Ra Vei Hira Yarisula 3
3
NA SOPENA 3.
1Me na rani motea Piter me Jon terasahe me na pea hina lotu, me na rani hina Matapisi, na klok motolu,
2Tepalae molaho tusi na tahahovi, me na rani na tinana movatarae, mohovi. Tetilavia tasivo tuitui me na riohouli hina pea hina lotu, na hisena, Na Riohouli Tahonai, sura tuhatuha sanu me ra tajua teruhusaheae.
3Moreni Piter me Jon taroroi teruhusahe, motuhatuha sanu,
4Piter moriopeturi mea, Jon palahi, moaso “Oireni amamurua.”
5Morohoe suria moninima terarahu na sariu ta mea.
6Natuha Piter moaso: “Saite sule hahara e sule voe meau, maa airahu ta meho na pilau sanu. Me na hisei Iesu Kristo hi Nasaret aivaraiho oilaho.”
7Moau na matuana Kavena tahahovi, moaurahai.
8Vilehei na erarua me vuhura erarua terahauhaua, molijeraha, movaere laho natuha moruhusahe valuira me na Pea hina Lotu, molaho, molijeraha, moaso tahonai me Atua.
9Ra tajua terenia molaho, moaso tahonai me Atua;
10Tepinisia na tahasihe motuhatuha sanu me na Rio-houli Tahonai hina Pea hina Lotu, teulo palo suri na sanu momalua mea.
11Mohijetoho hi Piter me Jon, ra tajua vunuvunu tenumai vileahi taitalira me na Perusule, tejuria hi Solomon, teuloulo tahajia.
12Natuha morenira, Piter molalaa me ra tanoho, “Tajua hi Israel moaso sura sava otomarohimiu suri na sanu naa? sura sava otoyusoamiu, palahi sura semiu hauhaua e tahonai jivi tovei na tajua naa molaho?
13Atua hi Epereham mei Aisak mei Jekop, Atua Tamara tamaja, moaurahai Matuna Iesu; inie otolavia, otoaso mosapilamiu, me Pailet ihisa momeje na nunia.
14Maa otoaso suri na Tapu me Tataholo, mosapilamiu me otomeje na taha-veimete na tajua teveipelea;
15Otolosi na Tahapise hina Mauri; maa Atua movea motamaraha: naa topinisia.
16Suria torohoroho me na hisei Iesu, na tajua naa, amiu vunuvunu otorenia me otopinisia, me na hisena mohauhaua; na rohoroho me Iesu movei na tajua momauri hauhaua.
17Maa, Tuahau, apinisi otovea suria na seja sapinisi, ra moli hije mono.
18Ra sanu natuha Atua mopisera mine me na vavara pilana provet, teveioso me Kristo, movea momalua
19Suria, otosijomi otositahaperehe amiu sura lavituhe ra pilamiu veioso, natuha ra rani tetila tohova temalua me na Moli;
20Mosula Iesu Kristo, molalaa nie mine ta meja:
21Na tailahi mosi-sena-mule, me na rani Atua movei ra sanu vunuvunu me naf ulu tetataholo; Atua moaso me ra vavara pilana provet tapu vunuvunu me na tahu na ulu movaere.
22Suria Moses moaso taharahu me na tamara, Na Moli Atua hije, movei na provet momaraha pa hi tuahaja, palaiau: otoroho pa ra sanu vunuvunu moaso ta meja.
23Momalua pa, vai te tajua itea mosaroho na Provet natuha momate vunuvunu.
24Io, ra provet vunuvunu, Samuel, valura me na tahuna tepisera tanoho, teaso mine suri ra rani natuha.
25Oto-paule hira provet, hina Rahutau Atua moaso me ra tamaja, moaso me Epereham, Me ra matumu, ra tajua vunuvunu me na ulu temali-nilara-sanu.
26Suri amiu majiha movea Matuna Iesu motamaraha, mosulae sura veiamiu ototahonai, motahapereheamiu vunuvunu me na pilamiu vei vasoosoo.”
હાલમાં પસંદ કરેલ:
Ra Vei Hira Yarisula 3: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
