Luk TƠDRONG 'NAO 'LƠ̆NG YÊSU KRIST
TƠDRONG 'NAO 'LƠ̆NG YÊSU KRIST
KIƠ̆ KƠ
LUKA
Bơngai chih Luka
Sư minh 'nu bơngai thây pơgang (Kôlôs 4:14) Sư bơngai Grĕk mă lui kơ Kră Yang bơih. Rŏ lăng lăp minh 'nu sư đĕch lăm lu bơngai 'ngoaih đei chih 'bar sơ̆p lăm hla bơar nơ̆r 'Bok Kei-Dei (Luka păng Jơ̆ng 'bang). Luka noh buăl juăt Pôl păng kŭm buăl jang hơdai Pôl lăm tơdrong chă bơtho ră roi.
Bơngai iŏk
Theo phil (wă khan bơngai 'mêm kơ 'Bok Kei-Dei) 'Bok âu rŏ lăng sư adrĕch pơm tih kơplah noh sơ̆ păng sư noh buăl Luka. 'Bar sơ̆p hla bơar Luka chih (Luka păng tơdrong jang lu jơ̆ng 'bang) mă khan chih ăn kơ minh 'nu bơngai, mă lei tơdrong kơnhăm noh gơih ăn kơ lơ bơngai oei chơchă wă kơ hlôh gah tơdrong lui păng lu bơngai mă lui bơih kơ Kră Yang Yêsu.
Chih lai yơ
Dang sơnăm 60 đơ̆ng rŏng kơ Kră Yang. Tơ Rôm dah tơ Sêsarê.
Chih kơnhăm
Luka wă kơ bơngai đŏk đơ̆ng sư chih noh băt kơ Kră Yang Yêsu, Sư bơih minh 'nu 'lơ̆ng tôm tơdrong. Sư tơ'ngla mă dŏng pơklaih kon bơngai teh đak wă kơ lu bơngai teh đak sơng iŏk Sư na gơh klaih.
Trong tơm
Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.” (19:10).
Asong chăl
1. Pơih nơ̆r blŭng-a (1:1-4).
2. Yôhan 'Batem păng Kră Yang Yêsu kơplah chăl oei hơ'lơ̆p păng arih adrô̆ tơ bri brah.
3. Tơdrong jang Yôhan 'Batem (3:1-20).
4. Kră Yang iŏk 'Batem păng satan pơhlŭ Sư (3:21-4:13).
5. Tơdrong jang Kră Yang Yêsu tơ Galilê (4:14-9:50).
6. Tơdrong jang Kră Yang Yêsu đơ̆ng Galilê truh tơ Jêrusalem (9:51-19:27).
7. Năr giĕng tuch luch Kră Yang Yêsu oei tơ Jêrusalem păng tơring jê̆ kiơ̆ ei (19:28-23:56).
8. Tơdrong Kră Yang Yêsu Krist iung arih, tơdrong Sư tơ'bôh kơ đe păng tơdrong Sư tŏk tơplĕnh (24:1-53).
Lu bơngai tơm đei chih roi
Kră Yang Yêsu, Êlisabet, Sachari, Yôhan 'Batem, Mary, lu bơngai pơhrăm kiơ̆ Yêsu, Hêrôt pơtao tơm, Pilat, Mary Madơlen.
Lăm sơ̆p 'nâu đei 24 chăl păng 1142 trong.
હાલમાં પસંદ કરેલ:
Luk TƠDRONG 'NAO 'LƠ̆NG YÊSU KRIST: bdq
Highlight
શેર કરો
નકલ કરો
Want to have your highlights saved across all your devices? Sign up or sign in
©Bahnar Bible Association. All rights reserved.