Кʼаред Шандийа 3
3
Ԛәнщбуна йе ньгада сәԛәт пʼарьстгәһеда
1Щарәке Пәтрус у Йуһʼәнна ԝәхте дӧайе сьһʼәта сьсийа һьлдькʼьшийанә пʼарьстгәһе. 2Мәрьвәки жь зькмакийеда ньгада сәԛәт һәбу, кӧ һәр рʼож данин бәр дәргәһе пʼарьстгәһейи кӧ Бәдәԝ дьһатә готьне даданин, кӧ жь йед дьһатьнә пʼарьстгәһе пʼарс кьра. 3Әви кӧ дит Пәтрус у Йуһʼәнна дькʼәвьнә пʼарьстгәһе, лава ԝан кьр кӧ пʼарсе бьдьне. 4Пәтрус тʼәви Йуһʼәнна ль ԝи ньһерʼи у готе: «Ль мә бьньһерʼә!» 5Әԝи жи ль ԝан ньһерʼи у чʼәʼве ԝи ле бу, кӧ ԝе тьштәки жь ԝан бьстинә. 6Һьнге Пәтрус готе: «Зерʼ у зиве мьн тʼӧнә, ле чи мьн һәйә әзе Ԝи бьдьмә тә. Бь наве Иса Мәсиһе Ньсрәте рʼабә бьгәрʼә». 7Дәсте ԝийи рʼасте гьрт рʼакьр, перʼа-перʼа ԛӧдуме чока у гузәкед ԝи шьдийан. 8Әԝи банзда сәр хԝә сәкьни, дәстпекьр гәрʼийа у тʼәви ԝан кʼәтә пʼарьстгәһе дьгәрʼийа, банздьда у шькьри дьда Хԝәде. 9Гава тʼәмамийа щьмәʼте дит кӧ әԝ дьгәрʼә у шькьрийе дьдә Хԝәде, 10нас кьрьн кӧ әԝ ә, йе кӧ бона пʼарсе бәр дәргәһе пʼарьстгәһейи Бәдәԝ рʼудьньшт у бона тьште кӧ тʼәви ԝи ԛәԝьми зәндәгьрти мабун у дьһʼәйирин.
Пәтрус һеԝангәһа Сьлеманда даннасин дькә
11Әви кӧ Пәтрус у Йуһʼәнна бәрʼнәдьдан, тʼәмамийа щьмәʼте әʼщебмайи бәрбьрʼи ԝан бәзи, һʼәта ԝи щийе кӧ жерʼа дьготьн һеԝангәһа Сьлеман. 12Пәтрус кӧ әв йәк дит, щьмәʼтерʼа гот: «Гәли исраелийа! Һун чьма бона ве йәке әʼщебмайи манә? Чьма тьһәрәки ль мә дьньһерʼьн? Те бежи ԛәй мә бь ԛәԝат йан хԝәдепʼарьстийа хԝә әԝ да гәрʼе? 13Хԝәдейе Бьраһим, Исһаԛ, Аԛуб у Хԝәдейе кал-бавед мә, Бәрдәстийе Хԝә Иса рʼумәт кьр#3:13 Дәркʼәтьн 3:14-15. . Ԝә нәмамийа Ԝи кьр у бәр Пилато тʼәхсир кьр, гава әԝи ԛьрар кьрьбу кӧ Ԝи бәрʼдә. 14Ԝә йе Пироз у рʼаст тʼәхсир кьр у йе меркӧж хԝәст кӧ ԝәрʼа бе бәрʼдане#3:14 Луԛа 23:13-23. . 15Ԝә Чʼәʼвканийе жийине кӧшт, ле Хԝәде Әԝ жь мьрьне рʼакьр у әм хԝәха шәʼдә нә. 16У ԛәԝата наве Ԝи әва мәрьва ԛәнщ кьр, кʼижани кӧ һун дьбиньн у нас дькьн. Бәле ԝе баԝәрийа бь наве Ԝи әва бәр чʼәʼве ԝә һʼәмуйа сах-сьламәт кьр.
17Ньһа гәли бьра, әз заньм кӧ ԝә жи мина сәрԝеред хԝә бь нәзанийа хԝә кьрийә. 18Ле Хԝәде чаԝа бәри ве йәке бь дәве һʼәму пʼехәмбәра бона щәфе Мәсиһе Хԝә готьбу, ӧса жи кьр. 19Аԝа тʼобә кьн у бәрбь Хԝәде вәгәрʼьн, кӧ гӧнед ԝә бенә рʼәситкьрьне. 20Һьнге ԝәхтед жийиндарийе жь һʼьзурийа Хӧдан ԝе бен у Әԝе Иса бьшинә, ԝи Мәсиһе кӧ бәреда бона ԝә кʼьфш кьрийә. 21Лазьм ә Әԝ ль әʼзмен бьминә, һʼәта кӧ Хԝәде һәр тьшти ну чекә#3:21 Аһа жи те фәʼмкьрьне: «Һʼәта кӧ Хԝәде һәр тьшти бинә сери», аԝа готи һәр тьштед кӧ бь дәве пʼехәмбәра дәрһәԛа Иса Мәсиһда һатьнә готьне. , чаԝа кӧ һе бәре пешда Хԝәде бь дәве пʼехәмбәред Хԝәйә пироз готьбу. 22Бәле Муса гот: ‹Хӧдан Хԝәдейе ԝә ԝе жь нав бьрайед ԝәда Пʼехәмбәрәки мина мьн ԝәрʼа дәрхә. Һәр чь кӧ ԝәрʼа бежә, гәрәке һун гӧһдарийа Ԝи бькьн. 23Һәр кʼи кӧ гӧһдарийа Ԝи пʼехәмбәри нәкә, жь нав щьмәʼте ԝе бе ԛәтандьн у ӧндакьрьне›#3:23 Ԛануна Дӧщари 18:15, 18, 19. . 24У һʼәму пʼехәмбәра жи, жь Самуел гьрти у йед пәйрʼа чь кӧ готьнә, бона ван рʼожа хәбәр данә. 25Һун миратʼхӧред пʼехәмбәра у ԝе пәймане нә, йа кӧ Хԝәде тʼәви кал-бавед ԝә#3:25 Нав һьнәк дәстньвисарада дәԝса «ԝә» «мә» һәйә. гьреда. Әԝи готә Бьраһим: ‹Бь зӧрʼәта тә әзе дӧа һʼәму мьләтед дьнйайе бькьм›#3:25 Дәстпебун 22:18; 26:4. . 26Хԝәде Бәрдәстийе Хԝә Иса мьләтрʼа дәрхьст у пешийе шандә щәм ԝә, кӧ дӧа ԝә бькә у бь ви аԝайи ԝә һәр кәси жь хьрабийед ԝә вәгәрʼинә».
હાલમાં પસંદ કરેલ:
Кʼаред Шандийа 3: KmrNTC
Highlight
શેર કરો
નકલ કરો
Want to have your highlights saved across all your devices? Sign up or sign in
© Институт перевода Библии, 2000, 2011
