukege tasi kukusayana nugwamyinu, po lelo gwisege nukufitwala ifya-
25bupe fyako. Gwitikane mbibimbibi nugwa nongwa yako bo mukali muli mwesa munjila; ukuti ugwa nongwa yako angisakukubika kundongi, yope nundongi akubike kunsikali,
26po gwende nukutagigwa munyumba ya bannyololo. Naloli nikukubula une nikuti: Utisakusokamo siku mumo bo ukahomba akahela aka bumalikisyo.
Isya bulogwe
(Mat. 18,8-9; Mar. 9,43-48; Mat. 19,9; Mar. 10,11-12; Luk. 16,18)
27-28Mupilike ukuti, liyobigwe ilyakuti: Ungalogwaga. Une loli nikubabula nikuti: Gwesa uyu linga ikunketela unkikulu
29mbunyonywe, bo alogilwe nagwe mundumbula yake. Linga ikisige kyako ikya kukililo kikukusofya, fyula ukitage; namanga kununupo ukusitakuya nakambakasya kamo, ukukinda
30ukuti umbili gwako gosa gusopigwege mu-Gehena. Kangi linga ikiboko kyako ikililo kikukusofya, buta ukitage; namanga kununupo ukusitakuya nakambakasya kamo, ukukinda ukuti
31umbili gosa gusopigwege mu-Gehena. Kangi lyayobigwe ilya kuti: Gwesa uyu linga ikulekana nunkasi, fikuti ampege
32kalata gwa kulekana. Une loli nikubabula nikuti: Gwesa uyu linga ikulekana nunkasi, bo akatulamo inongwa ya buhahani, bo ampelile ukuya ndogwe. Kangi uyu linga ikumwega unkikulu uyu alekigwe, bo ikulogwa.
Isya kuyiganika
33Kangi mupilike ukuti abambukulu babuligwe ukuti: Ungayiganikaga ulwa butungulu, loli isi unjiganikile uNtwa syo
34usikongege. Une loli nikubabula ukuti, komma ukuyiganika siku, komma na kumwanya, buno kyo kikota kya butwa kya
35Kyala; komma na kukisu, papo ko kakota ka kubikapo amalundi gake; komma na ku-Yerusalemu, papo ko kaya ka
36Ntwa unkulumba; komma nukuyiganikila kuntu gwako, papo ukamanya ukulupela ulunywili lumo ukuya lwelu pamo
37lutitu. Loli ilisyu lyinu ilya “ena” ayege yo “ena”, ilya “mma” ayege yo “mma”; aga kongelapo pali aga gikufuma mumbibi.
Isya lubukisyo
(Luk. 6,29-30)
38Mupilike ukuti, liyobigwe ilya kuti: Ikisige pakisige, nilino
39palino. Une loli nikubabula ukuti, komma ukulwa numbibi; loli uyu linga ikukukoma palusaya ulwa kukililo, unsanuki-
40syege lope nulunine. Uyu linga ikulonda ukukutwala pabulongi ukuti ege unselekesye gwako, undekelege na ki kilundo.
41Uyu linga ikukufimbilisya ukwenda injila ya pamaili yimo,
42gwendege nagwe imaili ibili. Uyu linga ikukusuma, yo umpege; kangi uyu linga ikulonda ukukopa kumyako, yo ungansindaga inyuma.
Ulugano nakayilo aka bupelelesye
(Luk. 6,27-28; 6,32-36)
43Mupilike ukuti, liyobigwe ilya kuti: Unganege unnino,
44umbengege undugu gwako. Une loli nikubabula nikuti: Amubaganege abalugu binu, nukubiputila aba bikubafwima;
45ukuti muyege bana ba Gwisemwe uyu ali kumwanya, buno umwene ikubasokesya ilisuba lyake ababibi nabanunu, kangi
46ikubatimikisya ifula abagolofu nabasitabugolofu. Apene linga mubaganile aba babaganile umwe, bo mukabile fiki? Abene
47abasongesyasongo batikubomba bo bunobuno? Kangi linga mukubaponia ba bamyinu bene, bo mubombile kaliku aka-
48kinde? Abene abapanja batikubomba bo bunobuno? Popapo lelo amuyege bapelelesye itolo, bo apa uGwisemwe ugwa kumwanya mpelelesye.
Nyakyusa Ngonde New Testament (Ulwitikano Ulupya) © United Bible Societies, 1966.
