OO MEYO ACHIMOOWIN ST JOHN 2
2
PISKE̔TUSSINA̔HIKUN II.
1Ākose nāstoo kesikak wekee̔toonanewun Cana Galileei̔k; mena Jesus oo’ kaweya ākota ke̔ ayayewa: 2Mena Jesus ke̔ nutoomaw, ussitche oo kiskino̔humowakuna, wekee̔toowini̔k. 3Ākose ispe nātowāye̔tu̔kik soominapoë, oo’ kaweya Jesus omisse itik, Nummawawach ayawuk soominapoë. 4Jesus omisse itāo, skwāo, tanse weya keya wa̔ itaputchcheyun? ne tipa̔hikun numma āskwa ooche̔chepuyew. 5Oo’ kaweya utooskāyakuna omisse itāyewa, Piko kākwi ā itikooyāk, i̔totumook. 6Ākose ākota ustanewunwa nikootwasik ussineewe nippe ussewutchekuna, ka ke̔ isse totu̔kik Jewuk ā pā̔kehitissootchik, nantow nesoo a̔po nistoo firkina pāuk ā tāpuskināk. 7Jesus omisse itāo, Mooskina̔tak nippe ussewutchekuna nippe o̔che. Ākose metoone mooskina̔tawuk. 8Ākose omisse itāo, Otinumook ākwa, mena itoo̔tutowee̔k ka tipāye̔tu̔k we̔ko̔toowin. Ākose itoo̔tutowāwuk. 9Ispe ka tipāye̔tu̔k we̔ko̔toowin ka̔ kochistu̔k nippe soominapook ā ke̔ isse̔tawee̔t, mena āka ā kiskāye̔tu̔k tantā wā̔chemukuneyik: (maka utooskāyakunuk ka ke̔ otinu̔kik nippe kiskāye̔tumwuk); ka tipāye̔tu̔k we̔ko̔toowin nutoomāo napāwa ka wekee̔tooyit, 10Mena omisse itāo, Ka̔keyow oweyuk mitchimach ustaw ā meywasineyik soominapoë; ākose ispe eyinewa metoone ka̔ minikwāyitche, ākose unima āka ka meywasik: maka keya ke ke̔ kunowāye̔tān ā meywasik soominapoë unoo̔ch isko. 11Oma mawutche nistum ā mamuskache isse̔chekāt Jesus Cana Galileei̔k, mena ā wapu̔teyewāt oo kistāye̔takoosewin; ākose oo kiskino̔humowakuna tapwā̔tak.
12Ka̔ muyawepuyik oma itoo̔tāo Capernaumi̔k, weya, mena oo’ kaweya, mena oo’ chewama, ussitche oo kiskino̔humowakuna: ākose numoweya me̔chāto kesikawa ākota ayawuk.
13Ākose Jewuk oo we̔ko̔kāwinewaw passover kissewak e̔tukwun, mena Jesus Jerusalemi̔k itoo̔tāo, 14Mena miskowāo ayumchāwekumikoo̔k unehee ka utawakāyit ayapāwa mena mayutchi̔kwa mena oome̔mewa, mena ka māskootoonayit sooneyawa ā uppeyit: 15Ākose ka̔ ose̔tat pusustā̔hikun peemenu̔kwanisa o̔che wuyoweetissa̔wāo ka̔keyow ayumehāwekumikoo̔k o̔che, ussitche mayutchi̔kwa, mena ayapāwa; mena seekissimāo oo sooneyameyewa ka māskootoonayit sooneyawa, mena kowewāpinum meechesoowina̔tikwa; 16Ākose omisse itāo unehee ka utawakāyit oome̔mewa, Otinee̔kook okee ota o̔che; ākaweya utawāwekumik isse̔tak n’ O̔tawe oo waskahikun. 17Ākose oo kiskino̔humowakuna kunookiskisseyewa unima ka itussina̔hikatāyik, Ā ispee̔tāye̔tuman k’ekee ne kitumookoon.
18Ākose Jewuk peekiskwāwuk mena itāwuk, Kāko kiskahikun weäpu̔teyeya̔k, kisaspinā teyotumun ohoo kākwia? 19Jesus peekiskwāo mena itāo, Nissewunache̔tak oma ayumehāwekumik, ākose ke̔ nistoo kesikakee ne ga wuniskanān. 20Ākose Jewuk itwāwuk, Nāometunow mena nikootwasik pipoonwa ke̔ muyawepuyewa ā moyā kese̔chekatāk oma ayumehāwekumik, ākose na maka keya ke̔ nistoo kesikakee ke ga ke̔ chimutan? 21Maka oot ayumehāwekumikoowe w’eyow ka ayimootu̔k. 22Ispe maka wāniskat nippoowini̔k o̔che, oo kiskino̔humowakuna kunookiskisseyewa oma ā ke̔ itikootchik; ākose tapwā̔tumwuk mussina̔hikāwina, mena Jesus oot ayumewin ka ke̔ itwāt.
23Ākwa ispe Jerusalemi̔k ā ayat passover, we̔ko̔toowe kesikaw, me̔chāt tapwā̔tumwāwuk oo we̔yoowineyew, ispe weäpu̔tumwatchik mamuskache isse̔chekāwina ka ke̔ totu̔k. 24Maka Jesus numoweya ke̔ tapwāwukāyimāo, weyaākiskāyimat ka̔keyow ayiseyinewa, 25Mena numoweya ke̔ nutowāye̔tum oweya kitta we̔tumakoot ā isse ayayit eyinewa: weya ā kiskāye̔tu̔k kākwan ā kekeskakooyit eyinewa.
હાલમાં પસંદ કરેલ:
OO MEYO ACHIMOOWIN ST JOHN 2: CSW
Highlight
શેર કરો
નકલ કરો
Want to have your highlights saved across all your devices? Sign up or sign in
First published by the British and Foreign Bible Society 1876-1877.
