OO MEYO ACHIMOOWIN ST JOHN 5
5
PISKE̔TUSSINA̔HIKUN V.
1Ākose ke̔ e̔tukwun Jewuk oo we̔ko̔toowinewaw; mena Jesus itoo̔tāo Jerusalemi̔k isse. 2Ākota Jerusalemi̔k ke̔ e̔tukwun wanepāyaw kissewak mayutchi̔kwuk oot iskwa̔tāmewa̔k, Hebrew keeswāwini̔k Bethesda ka isseni̔katāk, neänun piske̔twaskahikunisa itta ā e̔tukwu̔kee. 3Pee̔che ākota pimissinwuk me̔chat oota̔koosewuk, āka ā wapitchik, āka ā ne̔tao̔tātchik, ā nippoomukissitchik, ā pā̔tatchik nippe kitta wuskowe̔tawee̔t. 4Weya ke̔che utooskāyakun askow itoo̔tāo wanepāya̔k, mena wuskowe̔taw nippe: oweyuk maka ispe nippe ka̔ wuskowe̔tawee̔tche nistum ā pu̔koopāt ke̔ pimachehaw piko toowe a̔koosewin ka ke̔ ayat. 5Mena pāuk napāo ākota oot aya̔ty, ā ke̔ a̔koosit nistometunow mena ayānanāosap pipoonwa. 6Ispe Jesus weäpumat ā pimissineyit, mena kāskāye̔tu̔k ākwa kinwās ā a̔kooseyit, ke̔ itāo, Ke we̔ pimachehikoosin na? 7Oota̔koosewa omisse itik, Ookemaw, Numoweya net ayawaw napāo, ispe nippe wāskowinikatāke, kitta pukitinit wanepāya̔k: maka āspee̔che itoo̔tāyan, kotuk ne nekanoo̔tak ā pu̔koopāt. 8Jesus ke̔ itāo, Wuniska, otina ke nipāwin, mena pimoo̔tā. 9Ākose sāmak owa napāo ke̔ pimachehaw, mena otinum oo nipāwin, mena ke̔ pimoo̔tāo: mena āwuko kesikaw ke̔ ayumehākesikaw.
10Maka Jewuk omisse itāwuk unehee ka ke̔ pimachehimee̔t, Unoo̔ch ayumehākesikaw: numoweya ke tipetotān ooyussoowāwina ka nuyu̔tumun ke nipāwin. 11Omisse itāo, Una ka ke̔ pimachehit, āwuko ka ke̔ issit, Otina ke nipāwin, mena pimoo̔tā. 12Ākose kukwāchimāwuk, Owāna una napāo ka ke̔ itisk, Otina ke nipāwin, mena pimoo̔tā? 13Ākose una ka ke̔ pima̔chehee̔t numoweya kiskāye̔tum owāyewa unehee ka ke̔ pimachehikoot: weya Jesus ā ke̔ sipwā̔tahissoot, ookistukāwe ayiseyinewuk itta ā ke̔ ayayit. 14Patima Jesusa miskak ayumehāwekumikoo̔k, mena omisse itik, Matika, ke pimachehikowin: ākaweya mena muche̔te, āka owusimā muche kākwi kitta otee̔tikooyun. 15Una napāo sipwā̔tāo, mena we̔tumowāo Jewa Jesusa unehee, ka ke̔ pimachehikoot. 16Āwuko o̔che Jewuk ke̔ pukwatāwuk Jesusa, mena nutoonumwuk kitta nippa̔hatchik, chikāma ā ke̔ totu̔k ohoo kākwia ā ayumehākesikayik.
17Maka Jesus omisse itāo, N’o̔tawe ke̔ pā utooskāo unoo̔ch isko, mena neya net utooskan. 18Owusimā ākwa Jewuk nutoonumwuk kitta nippa̔hatchik, numoweya piko ā ke̔ peekoonu̔k ayumehākesikaw, maka ussitche ā ke̔ itwāt Muneto N’o̔tawe, ā Muneto̔kasooyit.
19Ākose Jesus peekiskwāo mena omisse itāo, Tapwā, tapwā, k’ ititinawaw, Wākoosisee̔k numoweya kākwi kitta ke̔ pāuko kuske̔taw, maka kākwia ā wapumat O̔tawemawa ā totumeyit: weya piko kākwia ā totumeyit, ohoo kākwia neesta totum Wākoosisee̔k. 20Weya O̔tawemaw ā sakehat Wākoosiseyit, mena wapu̔teyāo ka̔keyow kākwia weya kā̔chewak ka ke̔ totu̔k: mena kitta wapu̔teyāo owusimā ke̔che isse̔chekuna ispee̔ch ohoo, kitta ke̔ mamuskatumāk. 21Weya O̔tawemaw ka isse wuniskanat oonippewa, mena ka isse pimatisseskowat: ākose neesta Wākoosisee̔k ā isse pimatisseskowat unehee ka itāyimat. 22Weya O̔tawemaw numoweya ooyussoowatao oweya, maka ke̔ meeyāo ka̔keyow ooyussoowāwin Wākoosisewee̔t: 23Ka̔keyow ayiseyinewuk oo ga kistāyima̔tawaw Wākoosisewee̔t, moyam ka isse kistāyimatchik O̔tawemawa. Una āka ka kistāyimat Wākoosisewee̔t numoweya kistāyimāo Wāo̔tawewee̔t ka ke̔ pā isitissa̔hookoot. 24Tapwā, tapwā, K’ ititinawaw, Una ka pā̔tu̔k net ayumewin, mena tapwā̔towatche unehee ka ke̔ pā isitissa̔hooyit, ayaw kakekā pimatissewin, mena numoweya kitta otee̔tum nissewunachehoowin; maka kupiskum nippoowin pimatissewini̔k isse. 25Tapwā, tapwā, K’ititinawaw, Tipa̔hikun kitta ooche̔chepuyew, mena unoo̔ch ayaw, ispe oonippewuk kā pā̔towatchik Munetoowe‐Koosisana: mena unekee kā pā̔tu̔kik kitta pimatissewuk. 26Chikāma tapiskooch O̔tawemaw ka isse kekesku̔k pimatissewin; ākose ka̔ isse meeyat Wākoosisewee̔t neesta kitta kekeskumeyit pimatissewin; 27Mena ā ke̔ meeyat tipāye̔chekāwin kitta ooyussoowāyit, chikāma weya ā napāo Koosisanewit. 28Ākaweya mamuskatumook oma: weya tipa̔hikun kitta ooche̔chepuyew, itta ka̔keyow unekee nikwa̔uskani̔k ka ayatchik kitta pā̔towatchik, 29Mena kitta pā wuyoweewuk; unekee ka ke̔ totu̔kik meyo kākwi, wuniskawini̔k pimatissewini̔k isse; mena unekee ka ke̔ totu̔kik muche kākwi, wuniskawini̔k nissewunachehoowini̔k isse. 30Numoweya ne kuske̔tan neya kā̔chewak kākwi kitta totuman: ā isse pā̔tumak net isse ooyussoowan: mena n’ooyussoowāywin kwiuskwun; chikāma numoweya neya kā̔chewak net itāye̔tumoowin ne nutoonān, maka oot itāye̔tumoowin O̔tawemaw ka ke̔ pā isitissa̔hoot.
31Keespin neya ka̔chewak net achimissoon, net achimoowin numoweya tapwāmukun. 32E̔taw kotuk ā achimit; mena ne kiskāye̔tān unima achimoowin ka achimit neya tapwāmukuneyew. 33Ke ke̔ kukwāchimawaw John, ākose ke̔ achimoo tapwāwini̔k isse. 34Maka numoweya ayiseyinee̔k n’o̔che o̔tinān we̔tumakāwin: maka ohoo kākwia net itwan, kitta ke̔ pimachehikoweyāk. 35Ke̔ suskisoowe mena wasetāwe wastāwew: mena ke ke̔ itāye̔tānawaw utcheyow kitta muma̔takooseyāk oo wastāwini̔k.
36Maka net ayawaw owusima ā itāye̔takoosit oowe̔tumakāo ispee̔ch John: weya unehee utooskāwina O̔tawemaw ka ke̔ meeyit kitta keese̔tawuk, āwukwunee utooskāwina ka totuman, we̔tumomukunwa, O̔tawemaw ā ke̔ pā isitissa̔hoot. 37Mena O̔tawemaw weya kā̔chewak, ka ke̔ pā isitissa̔hoot, ne ke̔ achimik neya, Numma wawach we̔kach ke ke̔ pā̔towawaw, a̔po wapu̔tumwanawaw oot issenakoosewin. 38Mena numoweya ket ayawanawaw oot ayumewin kitta kekeskumāk: weya unehee ka ke̔ pā isitissa̔wat, āwuko numoweya ke tapwā̔towawaw.
39Nutoonumook ke̔che mussina̔hikāwina; weya ākota ātāye̔tumāk ket ayanawaw kakekā pimatissewin: mena āwukwunee ka achimikooyan neya. 40Mena numoweya ke we̔ pā nasinawaw, kitta ke̔ ayayāk pimatissewin.
41Numoweya kistāye̔takoosewin ayiseyinee̔k n’o̔che o̔tinān. 42Maka ke kiskāyimitinawaw, āka oo sakehewāwin Muneto ā kunooskakoowāk. 43Ne pā itoo̔tan n’O̔tawe oo we̔yoowini̔k isse, ākose numoweya ket otininawaw keyawaw: keespin kotuk kā tukoosinookwā weya kā̔chewak oo we̔yoowini̔k isse, āwuko kā otināk. 44Tanse kā ke̔ isse tapwā̔tumāk, ka o̔tinumatooyāk kistāye̔takoosewin, mena āka ka nutoonumāk unima kistāye̔takoosewin Munetoo̔k piko ka o̔che o̔cheek?
45Ākaweya itāye̔tumook neya kitta achimoostowuk O̔tawemaw keyawaw kitta misimitukook: e̔taw ketuk kā misimikooyāk, Moses ote, ka mumisseetotowāk. 46Weya keespin ke̔t anwā̔towāk Moses, ke ga ke̔ tapwā̔towe̔tawaw: weya ā ke̔ achimit oo mussina̔hikāwini̔k. 47Maka keespin āka tapwā̔tumwāko oo mussina̔hikāwina, tanse kā ke̔ isse tapwā̔tumāk net ayumewina?
હાલમાં પસંદ કરેલ:
OO MEYO ACHIMOOWIN ST JOHN 5: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
