Jon 2
2
Na Varao me Jutia, Kalili me Sameria,
SOPENA 2.
1Na rani morua me na tahuna sanu naa, na talahia motea me Kena hi Kalili; na tinai Iesu motohoae.
2Teusi Iesu monumai mono, me ra Varisula hina.
3Na uain moliliu, suria na tinai Iesu moaso mea, Na uain morea vunuvunu.
4Iesu moaso mea, Oimeje na sava meau? na rani hiu mosamalua reji.
5Na tinana moaso me ra tahavarao, Ra sanu vunuvunu movarai amiu, otovera.
6Na huro tahajia molimarave tetohoae suria na vuera Ju suri na loloso. Hire vunuvunu tetihitoho ra kallon havularua e havulatolu.
7Tohi tavere ra huro hina pei, Iesu moaso me ra tahavarao. Ihisa tetohi tavere hira,
8Moaso mera, Tamalituhe, palae me na varese hina hanihani. Tepalae.
9Ihisa na varese hina hanihani momeme na pei, mopoporia mo-uain, mosapinisi momalua veae, maa ra tahavarao isei tetamalituhea tepinisi, moore na tajua tahatalahia,
10Moaso mea, Ra tajua vunuvunu me na majiha teterahi na uain tahonai, tau ra tajua teoo tahajia na uain mosatahonai pala na majihana: maa oivei na uain tahonai toitoho me na tahu.
11Na matamata naa hina pilana varao Iesu movea me Kena hi Kalili, naano na majihana matamata. Paleeno mopise na stena hauhaua; ra varisula hina terohoroho mea.
12Tau na sanu naa mosivo me Kaperneum, inie, na tinana, ra tuahana, ra uluo hina, tetohoae ra rani satavere.
13Na Hanihani Tahajia hi ra Ju motaroroi; Iesu mosahe me Jerusalem.
14Me na pea hina lotu hira Ju mopasu ra tajua tahavolivoli ra pullok, ra sip, ra manu; ra tajua taha-aliali-sule tetesiheae.
15Ihisa movei na marasi hi ra asi taiti mohorora vunuvunu ture na pea hina lotu, ra sip me ra pullok mono; molihere na sule hira tajua taha-aliali-sule, mopovi ra pilipili;
16Moaso me ra tajua tevolivoli ra manu, Otolavituhe ra sanu naa; ototena vei na peai Tamau na pea hina volivoli.
17Ra uluo hina teninima motea mouli mine, Na pilau meje suri na Peam, mopala hapu me na lolou.
18Natuha ra Ju teaso liliu, teaso mea, Na matamata na sava oipiseja suria oivei na sanu naa?
19Iesu moaso liliu, moaso mera, Tueve na pea hina lotu naa, me na pohi tolu atasaria.
20Natuha ra Ju teaso, Tevarao sura sari na pea hina lotu naa ra tauni havulavate na vana molimarave, oisaria pa me na pohi tolu?
21Maa moaso suri na pea hina lotu na epena.
22Suria me na rani motamaraha hina mate ra uluo hina teninima moaso na leo naa: terohoroho me na pepe tapu me ra leo hi Iesu mono.
23Ihisa monie me Jerusalem me na Hanihani Tahajia, ra tajua ra tari terohoroho me na hisena ihisa terenia movarao ra sanu uloulo.
24Maa lesu mosatapuna rahu nie ta mera suria mopinisi na evi ra lolomamu.
25Mosameje ra valura tajua tevaraia suri te tajua; suria inie moevi ra sanu me na lolona tajua.
હાલમાં પસંદ કરેલ:
Jon 2: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
