Matai 6
6
Ifyabupe ifya mbutitu
1Mwandege, mungabombaga ubugolofu bwinu nkyeni mbandu ukuti mwibonesye kumyabo; linga bo mukuya bunobuno, po mutikwambilila ifihombigwa kuGwisemwe
2ugwa kumwanya. Lelo linga kusosya ifyabususilwa, komma ukwikubila ingangabwite nkyeni mmyako, bo apa abasyobi bikubomba mmaSinagogi na mmipulo, ukuti batufigwege nabandu; naloli nikubabula une nikuti: Bambilile ifihombi-
3gwa fyabo. Loli ugwe linga kusosya ifyabususilwa, fikuti ikiboko kyako ikimama kingasimanyaga isi kikubomba ikiboko
4kyako ikililo, ukuti ifyabususilwa fyako fiyege fya kubutitu; po uGuso uyu ikuketa kubutitu isakukuhombaga.
Ulwiputo lwa mbutitu Kulwiputo lwa Ntwa
(Luk. 11,2-4)
5Kangi apa linga mukwiputa, mungayaga bo abasyobi; namanga abene biganile ukwima nukwiputa mmaSinagogi na munyagano sya misebo, ukuti abandu babaketege; naloli
6nikubabula une nikuti: Bambilile ifihombigwa fyabo. Loli ugwe linga kwiputa, gwingilege nnyumba yako kusofu, bo gwigeleko kukifigo kyako po gwiputege kuGuso uyu ali kubutitu, po uGuso uyu ikuketa kubutitu isakukuhombaga.
7Bo mukwiputa mungayobaga mwalo mwalo itolo bo abapanja, papo bikwinogona ukuti bisakupilikigwaga panongwa ya
8masyu gabo amingi. Komma lelo ukufwana nabo, buno uGwisemwe alimenye ifi mwagilwe bo mukali nukusuma.
(Luk. 11,1-4)
9Umwe lelo bo mukwiputa mutigi:
Tata gwitu gwa kumwanya;
Ingamu yako yikemesigwege;
10Ubutwa bwako bwisege;
Ubwigane bwako bubombigwege,
Pasi apa bo kumwanya.
11Ifya musyugu ifindu utupepo tufwane nafyo;
12Utuswege inongwa syitu,
Bo apa nanuswe tubaswile aba nongwa syitu;
13Ungatubikaga ndugelo,
Loli utupoke na kumbibi.
[Buno bwako ubutwa, namaka, nubukulumba, bwilabwila,
14Amen.] Namanga linga mukubaswa abandu ubusobi bwabo, po yope uGwisemwe uyu ali kumwanya isakubaswaga nanu-
15mwe; Loli linga mutikubaswa abandu, po yope uGwisemwe atisakubaswaga ubusobi bwinu.
Ukufipika ifindu
16Loli bo mukufipika ifindu, komma ukwiluka kumaso bo abasyobi buno bikufyandula ifyeni bfyabo, ukuti babonekege kubandu ukuti bali pakufipika ifindu; naloli nikubabula une
17nikuti: Bambilile ifihombigwa fyabo. Ugwe loli linga uli pakufipika ifindu, po ugupakege untu gwako nukusugusula
18kumaso, ko kuti ungabonekaga kubandu ukuti uli pakufipika ifindu, loli ku Guso uyu ali mbutitu; po uGuso uyu ikuketa kubutitu isakukuhombaga.
Ikyuma kya naloli
(Luk. 12,33-34)
19Mungilundikilaga ikyuma pakisu, apa imbumbuli ningami
20fikonanga, napa abahiyi bikupangula nukuhiya; loli mwilundikilege ikyuma kumwanya, kuno imbumbuli ningami fiti-
21konanga, na kuno abahiyi batikupangula nukuhiya, namanga kuno kiliko ikyuma kyako, ko kuno yisakuyako nindumbula yako.
Ulumuli ningisi
(Luk. 11,34-36)
22Inyale ya mbili kyo kisige. Lelo linga ikisige kyako kinunu itolo, umbili gwako gosa itolo gukuyaga lumuli;
23loli linga ikisige kyako kibibi, po umbili gwako gosa gukuyaga ngisi. Apene linga ulumuli ulu luli mmyako lwipelile ngisi, bo bukulumba buki ingisi!
Isya kwiyaya nisya kunsubila Kyala
(Luk. 16,13; 12,22-31)
24Nayumo uyu abagile ukubabombela abanyafyale babili; buno isakumbenga yumo nukungana uyungi, pamo isakumumililaga yumo nukunsyokela uyungi. Mukabagila ukumbombela Kyala pamopene nukukibombela ikyuma.
25Po apa nikubabula nikuti: Komma ukubwiyayila ubumi bwinu ukuti mukulyaga fiki nukuti mukunwaga fiki, pamo numbili gwinu ukuti mukufwalaga fiki. Ngimba ubumi bukafikinda ifindu, gope numbili gukafikinda ifya
26kufwala? Amuketege injuni sya kumwanya, sitikusopa nukutondola, kangi sitikubunganikisya mfituba, loli uGwisemwe gwa kumwanya ikusiswila; umwe lelo muka-
27sikinda isyene ubupala? Umwe muno muyilile nkwiyaya kwinu, ywani amenye ukwiyongelapo ubutali bwake ifuti
28yimo? Nigya kufwala mukwiyaya fiki? Amwegelege kubulenge bwa ndisu apa bukukula, butikwikatasya kangi butiku-
29luka; loli nikubabula umwe nikuti: Yope na yu Solomoni mbukulumba bwake bosa, akafwikigwemo bo bumo ubu.
30Linga Kyala ikulifwika bo bunobuno ilisu lya ndisu, ili likuyako umusyugu kilabo likusopigwa nkigemo kya moto, po atʼasitege ukukindilila ukubafwika umwe, mwe ba lwitiko
31ulupepe umwe? Komma lelo ukwiyaya ukuti: Tukulyaga fiki? Pamo: Tukunwaga fiki? Pamo: Tukufwalaga fiki?
32Buno fyosa fififi fyo ifi bikufilonda abapanja; buno uGwi-
33semwe ugwa kumwanya afimenye fyosa ifi mufumbilwe. Loli amubulondege tasi ubutwa bwake nubugolofu bwake, napo
34fyosa fififi mukongeligwangapo. Komma lelo ukusiyayila isya kilabo, buno ilya kilabo likwiyiyayila lyene.
Nyakyusa Ngonde New Testament (Ulwitikano Ulupya) © United Bible Societies, 1966.
