Yoane 2
2
Yesu ndʼelambo ea bolongai nda Kana
1Nda mbile eʼisato, baolamba elambo ea liala nda Kana ea Ngalilaya; ko nyango ea Yesu aki eko: 2ko baoleta Yesu lʼakimiʼakande ndʼelambo eko. 3Ko aki vina okutswa, nyango ea Yesu aolokela, Bafa la vina mo! 4Ko Yesu aolokela, Bomoto, joi liko litutsi lʼiso nko? Ekeke ekami etafokita. 5Nyango ekae aokela bakambyi, Joi nko loswele li endʼosangelʼinyo, lokela ngoko. 6Koko bijwa biʼonene bia bikenje botoa bikemi eko, ncina ea elenge ea Ba-Yuda ea mpetola, wengi ijwa yokoka la baeza bafe nkina basato. 7Yesu aolakela, Loyoza mpoke lʼasi to. Ko baoyozʼiko to. 8Nkako aolakela, Lotokolʼaeyoko, ko lotombele wesanyi owa elambo. 9Ko baotomba. Ko aki wesanyi owʼelambo omekaka basi bafaningwaki vina, ko ntea limʼeki vina oyaka, lolo bakambyi batokolakʼasi baolea, wesanyi owʼelambo aoleta wengi owa waji, 10ko aolokela, Wengiʼonto alekezakʼanto nda joso vina eʼolotsi, ko ae banto omelʼouke, mpanga alekezʼiyo eko ekutswa ngenge: lolo we ofonga vina eʼolotsi elaka nkʼaeyoko. 11Yesu aokela lotaza lone lokae ja joso nda Kana ea Ngalilaya, ko aoleneya jilangi likae, ko bakimiʼakande baoloimeza.
12Ndʼafeka aokitela nda Kapalanauma, ende la nyango ekae, lʼakune ko lʼakimiʼakae. Ko baoyalʼeko betso nkʼeuke.
Yesu nda Tempelo (efetswelo)
(Mt 21.12-13; Mk 11.15-17; Lk 19.45-46)
13Ko elambo ea Efendelo ea Ba-Yuda eotutama, ko Yesu aocwa nda Yelusalema. 14Koko aotana nda Tempelo iyʼatekyaki ngombo, la mpate la bimbenga, lʼiyʼaenzaki bosolo bakitase nkʼeko. 15Ko aokela boambo wʼekulu, aoloza lima Tempelo mpate la ngombo iuma, ko aofanzola bosolo wʼanto bae-nzanyaki boko, ko aokalimola mesa ikiyo. 16Ko aokela iyʼatekyaki bimbenga, Limola bine limʼane; talokelake ilombe ya Fafa ekami esombelo eʼaoka. 17Bakimi bakae baolofwa wete joi jokotama, Mposa ea mpia eʼilombe ikawe eonsiza. 18Ba-Yuda baolamba, baolokela, Lotaza loe wʼoteneya na ekela we baoyiʼane? 19Yesu aolamba, aolakela, Lofita ilombʼine, ko mpanga njemyʼiko nda bembile besato. 20Ko Ba-Yuda baokela, Etongelo eʼilombʼine emongaki mbula ntukʼinei lʼotoa, ko we wutʼemyʼiko ndʼembile besato nde? 21Lolo aotefela la ncina ea ilombe ikae yʼoeko wae jonge likae mongo. 22Koko aki ndʼokunjwaka limeʼele bawei bakimiʼakae baolofwa wete atefelaki joi line, ko baolimeza ekotelo ea Nzakomba, ko la joi liki Yesu otefelaka.
23Ko akiʼnde nda Yelusalema ndʼelambo ea Efendelo, bouke wʼanto baolimeza nda lina likae, ekiʼyʼenaka ntaza ikiʼndʼokelaka. 24Lolo Yesu ntilʼotema elʼiyo; ekiʼndʼeaka bantʼauma 25ko ntela wela wa bosangi wae osangelʼende elenge eʼonto, ekiʼnde mongo eaka betema biʼanto fole.
હાલમાં પસંદ કરેલ:
Yoane 2: LOL87
Highlight
શેર કરો
નકલ કરો
Want to have your highlights saved across all your devices? Sign up or sign in
La Bible en Lomongo © Societe Biblique de la R.D. Congo 1987
