1. Mose 5
5
Staumboom von Adam bat Noah
1Dit es daut Buak von Adam sien Jeschlajcht. Aun däm Dach, doa Gott Adam schauft, muak hee am em Jlikjnis Gottes. 2Aus Maun un Fru schauft hee an, un hee säajend an un jeef an däm Nomen Mensch, aun däm Dach, doa see jeschauft worden.
3Un Adam läwd 130 Joa un jebua eenen Sän en sienem Jlikjnis, no sienem Bilt, un jeef am däm Nomen Seth. 4Un de Doag von Adam, nodäm hee Seth jebuaren haud, wieren 800 Joa, un hee jebua Säns un Dajchta. 5Un aule Doag Adam, dee hee läwd, wieren 930 Joa, un hee storf.
6Un Seth läwd 105 Joa un jebua Enos. 7Un Seth läwd, nodäm hee Enos jebuaren haud, 807 Joa un jebua Säns un Dajchta. 8Un aule Doag Seth wieren 912 Joa, un hee storf.
9Un Enos läwd 90 Joa un Jebua Kenan. 10Un Enos läwd, nodäm hee Kenan jebuaren haud, 815 Joa un jebua Säns un Dajchta. 11Un aule Doag Enos wieren 905 Joa, un hee storf.
12Un Kenan läwd 70 Joa un jebua Mahalalel. 13Un Kenan läwd, nodäm hee Mahalalel jebuaren haud, 840 Joa un jebua Säns un Dajchta. 14Un de Doag Kenan wieren 910 Joa, un hee storf.
15Un Mahalalel läwd 65 Joa un jebua Jered. 16Un Mahalalel läwd, nodäm hee Jered jebuaren haud, 830 Joa un jebua Säns un Dajchta. 17Un aule Doag Mahalalel wieren 895 Joa, un hee storf.
18Un Jered läwd 162 Joa un jebua Henoch. 19Un Jered läwd, nodäm hee Henoch jebuaren haud, 800 Joa un jebua Säns un Dajchta. 20Un aule Doag Jered wieren 962 Joa, un hee storf.
21Un Henoch läwd 65 Joa un jebua Methusalah. 22Un Henoch waundeld met Gott, nodäm hee Methusalah jebuaren haud, 300 Joa un jebua Säns un Dajchta. 23Un aule Doag Henoch wieren 365 Joa. 24Un Henoch waundeld met Gott; un hee wia nich mea, dan Gott neem am wajch.
25Un Methusalah läwd 187 Joa un jebua Lamech. 26Un Methusalah läwd, nodäm hee Lamech jebuaren haud, 782 Joa un jebua Säns un Dajchta. 27Un aule Doag Methusalah wieren 969 Joa, un hee storf.
28Un Lamech läwd 182 Joa un jebua eenen Sän. 29Un hee jeef am däm Nomen Noah, endäm hee säd: Disa woat ons äwa onse Oabeit treesten un äwa de Mieej onse Henj, wäajen däm Ieedboddem, däm Gott veflucht haft. 30Un Lamech läwd, nodäm hee Noah jebuaren haud, 595 Joa un jebua Säns un Dajchta. 31Un aule Doag Lamech wieren 777 Joa, un hee storf.
32Un Noah wia 500 Joa oolt; un Noah jebua Sem, Ham un Jafet.
હાલમાં પસંદ કરેલ:
1. Mose 5: PBJHF
Highlight
શેર કરો
નકલ કરો
Want to have your highlights saved across all your devices? Sign up or sign in
© SW-Radio e.V.