Luka 19
19
Imeezo ea Zakayo
1Yesu aolotswa nda Yeliko, ko aotuwana bonanga. 2Ko bala bonto otangema Zakayo; ende aki bokonji owa batakanyi ba mpuci, ko aki bontʼowʼoaci. 3Aolasa jena Yesu wae ea elenge ekae, ko ntakuseya jena la ncina ea linyenga jʼanto, ekiʼnde yuwe mongo. 4Ko aolikumwa nda joso, ko aounda ndʼotamba wʼonkena, wae oenʼende, ekiʼndʼocwʼolekʼeko. 5Akiʼndʼokitaka ndʼitenelʼiko, Yesu aosangyʼaiso, ko aolokela, Zakayo, kitela nkaola, elʼemi njifomesa ndʼilombʼike mbilʼene. 6Ko aokitela nkaola, ko aoloamba lʼosalangano. 7Akiʼyʼenaka ngoko, bantʼauma baomemesana, baokela. Aolotswʼele bontʼowʼobe wae ayalʼofaya okande. 8Lolo Zakayo aolemala ko aosangela Nkolo, Bala, Nkolo, njokaya beola etei ea bitei bife fio ea toma tokami; ko ayaka njokola yomba yʼonto lʼokakatano, njifouteya toma tonei tonei. 9Ko Yesu aolokela, Mbilʼene loiko lokita ndʼilombʼine, elʼende mongo ale bonʼowa Abalayama. 10La ncina wae Bonʼowʼonto ayaki jasa ko ayaki oikya banto bandunga.
Esonganya ea minas icikamaki ele basali
(Mt 25.14-30)
11Andokozʼiyo baoyiʼane, aotefela lʼiyo lʼesonganya, ndʼewela wae aotutama la Yelusalema, ko iyo bakanelaki wete likulaka ja Nzakomba licwʼenya nkakoyoko. 12Ko aokela, Bontʼomo owa mpifo aocwa ndʼese eʼesi wae ambele ende mongo likulaka, mpangʼute. 13Ko aoleta bakwala bakae jom, ko aolakaya minas jom, aolakela, Losalaka lʼosolo bone elaka nkʼaʼemʼoya. 14Lolo banto bʼese ekae baoloina, ko baoloto-mela bikima, baokela, Tofolange wae bontʼone ayale roi ekiso. 15Akiʼndʼutaka limʼekiʼndʼambaka likulaka, aotoma wae bete elʼende bakwala bakiʼndʼokaaka bosolo, kela ea nkito eki wengiʼonto okitolaka. 16Ko owa joso aoyʼelʼende, aolokela, Nkolo, mina eke eokitola minas imo jom. 17Ko aolokela, Bolotsi mongo! we bokwala owʼolotsi; eki we osalaka la ci nda joi jʼisisi, wifoata mpifo ea benanga jom. 18Ko owʼafe aoya, aokela, Nkolo mina eke eokitola minas imo itano. 19Ko aolokelʼende, We ngoko wifoyala bokonji owʼenanga betano. 20Nkako omo aoya, aokela, Nkolo, mina eke ekʼene, ekiʼmʼofongaka ndʼitambala. 21Elʼemi nkoangaki boangi, ele we bontʼowa boonzwa; wambola eki we ntawambya, ko omuka eki we ntosanzela. 22Aolokelʼende, Njifokumba likambo limʼomwa boke mongo, we bokwalʼowʼobe. Weaki wete emi nde bontʼowa boonzwa, ndambola ekiʼmi ncambya, ko mmuka ekiʼmi ncisanzela. 23Na ntompongela bosolo bokami nda banque lae? Ngoko ndʼeyelo ekami siki njolambʼoko la nkito? 24Nkako aosangelʼiyʼakemi eko, Lofonolʼende mina eko, ko lokaya bontʼole la minas jom. 25Ko iyo baolokela, Nkolo, ende aosilʼoata minas jom. 26Nsangelʼinyo, toma tomo tifokaema ele wengiʼonto oata, lolo bifofonolʼende ofoate, nko toko toatʼende. 27Lolonde baini bane bakami, iyʼafolange wae njaleme roi ekiyo, layelʼiyʼane, ko laome ci nkʼae nda joso likami.
28Akiʼndʼotefelaka baoyiʼane, aoleka nda joso, aunda nda Yelusalema.
Otswelo ea Yesu nda Yelusalema
(Mt 21.1-11; Mk 11.1-11; Yoa 12.12-19)
29Ko akiʼndʼotutame la Betefange la Betania nda ngongo etangema Bilaya, aotoma bakimi bafe, aokela, 30Lokenda ndʼonanga bolongi ane, ko akitʼinyo eko lifotana bonʼowa mpunda otungi, otafʼonto afema nye; lotungole, ko loyelʼane. 31Ayaka bontʼomo uolʼinyo, Lotungola lae? lifamba ngone, Nkolo ela wela wʼoko. 32Batomami baokenda, ko baotana joi o ngokiʼndʼasangelaka. 33Lolo atungolʼiyo bonʼowa mpunda, bankolo bʼoko baolakela, Lotungola bonʼowa mpunda lae? 34Ko iyo baolamba, Nkolo ela wela wʼoko. 35Ko baoyelʼoko ele Yesu. Ko baolila benkoto bekiyo nda bonʼowa mpunda, nkako baokondeza Yesu nkʼeko. 36Ko akendʼende, baotanda benkoto bekiyo nda mboka. 37Ko atutamʼiyo lʼekiteelo ea ngongo ea Bilaya, linyenga liuma jʼakimi baangaki losalangana ko lomemya Nzakomba la lofoso jʼonene ndʼewelʼea belemo beuma bia mpamba bekiʼyʼenaka, 38baokela, Roi oyei nda lina ja Nkolo aosakema lʼokako wa swa! Kuci ndaloola ko imemya ndʼaliko ka! 39Ko Bafalusi bamo lima etukuluku baolokela, Bolaki, sasa bakimiʼake. 40Ko aolaamba, Nsangelʼinyo, bane banyangʼoyala wai, bikenje mongo bifobeleza.
Lilelo ja Yesu ndʼeloko ea Yelusalema
41Ko akiʼndʼotutame ko enakʼonanga, aolela ndʼeloko ea boko. 42Aokela, Nga weaki, o nda mbilʼene, baoyi bandieza kuci eke oyei! Lolo aeyoko baolisama limʼele baisoʼake. 43Ele bembile bifokiela bee baini bake okolingola la liombo ja lisange nga lopango, ko bifokokomba ndʼetei ea liko wiji la wiji, 44ko bifokunza we ndʼamoci, we lʼanʼake bale ndʼetei eke, ko bafaocika ekenje endafi ndʼekenje ndʼetei eke, eki we ntosisimya ekeke eʼeyelo ea Nzakomba eke.
Yesu afetola Tempelo
(Mt 21.12-17; Mk 11.15-19; Yoa 2.13-22)
45Ko aolotswa nda Tempelo. Ko aanga jozʼiyʼatekyaki baoka, 46aolakela, Joi jokotama wae, Ilombe ikami ifoyala ilombe ya boondo, lolo inyo lofaningolʼiko isamelo ea baiyi.
47Ko ayolake wengi mbile nda Tempelo. Lolonde nkanga ya joso la bakoci bʼenkanda, lʼanto ba joso limʼelʼanto, baolasa wae boome, 48lolo ntabatana joi liʼiyʼokela, ele bantʼauma baolokoza baoyiʼakande la losimo mongo.
હાલમાં પસંદ કરેલ:
Luka 19: LOL87
Highlight
શેર કરો
નકલ કરો
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
