Matai 4
4
Ukugeligwa kwa Yesu ndungalangala
(Mar. 1,12-13; Luk. 4,1-13)
1Popapo Yesu alinkulongosigwa na Mbepo ukubuka ndu-
2ngalangala, ukuti ageligwege numohesi. Bo afipikile ifindu amasiku amalongo mana pamusi na pakilo, yilinkunduma
3injala. Popapo ungeli alinkwisa kumyake alinkuyoba nagwe alinkuti: Linga uli Mwana gwa Kyala, po ugabulege amabwe
4aga ukuti gipelege findu. Umwene alinkwamula alinkuti: Lisimbigwe ilya kuti: Umundu fitikumpa ubumi fi findu fyene, loli ilisyu lyosa ili likufuma nkanwa mwa Kyala.
5Popapo umohesi alinkumwega alinkubuka nagwe nkaya akikemo, alinkwakumbika pamwanya pakisonge#ikisonge: bamo bikuti ingasya. kya Tempeli,
6alinkumbula alinkuti: Linga uli Mwana gwa Kyala, gwitagege pasi; buno lisimbigwe ilya kuti: Isakukulagililaga abandumi bake, bo bisakukupimbaga mmaboko gabo, ukuti ungisakwi-
7koma ikilundi kyako pibwe. Umwene Yesu alinkuyoba nagwe alinkuti: Kangi lisimbigwe ilya kuti: Ungangelaga uNtwa
8Kyala gwako. Kangi umohesi alinkubuka nagwe pakyamba ikitali fiyo, alinkunnangisya ubutwa bosa bwa nkisu nubuku-
9lumba bwake; alinkumbula alinkuti: Fyosa fififi nikukupaga,
10linga kubunguluka kumyangu. Popapo Yesu alinkumbula alinkuti: Sokapo gwe Setano! Buno lisimbigwe ilya kuti: Umbungulukilege uNtwa Kyala gwako, yo umbombelege yuyo
11mwene. Popapo umohesi alinkundeka, abandumi balinkwisa, balinkumbombela.
Yesu ikwitugasya mu-Kapernaumu nkisu kya Galilai
12Lelo bo Yesu apilike ukuti Yohani akoligwe, popapo alinku-
13yongela mu-Galilai. Alinkusokamo mu-Nazareti, alinkubuka alinkwakwitugasya mu-Kapernaumu pambali panyanja, mmi-
14paka gya Zabuloni na Naftali; ukuti mo simalikilege sisyo syayobeligwe munkunguluka Yesaya, apa atigi:
15Ikisu kya Zabuloni nikisu kya Naftali,
Ifi fipalamene ninyanja, isilya fila lya Yordani, Galilai ugwa bapanja,
16Abandu aba batugesye mungisi balubwene ulumuli ulukulumba;
Na kuli aba batugele nkisu namunsyungulu gwa bufwe, ulumuli lubasokile.
(Mar. 1,14-15; Luk. 4,14-15)
17Ukufuma nkabalilo kalakala, Yesu alinkwanda ukulumbilila alinkuti: Amupindukege, buno ubutwa bwa kumwanya busegelile.
Yesu ikubabilikila abafundigwa bake abatasi
(Mar. 1,16-20; Luk. 5,1-11; Yoh. 1,35-42)
18Lelo bo ikwenda pambali panyanja ya Galihi, alinkubabona abanyamundu babili, Simoni uyu abilikiligwaga iya Peteri, na Andrea unnuguna, bikusopa ulwelo munyanja; namanga bali
19balobi. Alinkuyoba nabo alinkuti: Isaga mungongege, niku-
20bapelaga ukuya balobi ba bandu. Abene balinkusileka naka-
21linga inyelo syabo, balinkunkonga. Lelo bo akindilepo ukufuma pala, alinkubabona abanyamundu abangi babili, Yakobu unnya Zebedai na Yohani unnuguna bali mwiboti, pamopene na Zebedai ugwisabo, bo bikutendekesya inyelo
22syabo; alinkubabilikila. Popapo nakalinga balinkulileka iliboti nugwisabo, balinkunkonga.
Yesu ikwembela nukubomba mu-Galilai
(Luk. 6,17-19; Yoh. 1,43-51)
23Popapo alinkusyungutila mosa mu-Galilai, alinkumanyisya mmaSinagogi gabo, nukulumbilila inongwa inunu isya butwa; alinkubumbulusya imbungo syosa nubonywa bosa mbandu.
24Bunobuno ukufumuka kwake kulinkwakufika mosa mu-Siria; balinkuntwalila ababine bosa, aba bakoligwe nimbungo sya luko nuluko aba batamigwaga, naba mbepo inyali, naba
25inyiki, naba bukokonyale; alinkubabumbulusya. Ifilundilo fi fingi itolo filinkunkonga ukufuma mu-Galilai, na mu-Dekapoli, na mu-Yerusalemu, na mu-Yudai, na mwisilya lila lya Yordani.
Nyakyusa Ngonde New Testament (Ulwitikano Ulupya) © United Bible Societies, 1966.
