Кʼаред Шандийа 2
2
Һатьна Рʼӧһʼе Пироз Рʼожа Пенщийә һʼәсабда
1Гава Рʼожа Пенщийә һʼәсаб һат#2:1 Ԛануна Кʼаһинтийе 23:15-21; Ԛануна Дӧщари 16:9-11. , һʼәму жи һәврʼа щики бун. 2Ньшкева жь әʼзмен мина дәнге байе ԛайим дәнгәк һат у тʼәмамийа ԝе мала кӧ теда рʼуньштьбун тʼьжи кьр. 3Һьнге зьманед мина алава егьр ԝанва хӧйа бун у ль сәр һәр йәки жь ԝан данин. 4Һʼәму бь Рʼӧһʼе Пироз тʼьжи бун у дәстпекьрьн зьманед майин хәбәр дан, чаԝа кӧ Рʼӧһʼе Пироз әԝ дьданә хәбәрдане.
5Ԝи чахи Оршәлимеда щьһуйед хԝәдехоф дьман, әԝ жь нав һʼәму мьләтед бьн пʼәрʼе әʼзменда һатьбун. 6Гава әԝ дәнг һат, щьмәʼтәкә гьран щьвийа у тʼәвиһәв бу, чьмки дьбьһистьн кӧ әԝана бь зьманед ԝан һәр йәки хәбәр дьдан 7у һʼәйр-һʼӧжмәкʼар, зәндәгьрти майи дьготьн: «Әв һʼәмуйед кӧ хәбәр дьдьн нә жь Щәлиле нә? 8Ле чаԝа жь мә һәр йәк ԝи зьмани дьбьһе, йе кӧ әм навда дьне кʼәтьнә? 9Партойи, мәди, әʼлами, бьнәлийед Мәсопотамйайе, Щьһустане, Кәпәдокйайе, Понтосе, Асйайе#2:9 Ԝи чахи «Асйа» кем у зедә ԝәкә Тʼьркйа иройин нас дькьрьн. , 10Фьригйайе, Памфилйайе, Мьсьре у йед ль алийе Либйайа незики Курене у ӧса жи йед хәрибә жь Рʼоме һати, 11щьһу у нәщьһуйед кӧ һатьнә сәр баԝәрийа щьһуйа, ӧса жи кьрети у әʼрәб. Әм дьбьһен кӧ әвана бь зьмане мә кьред Хԝәдейә мәзьн дьбежьн». 12Һʼәмуйа һʼәйр-һʼӧжмәкʼар шашмайи һәвдӧрʼа дьготьн: «Әв чь һʼәԝал ә?» 13Ле һьнәка жи ԛәрфе хԝә дькьрьн у дьготьн: «Пе шәрава ну сәрхԝәш бунә».
Даннасинийа Пәтрусә пәй һатьна Рʼӧһʼе Пирозрʼа
14Һьнге Пәтрус тʼәви һәр йанздәһа рʼабу дәнге хԝә һьлда у щьмәʼтерʼа гот: «Гәли щьһуйа у һʼәмуйед кӧ Оршәлимеда дьминьн! Бьра әв йәка ԝәва әʼйан бә у гӧһ бьдьнә хәбәред мьн. 15Әвана нә сәрхԝәш ьн, чаԝа кӧ һун дьфькьрьн, һе сьбәһ зу сьһʼәт нәһә йә#2:15 Щьһуйа ль гора әʼдәте хԝә сәре сьбе нан нәдьхԝарьн һʼәта сьһʼәта нәһа пәй дӧарʼа. . 16Ле әва әԝ йәк ә, чь кӧ Йоел пʼехәмбәр готийә:
17‹Рʼожед ахьрийеда Хԝәде дьбежә ԝе аһа бә:
Әзе жь Рʼӧһʼе Хԝә сәр һʼәму мәрьвада бьбариньм,
кӧрʼ у ԛизед ԝәйе пʼехәмбәртийе бькьн,
щаһьлед ԝәйе дитьнока бьбиньн
у кал-пиред ԝәйе жи хәԝна.
18Бәле, Әзе ԝан рʼожада Рʼӧһʼе Хԝә сәр хӧлам у щарийед Хԝәда жи бьбариньм
у ԝе пʼехәмбәртийе бькьн.
19Жор ль әʼзмен
тьштед әʼщебмайи бьдьмә кʼьфше
у жер сәр әʼрде жи нишана,
хун у агьр, ду у духан.
20Рʼойе бьԛарә
у һиве жи сор бә мина хуне,
һе бәри һатьна Рʼожа Хӧданә мәзьн у навә нишан.
21У ԝе ӧса бә, һәр кәсе кӧ гази наве Хӧдан кә ԝе хьлаз бә›#2:21 Йоел 2:28-32. .
22Гәли исраелийа, ван хәбәра бьбьһен! Исайе Ньсрәте, мәрьвәки кӧ жь алийе Хԝәдеда кʼьфшкьри бу, Хԝәде пе Ԝи нава ԝәда нишан, кʼәрәмәт у кьред ԛәԝат кьрьн, чаԝа кӧ һун хԝәха жи заньн. 23Бона Ԝи Хԝәде һе пешда ԛьрар кьрьбу у бь занәбуна Ԝи Әԝ кʼәтә дәсте ԝә, ԝә жи бь дәсте нәрʼаста дармьхе хьст кӧшт#2:23 Мәтта 27:35; Марԛос 15:24; Луԛа 23:33; Йуһʼәнна 19:18. . 24Ле Хԝәде ԛәйдед мьрьнейә щәфе вәкьрьн, Әԝ жь мьрьне рʼакьр, чьмки мьрьне нькарьбу һʼӧкӧми сәр Ԝи бькьра#2:24 Мәтта 28:5-6; Марԛос 16:6; Луԛа 24:5. . 25Даԝьд бона Ԝи дьбежә:
‹Мьн тʼьме Хӧдан пешийа хԝә дьдит,
чьмки Әԝ ль алийе мьни рʼасте йә, кӧ әз нәлькʼӧмьм.
26Бона ԝе йәке дьле мьн ша бу,
зьмане мьн жи жь әшԛа нәсәкьни,
бәдәна мьнә мьри жи ԝе бь гӧман бьжи,
27чьмки Тӧ мьн дийаре мьрийада наһели,
нә жи Те бьһели кӧ Пирозе Тә бьрʼьзә.
28Тә рʼийед әʼмьр мьнва әʼйан кьрьн
у Те шабуна диндара Хԝәва мьн тʼьжи ки›#2:28 Зәбур 16:8-11. .
29Гәли бьра! Һʼәԝщә йә кӧ әз ашкәрә бона Даԝьде бавәʼшир ԝәрʼа бежьм, кӧ әԝ мьр дәфьн кьрьн, тʼьрба ԝи һʼәта рʼожа иро жи нава мәда йә. 30Ле әԝ кӧ пʼехәмбәр бу, ԝи заньбу кӧ Хԝәде бь сонд ԝирʼа соз дайә, ԝе жь бәдәна ԝи Йәки дайнә сәр тʼәхте ԝи#2:30 Пʼадшати IV, 7:12-13; Зәбур 132:11. . 31Әԝи әв йәк һе пешда дит у бона рʼабуна Мәсиһ гот, кӧ Әԝе дийаре мьрийада нәминә, нә жи бәдәна Ԝийе бьрʼьзә#2:31 Зәбур 16:10. . 32Әва әԝ Иса бу, йе кӧ Хԝәде Әԝ жь мьрьне рʼакьр, кӧ әм һʼәму жи шәʼдә нә. 33Хԝәде Әԝ һьлкʼьшанд да кʼеләка Хԝәйә рʼасте, Әԝи жи Рʼӧһʼе Пирози создайи жь Баве станд у жорда баранд, чаԝа кӧ һун ньһа дьбиньн у дьбьһен. 34Рʼаст ә Даԝьд нәчубу әʼзмана, ле ԝи хԝәха әв йәк гот:
‹Хӧдан готә Хӧдане мьн,
кʼеләка Мьнә рʼасте рʼуне,
35һʼәта кӧ Әз дьжмьнед Тә бькьмә бьне пʼийед Тә›#2:35 Зәбур 110:1. .
36Ньһа бьра тʼәмамийа мала Исраел рʼьнд заньбә әԝ Исайе кӧ ԝә хач кьр, Хԝәде Әԝ һьн кьрә Хӧдан, һьн жи Мәсиһ».
37Щьмәʼте әв йәк кӧ бьһист, мина тирәке дьле ԝан кʼәт, Пәтрус у шандийед майинрʼа готьн: «Әм чь бькьн, гәли бьра?» 38Пәтрус ԝанрʼа гот: «Тʼобә кьн у бьра жь ԝә һәр йәк бь наве Иса Мәсиһ бона бахшандьна гӧна бе ньхӧмандьне у һуне Рʼӧһʼе Пироз пʼешкʼеш бьстиньн. 39Әв соз бона ԝә у зарʼед ԝә йә, ӧса жи бона һʼәмуйед дур ә кӧ Хӧдан Хԝәде мәйе гази ԝан кә».
40Пәтрус бь гәләк хәбәред майин бь мәʼрифәти тʼәми да у һиви жь ԝан кьр у гот: «Хԝә жь ви ньсьле нәһәԛ хьлаз кьн». 41Әԝед кӧ хәбәред ԝи ԛәбул кьрьн, пе аве һатьнә ньхӧмандьне у ԝе рʼоже ԝәкә се һʼәзара ль һәв зедә бун. 42Ԝан тʼьме хԝә ль һинкьрьна шандийа дьгьрт, ль һәв дьщьвийан, нан кәрдькьрьн#2:42 Ль ве дәре те фәʼмкьрьне, кӧ баԝәрмәнда пешийе нан дьхԝар, паше Шива Хӧдан дәрбаз дькьрьн. у дӧа дькьрьн.
Әʼмьре баԝәрмәнда
43Хоф у тьрс дькʼәтә сәр һәр кәси у бь дәсте шандийа гәләк кʼәрәмәт у нишан дьбун. 44Һʼәму баԝәрмәнд һәврʼа бун у һәр тьштед ԝан йәк бу. 45Һәбук у мьлкʼе хԝә жи дьфьротьн у бәлайи һʼәмуйед һʼәԝщә дькьрьн. 46Һәр рʼож бь тʼьфаԛ дьчунә пʼарьстгәһе, малада нан кәрдькьрьн у әшԛ-ша бь дьле сах хԝарьн дьхԝарьн, 47шькьрийа хԝә Хԝәде данин у тʼәмамийа щьмәʼте ль ԝан хԝәш бу. Хӧдан жи рʼож бь рʼож һʼәсабе хьлазбуйийа зедә дькьр.
હાલમાં પસંદ કરેલ:
Кʼаред Шандийа 2: KmrNTC
Highlight
શેર કરો
નકલ કરો
Want to have your highlights saved across all your devices? Sign up or sign in
© Институт перевода Библии, 2000, 2011
