Кʼаред Шандийа 1
1
Бона Рʼӧһʼе Пирози создайи
(Луԛа 24:49)
1Тʼейофилойе хԝәйиԛәдьр, мьн кʼьтеба хԝәйә пешьнда#1:1 Луԛа 1:1-4. дәрһәԛа ԝан һʼәму тьштада ньвиси, чь кӧ Иса кьр у һин кьр, жь серида 2һʼәта ԝе рʼожа кӧ бәрбь әʼзмен һатә һьлатьне. Ле һе бәри әʼзмен һьлатьне Әԝи бь Рʼӧһʼе Пироз тʼәми ль шандийед Хԝәйә бьжарти кьр. 3Пәй ԝан щәфайед Хԝәрʼа Әԝи гәләк щара Хԝә нишани ԝан дьда, рʼаст дьда избаткьрьне кӧ Әԝ сах ә. Навбәра чьл рʼожида ԝанва хӧйа дьбу у дәрһәԛа Пʼадшатийа Хԝәдеда ԝанарʼа хәбәр дьда. 4Щарәке гава Әԝи тʼәви ԝан нан дьхԝар, тʼәми да ԝан у гот: «Жь Оршәлиме дәрнәкʼәвьн, ле бәле һивийа созе Баве бьсәкьньн, бона кʼижани ԝә жь Мьн бьһист#1:4 Луԛа 24:49. . 5Йуһʼәнна бь аве ньхӧманд, ле һуне чәнд рʼожа шунда бь Рʼӧһʼе Пироз бенә ньхӧмандьне»#1:5 Мәтта 3:11; Марԛос 1:8; Луԛа 3:16; Йуһʼәнна 1:33. .
Жорһьлатьна Иса
(Марԛос 16:19-20; Луԛа 24:50-53)
6Гава шагьрт һәврʼа щики бун, жь Иса пьрсин у готьне: «Хӧдан, ви зәманида Те Пʼадшатийа Исраеле ль ԝан вәгәрʼини?» 7Әԝи ль ԝан вәгәрʼанд у гот: «Әԝ нә ише ԝә йә кӧ һун ԝан ԝәхт у зәмана бьзаньбьн йед кӧ Баве бь һʼӧкӧме Хԝә кʼьфш кьрьнә. 8Ле гава Рʼӧһʼе Пироз бе сәр ԝә, һуне ԛәԝате бьстиньн у жь Оршәлимеда гьрти тʼәмамийа Щьһустане, Самәрйайе у һʼәта сәре дьне жи бьбьнә шәʼдед Мьн»#1:8 Мәтта 28:19; Марԛос 16:15; Луԛа 24:47-48. . 9Гава әв йәк гот, бәр чʼәʼве ԝан бәрбь әʼзмен һатә һьлатьне у әʼԝрәки жь бәр чʼәʼве ԝан Әԝ вәшарт#1:9 Марԛос 16:19; Луԛа 24:50-51. .
10Әԝ һе зурʼ бьбун ль чуйина Ԝийә әʼзмен дьньһерʼин, ва дӧ мәрьвед кʼьнщсьпи щәм ԝан сәкьнин 11у готьн: «Гәли щәлилийа! Һун чьма ӧса сәкьни нә у ль әʼзмен дьньһерʼьн? Әԝ Исайе кӧ жь нав ԝә һатә һьлатьне, ԝе ӧса жи бе, чаԝа ԝә дит Әԝ чу әʼзмен».
Бьжартьна Матийо дәԝса Щьһудайе Исхәрйоти
(Мәтта 27:3-10)
12Һьнге әԝана жь чʼийайе Зәйтʼуне вәгәрʼийанә Оршәлиме, кӧ рʼийа рʼожәкә шәмийе#1:12 Бь готьнәкә дьн: «Километьрәке». дури Оршәлиме бу. 13Гава һатьнә бажер, чунә ода мәзьнә жорьн, әԝ щийе кӧ Пәтрус у Йуһʼәнна, Аԛуб, Әндраԝьс, Филипо, Тʼума, Бәртоломәйо, Мәтта, Аԛубе Һалфаԝо, Шьмһʼуне ԝәлатпʼарьст у Щьһудайе Аԛуб теда дьман#1:13 Мәтта 10:2-4; Марԛос 3:16-19; Луԛа 6:14-16. . 14Ван һʼәмуйа һәр гав һәврʼа тʼәви кʼӧлфәта у Мәрйәма дийа Иса у бьрайед Ԝи дӧа дькьрьн.
15Ԝан рʼожада Пәтрус нава баԝәрмәндада рʼабу, (кӧ ль ԝьр ԛаси сәд бист мәрьви бун) у гот: 16«Гәли бьра! Гәрәке әв ньвисара бьһата сери, чаԝа кӧ бәри ве йәке Рʼӧһʼе Пироз бь дәве Даԝьд бона Щьһуда готьбу, кӧ әԝ бу рʼебәре ԝан, йед кӧ Иса гьртьн. 17Әԝ тʼәви мә нав һʼәсабе мәда бу у пʼара ԝи жи нава ви ԛӧльхида бу».
18(Әԝи бь һәԛе кьре хԝәйи нәһәԛ әʼрдәк станд у ль ԝьр сәр сери кʼәт, зьк ле ԛәльши дьл-һʼьнаве ԝи һʼәму рʼьжийан. 19Әва йәка һʼәму бьнәлийед Оршәлимева әʼйан бу, һʼәта бь зьмане хԝә жи ԝи әʼрдирʼа Һәԛьлдьма готьн, аԝа готи «Әʼрде хуне».)#1:19 Мәтта 27:3-8.
20Пәтрус думайи кьр гот: «Чаԝа кʼьтеба Зәбурада жи ньвисар ә:
‹Дә бьра мала ԝи хьрабә бә, кәсәк теда нәминә›#1:20 Зәбур 69:25.
у:
‹Дә бьра ԛӧльхе ԝийи сәрԝертийе йәки дьн бьстинә›#1:20 Зәбур 109:8. .
21Аԝа гәрәке йәк жь ԝан мера бә, кʼижан кӧ тʼәмамийа ԝи ԝәхти тʼәви мә бунә гава Хӧдан Иса тʼәви мә дьчу дьһат, 22жь ньхӧмандьна Йуһʼәннада гьрти һʼәта ԝе рʼожа кӧ Әԝ жь нав мә бәрбь әʼзмен һатә һьлатьне. Әԝ гәрәке тʼәви мә бьбә шәʼде рʼабуна Ԝийә жь мьрьне».
23Дӧ мәри данә сәкьнандьне, йәк Усьве кӧ жерʼа Барсабо дьготьн (кӧ наве ԝи данибун Йусто) у йе дьн Матийо. 24Дӧа кьрьн у готьн: «Хӧдан, Тӧ кӧ дьле һәр кәси зани, жь ван һәр дӧйа кʼижани кӧ Тӧ дьбьжери бьдә кʼьфше, 25ԝәки әви ԛӧльхе шандитийе бьстинә, жь кʼижани Щьһуда же кʼәт кӧ һәрʼә щийе хԝә». 26Пʼәшк сәр ԝан авитьн, пʼара Матийо кʼәт у әԝ сәр һʼәсабе йанздәһ шандийада зедә бу.
હાલમાં પસંદ કરેલ:
Кʼаред Шандийа 1: KmrNTC
Highlight
શેર કરો
નકલ કરો
Want to have your highlights saved across all your devices? Sign up or sign in
© Институт перевода Библии, 2000, 2011
