Kejadian 10
10
1Nuhdi deiamu nyapu, sun sida Sem cap, Ham cap, Yafet cap, ila mokon cepropupa, amenda taru sundi deiami nyapu cap, anengdi deiami nesala cap tep, aupu sekeipsene.
Yafetdi deiamu nesala upu
2Yafet erdi deiamu nyapu sida ake. Gomer cap, Magog cap, Madai cap, Yawan cap, Tubal cap, Mesek cap, Tiras cap kurami. 3Gomerdi deiamu nyapu sun sida ake. Askenas cap, Rifat cap, Togarma cap kurami. 4Yafet er mi Yawandi deiamu nyapuda, Elisa cap, Tarsis cap, Kitim cap, Dodanim cap deiamupa, anyapu yuma, sun pedi nyapu weik deriramidi, nesala weik kurami.
5Anesalada, sun ila laut mokon pirman kuramidi, ila gapung co dopra, mokon deiki embarami neng kurami. Ukuramidi, sun mutu yuk-yuk, sun yala yuk-yuk, sun upu yuk-yuk bokrapidi, yuk-yuk bena kurami.
Hamdi deiamu nesala tep pepu upu
6Nuh er mi Hamdi deiamu nyapu sida ake. Kus cap, Misraim, Put cap, Kanaan cap kurami. 7Ham er mi Kusdi deiamu nyapu sida ake. Seba cap, Hawila cap, Sabta cap, Raema cap, Sabteka cap kurami. Kus er mi Raemadi deiamu nyapu sun sida ake. Seba cap, Dedan cap kuramrei. 8Ham er mi Kusdi deipu mi Nimrod, nepbaramudi, ila puto nimi podana deiyo ngebo kuramu.
9Tonda, Allah er si Yahweh diramupa, bura tara ila gam kuramu keca yuma, bura kalengna ila kael ngebo kuramupa, ataru kurami nesala yumadi, Nimrod er kuramu keca tep gekerami. Atep ataru neitamai kurami nengdi, yuk neng ton Nimrod kuramutopu kurami pangeda, aneng tep uperami, “Allah diramupa, Nimrod ila puto cap, bura kalengna ila kael ngebo kuramutopu kurume,” perami.
10Nimrodda, ila puto ngebo kuramnga cadi, er taleamu mutu weik kwamu. Er taleamu mutu neitamai gonga kepra, menmena domu nimi ati arumda si ake. Babel mutu cap, Erek mutu cap, Akad mutu cap, Kalne mutu cap, ada Sinar tara neitamai cap domudi, taleamu. 11Sinar tara neitamai kuramngai di, yuk mutu Asyur tara neitamai beudi, yuk nimi ati arum ton doamu. Amutu sida, Niniwe mutu cap, Rehobot-Ir mutu cap, Cala mutu cap, Resen mutu cap doamu. 12Resen mutuda, ada Niniwe mutu dana tara, Cala mutu dana tara daneitamai dopu mutu, ila weik nimi ati arum dopudi, er sida Resen mutu pepu.
13-14Ham er mi Misraimdi deiamu nesala sun yala sida, Ludim cap, Anamim cap, Leabim cap, Naftuhim cap, Patrusim cap, Kasluhim cap, Kaftorim cap yala nesala deiamu. Anesala yuma, sun co puna ngeboda, Misraim kuramu. Kasluhim nesaladi bokra, Filistin yala nesala ton deiami. 15Ham er mi Kanaandi menmena deipu mi sida Sidon kuramu. Adinenda, yuk yala nesala ton deiamu ngeda, sun yala si yuma ake. Het cap, 16Yebus cap, Amori cap, Girgasi cap, 17Hewi cap, Arki cap, Sini cap kurami. 18Arwadi cap, Semari cap, Hamati cap, ayala nesala yuma ton deiamu.
19Amenda yuk taru neitamaida, Kanandi deiamu nesala yala-yala yumada, bokrapidi mutu dana-dana tara bena kuramidi, sun tarada Sidon mutu dinin, dukdongopra Gerar mutu, Gerar mutu dinin, Gasa mutu dukdongopra, adinenda Sodom mutu cap, Gomora mutu cap, Adma mutu cap, Seboim mutu cap dukdongopu dinin, sirikda Lasa mutu kwamu. Amutu-mutu neitamaida, sun Kanandi deiamu yala nesala bena kurami. 20Apepmasen nesala yumada, Hamdi deiamu nesala, sun mutu cap, sun yala cap, sun upu cap yuk-yuk kuramitopu konum pepne.
Nuh er mi Semdi deiamu nesala tep pepu upu
21Nuh er mi Sem ton nyapu weik deiamu. Sem er du bo sida, Yafet kuramu. Tonda, Semdi deipu mi, erdi deipu mi ton er sida Eber. Eberdi deiamu nesala yumada, sun co puna ngeboda, Sem kuramu. 22Semdi deiamu nyapu sun sida ake. Elam cap, Asyur cap, Arpakhsad cap, Lud cap, Aram cap kurami. 23Sem er mi Aramdi deiamu nyapu, sun sida ake. Us cap, Hul cap, Geter cap, Mas cap deiamu. 24Sun er mi Arpakhsad, erdi deiamu mi, er sida Sela. Seladi er mi Eber deipu.
25Eberdi nyapu butene deipu. Sun sida Peleg cap, Yoktan cap kuramrei. Peleg er si pepka deiyoda, nimi bongdina tep pepu. Ada, er deipmemeu tarada, Allahdi nimi tuai nesala yuma bokrapupa, yuk-yuk wilipra sun mutu yuk-yuk bena kurami taru tep, er sida Peleg pepu. 26Eber er mi Yoktandi nyapu pio weik deiamu. Sun sida ake. Almodad cap, Selep cap, Hasar-Mawet cap, Yera cap, 27Hadoram cap, Uzal cap Dikla cap, 28Obal cap, Abimael cap, Seba cap, 29Ofir cap, Hawila cap, Yobab cap kurami. Aneng yumada, sun nai bo sisa Yoktan kuramu.
30Eberdi deiamu nyapu, sun kurami mutuda, Mesya mutu dinin dukdongopra, Separ mutu ortara dinin daneitamai kurami. Ada keteng yakan tara dinin, mutu gun weik kwamu mutu neitamai kurami. 31Aneng si yuma pepmasenada, Semdi deiamu nesala, sun mutu cap, sun yala cap, sun upu cap, yuk-yuk kuramitopu konum pepmane. 32Aupu yuma pepmasenada, ila mokon konum cepropu pangeda, Nuhdi deiamupa, er nyapu ton sundi deiamipa, dadeipdanen barami nesaladi bokra, yala yuk-yuk wilipra deipbaramitopu pepmane. Anesala sun yala-yala di gonga keamipa, bokrapidi, tuai mutu ban-ban yuma bena kurami. Nimi tuai nesala yuma, sun apu yapuda, anesala pua.
હાલમાં પસંદ કરેલ:
Kejadian 10: KNTOT
Highlight
શેર કરો
નકલ કરો
Want to have your highlights saved across all your devices? Sign up or sign in
©2022 Wycliffe Bible Translators, Inc